ម្ចាស់បទ «ប្រពន្ធលួចលាក់» ខៀវ ដាឡិច ត្រៀមអង្រួនសិល្ប:ជាថ្មីក្រោយបាត់មួយរយៈធំ

អតីតតារាចម្រៀងធ្លាប់មានប្រជាប្រិយភាព និងល្បីឈ្មោះតាមរយ:បទ «ប្រពន្ធលួចលាក់» ខៀវ ដាឡិច បើគិតមកដល់ពេលនេះហាក់ឃ្លាតឆ្ងាយពីវិថីសិល្ប:មានរយ:ពេលច្រើនឆ្នាំមកហើយ ខណ:ទស្សនិកជនជាច្រើននៅតែចាំឈ្មោះនាងមិនភ្លេច។

បន្ទាប់ស្ងប់ស្ងាត់បាត់វត្តមានពីអាជីពចម្រៀងអស់មួយសន្ទុះធំ តារាចម្រៀង ខៀវ ដាឡិច ថ្មីៗនេះក៏ការទម្លាយពីប្រភពច្បាស់ការពីការវិលត្រឡប់ចូលជាថ្មីក្នុងវិស័យចម្រៀងដើម្បីបំបែកទីផ្សាគាំទ្រពីមហាជន។ មិនត្រឹមតែប៉ុណ្ណោះក៏មានការបញ្ជាក់ថា តារាស្រីរូបនេះ នឹងមានស្នាដៃបទថ្មីៗចេញបម្រើអារម្មណ៍ទស្សនិកជនទៀតផង។

ប្រភពពីតារាចម្រៀងស្រី ខេង សម្ផស្ស បានបញ្ជាក់ឲ្យដឹងថា“បងប្អូននៅចាំបានទេបងស្រី ខៀវ ដាឡិច ម្ចាស់បទ: ប្រពន្ធលួចលាក់ ត្រឡប់មកម្ដងទៀតហើយ មកសារនេះមានអ្វីដែលថ្មីទៀតហើយជាមួយ និងបទចម្រៀងស្រដៀងនិងបទចាស់ដែលបងស្រី ខៀវដាឡិច និងចេញបទថ្មីរួមគ្នាជាមួយ និងនាងខ្ញុំ គឺបទ ប្ដីចែសង្សារខ្ញុំ សូមជួយគាំទ្រផងណាបងប្អូនក្នុងពេលឆាប់ៗនេះ“។

ដំណឹងនៃការវិលត្រឡប់របស់តារាចម្រៀង ខៀវ ដាឡិច បានធ្វើឲ្យអ្នកគាំទ្រនាងមួយចំនួនបានទន្ទឹងរង់ចាំវត្តមានរបស់នាងជាមួយស្នាដៃបទចម្រៀងថ្មីៗផងដែរ។​

គួរបញ្ជាក់ថា ខៀវ ដាឡិច កន្លមកធ្លាប់បានសាងភាពល្បីល្បាញជាច្រើនឆ្នាំលើវិស័យចម្រៀងដែលបទចម្រៀងរបស់នាងទទួលបានការពេញចិត្តច្រើនពីទស្សនិកជន ខណ:បទចម្រៀងមួយចំនួនធំមានអ្នកចូលទស្សនាលើបណ្តាញ​Youtube​រាប់លានដង។

តាមការកត់សម្គាល់ម្ចាស់បទ«ប្រពន្ធលួចលាក់» ដួងរូបនេះគឺបានសាងស្នាដៃចម្រៀងច្រើនដែលភាគ ច្រើ នចេញមកសុទ្ធសឹងតែមានទស្សនិកជនគាំទ្រច្រើន។ ជាក់ស្តែងបទ«ប្រពន្ធលួចលាក់»ក្រៅពីត្រូវបានមហា ជននិយមស្តាប់ហើយនោះថែមមានបន្សល់ទុកនូវកា រកោតសរសើរពីទឹកដមសម្លេងទៀតផង៕

អត្ថបទ៖ ចាន់រ៉ា