ជីវិតកម្សាន្ដ
នាយ ព្រហ្ម ម៉ាញ ស្រក់ទឹកភ្នែកក្នុងពិធីបុណ្យសពសិល្បករផ្នែកភ្លេងបុរាណនិងជាគ្រូដៃឃឹម
ពិតជាគួរឲ្យសង្វេគខ្លាំងណាស់ក្នុងពិធីបុណ្យសពរបស់សិល្បករផ្នែកភ្លេងបុរាណ និងជាគ្រូដៃឃឹមលោក សូ សំអាត ហៅ ណុល ដែលបានរៀបចំកាលពីម្សិលមិញនៅវត្តនាគវន្ត ខណៈពិធីបុណ្យសពនេះពុំសូវមានអ្នកសិល្បៈចូលរួមច្រើនគឺមានលក្ខណៈស្ងប់ស្ងាត់ស្ទើរមិនគួរឲ្យជឿ។
ដោយសារឃើញទិដ្ឋភាពបែបនេះអ្នកចម្រៀងអាយ៉ៃល្បីឈ្មោះគឺលោក ព្រហ្ម ម៉ាញ និងអ្នកនាង កាឆយ បានបង្ហាញពីអារម្មណ៍ក្តុកក្តួលជាខ្លាំងរហូតស្រក់ទឹកភ្នែកអាណិតដល់សពលោកគ្រូ សូ សំអាត ហៅ ណុល ខណៈសិល្បការិនីជើងចាស់ពីររូបទៀតក៏បង្ហាញអារម្មណ៍ដូចគ្នា។
បើតាមការរៀបរាប់ពីអ្នកនាង កាឆយ ដែលស្វះស្វែងក្នុងការជួយចាត់ចែងពិធីបុណ្យសពនេះបានលើកឡើងថា វីរៈសិល្បៈចាស់ៗដូចជាលោក ព្រហ្ម ម៉ាញ, អ្នកគ្រូ អ៊ុក សុផា និងអ្នកគ្រូ ព្រហ្មផល្លា ក៏គាត់ទឹកភ្នែកព្រោះតែអ្នកដែលធ្លាប់ធ្វើការងារជាមួយគ្នាជាង ៣០ ឆ្នាំគឺពុំមាននណាម្នាក់មកជួយឬក៏មកផ្តល់កម្លាំងចិត្តដល់គ្រូដៃខ្សែលោក សូ សំអាត ហៅ ណុល។
តារាកំប្លែងអ្នកនាង កាឆយ ដែលជាអ្នករួមសិល្បៈជាមួយសិល្បករផ្នែកភ្លេងបុរាណ និងជាគ្រូដៃឃឹមលោក សូ សំអាត ហៅ ណុល បានបន្ថែមថា ពួកគាត់ (ព្រហ្ម ម៉ាញ) គាត់អង្គុយតូចចិត្តគ្រប់ៗគ្នាមានតែទឹកភ្នែក។
អ្នននាង កាឆយ បន្តថាប្អូនរៀបចំជូនអោយបងបាន តែប៉ុណ្ណឹទេ អរគុណបងប្អូនទាំងអស់គ្នាសូមបងទៅឱ្យបានសុខចុះទោះបីមិនបានធំតែមានក្រុមបងៗភ្លេងបុរាណជួយគ្នាបានល្អណាស់។
សូមជម្រាបថា បន្ទាប់ពីទទួលដំណឹងនៃការបាត់បង់ធនធានមនុស្សផ្នែកសិល្បៈប្រពៃណីបុរាណ និងជាគ្រូ ឃឹម ដ៏ជំនាញម្នាក់ទៀតគឺលោក សូ សំអាត ហៅណុលដែលបានទទួលមរណភាពនាព្រឹកថ្ងៃទី ០៣ ខែឧសភា ឆ្នាំ២០២៣ នៅមន្ទីរពេទ្យកាល់ម៉ែតនោះក៏មានសិល្បករ-សិល្បការិនីមានក្តីរន្ធត់ចិត្តជាពន់ពេក។
លោកគ្រូ សូ សំអាត ហៅ ណុល គឺជាសិល្បករជើងចាស់ដែលមានទេពកោសល្យដ៏ប៉ិនប្រសព្វនិងជំនាញខាងឧបករណ៍តន្រ្តីបុរាណ ឃឹម ដែលមានបទពិសោធន៍រាប់ឆ្នាំ និងបានបង្រៀនដល់ក្មេងជំនាន់ក្រោយជាច្រើននាក់ឲ្យទទួលបានជំនាញឧបករណ៍ឃឹមនេះ។
លោកក៏ជាសមាជិកយ៉ាងសកម្ម និងសំខាន់ម្នាក់ក្នុងក្រុមភ្លេងរបស់អ្នកចម្រៀងអាយ៉ៃដ៏ល្បីគឺលោក ព្រហ្ម ម៉ាញ ដែលមានកេរ្តិ៍ឈ្មោះល្បីនៅក្នុងក្រុមចម្រៀងអាយ៉ៃនេះអស់រយៈពេលជាយូរឆ្នាំមកហើយ។
រឿងដែលកាន់តែរន្ធត់ និងស្ទើរតែមិនគួរឲ្យជឿទៀតនោះគឺភរិយារបស់លោក សូ សំអាត ហៅណុល ទើបតែទទួលមរណភាពកាលពីថ្ងៃទី ១៣ ខែវិច្ឆិកាឆ្នាំ២០ ២១កន្លងទៅ។
រយៈពេលត្រឹមតែជាង១ឆ្នាំប៉ុណ្ណោះអ្នកទាំងពីរបានលាកូនលាចៅទៅដោយបន្សល់ទុកនូវក្ដៅអាឡោះអាល័យ និងអនុស្សាវរីយ៍រាប់មិនអស់ពីសំណាក់កូនៗមិត្តភក្តិនិងសាច់ញាតិ។
សពលោក សូ សំអាត ហៅ ណុល ត្រូវបានដង្ហែទៅធ្វើបុណ្យបន្តនៅឯស្រុកកំណើតរបស់លោកស្ថិតនៅក្នុងភូមិត្រពាំងលើក ឃុំកណ្ដឹង ស្រុកបាទី ខេត្តតាកែវនៅថ្ងៃទី ៤ ខែឧសភានេះ៕
អត្ថបទ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង