ជីវិតកម្សាន្ដ
តារាចម្រៀងវ័យក្មេង រ៉េត ស៊ូហ្សាណា រកបានដៃគូច្រៀងថ្មីជំនួសលោក ដួង វីរៈសិទ្ធ
តារាចម្រៀងវ័យក្មេង កញ្ញា រ៉េត ស៊ូហ្សាណា កន្លងមកត្រូវបានអ្នកគាំទ្រដឹងហើយថា កញ្ញាធ្លាប់ចាប់ដៃគូជាមួយតារាចម្រៀងសំឡេងផ្អែម លោក ដួង វីរៈសិទ្ធ ដោយទទួលបានការគាំទ្រជាច្រើន និងធ្វើឲ្យកេរ្ដិ៍ឈ្មោះតារាស្រីរូបនេះ ល្បីមកដល់ពេលបច្ចុប្បន្ន។
បន្ទាប់មកតារាប្រុស-ស្រីវ័យក្មេងទាំង ២រូបខាងលើ ក៏ស្រាប់តែអស់ឱកាសក្នុងការធ្វើជាដៃគូជាមួយគ្នារយៈពេលជាង ១ឆ្នាំទៅហើយ ក្រោយពីលោក ម៉ម វា សនា ហៅ ដួង វីរៈសិទ្ធ បានចាកចេញពីហង្សមាសទៅទ្រនំថ្មី “រាម” នាអំឡុងខែកុម្ភៈឆ្នាំ ២០២១កន្លងទៅ។ ដោយសារកត្តានេះហើយ ទើបតារាស្រីស្អាត រ៉េត ហ្សាណា ងាកទៅចាប់ដៃគូជាមួយកូនប្រុសទី ២ របស់កំពូលតារាចម្រៀង ព្រាប សុវត្ថិ គឺលោក សុវត្ថិ មុនីនាគ វិញម្តង។
ចំណែកថ្មីៗនេះ កញ្ញា រ៉េត ស៊ូហ្សាណា ក៏រកបានដៃគូឆ្លងឆ្លើយថ្មីម្នាក់ទៀត ជំនួសលោក ដួង វីរៈសិទ្ធ គឺកំលោះតូច លីម តិចម៉េង ដែលម្ចាស់ពាន Cambodian Idol រដូវកាលទី ៤ ខណៈពួកគេច្រៀងសម្ដែ ងរួមគ្នាជាលើកដំបូង តាមរយៈបទ «ស្ម័គ្រធ្វើសង្សារបីថ្ងៃ»។ បើតាមការសង្កេតឃើញសម្រាប់ កញ្ញា រ៉េត ស៊ូហ្សាណា ការចាប់ដៃគូជាមួយ លីម តិចម៉េង នៅពេលនេះក៏សកិ្ដសមគ្នា និងប្លែកម្យ៉ាងដែរ។
ជាមួយគ្នានេះ បើតាមប្រភពព័ត៌មានបង្ហើបដែរថា ចំពោះតម្លៃខ្លួនរបស់តារាចម្រៀងស្រីស្អាត រ៉េត ស៊ូហ្សណា ច្រៀងក្នុងមួយកម្មវិធី ស៊ីថ្លៃរហូតដល់ទៅជិត ២ពាន់ដុល្លារឯណ្ណោះ ខណៈដែលកញ្ញាត្រូវប៉ាន់ទាំងច្រៀង សម្ដែង និងទីផ្សារស្ពតពាណិជ្ជកម្ម ផងដែរ។ ដូច្នេះហើយ ធ្វើឲ្យតារាវ័យ ២២ឆ្នាំរូបនេះ អាចរកបា្រក់ចំណូលបាន ជាច្រើនម៉ឺនដុល្លារក្នុងមួយឆ្នាំៗ រហូតមានលទ្ធភាពទិញបានផ្ទះ ២ល្វែងជាប់គ្នាតម្លៃជាង ២០ម៉ឺនដុល្លារ និងទិញរថយន្ដទំនើបម៉ាក Jeep Rubicon តម្លៃជិត ៩ម៉ឺនដុល្លារ៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង