តារាកូរ៉េព្រួតគ្នាបរិច្ចាគ​ប្រាក់រាប់លានដុល្លារ ជួយដល់​ជនរងគ្រោះ​ដោយសារ​ភ្លើង​ឆេះ​ព្រៃ

ដោយសារគ្រោះមហន្តរាយភ្លើងឆេះព្រៃដ៏អាក្រក់បំផុតក្នុងប្រវត្តិសាស្ត្រ តារាជាច្រើនកំពុងបង្ហាញការគាំទ្រយ៉ាងខ្លាំងចំពោះអ្នកដែលរងផលប៉ះពាល់ដោយភ្លើងឆេះព្រៃថ្មីៗនេះនៅក្នុងប្រទេសកូរ៉េ។

នៅថ្ងៃទី ២៧ Seventeen បានបរិច្ចាគ ១ ពាន់លានវ៉ុនតាមរយៈសមាគមសង្គ្រោះគ្រោះមហន្តរាយជាតិនៃស្ពានសង្ឃឹម។ សមាជិកទាំងប្រាំមួយរូបនៃក្រុម IVE ក៏បានចូលរួមវិភាគទានចំនួន ២០០ លានវ៉ុនផងដែរ ដោយសមាជិកម្នាក់ៗបរិច្ចាគ ១០០ លានវ៉ុន ដើម្បីគាំទ្រជនរងគ្រោះដោយភ្លើងឆេះព្រៃ។ សមាជិក BTS គឺJ-Hope, SUGA និង RM ម្នាក់ៗបានបរិច្ចាគ១០០លានវ៉ុន ចំណែក Jungkook ១ ពាន់លានវ៉ុន (៦៨០ ០០០ដុល្លារ ) ដើម្បីគាំទ្រជនរងគ្រោះដោយភ្លើងឆេះព្រៃនៅក្នុងតំបន់ Ulsan, Gyeongbuk និង Gyeongnam ។

JYP Entertainment ដែលរួមមាន 2PM, TWICE, និង Stray Kids បានបរិច្ចាគ ៥០០លានវ៉ុន ដើម្បីជួយអ្នកស្រុក និងកុមារដែលរងផលប៉ះពាល់ដោយគ្រោះមហន្តរាយតាមរយៈសាជីវកម្មសុខុមាលភាពសង្គមរបស់អង្គការទស្សនៈពិភពលោក។ ផលិតកម្ម SM Entertainment ក៏បានបរិច្ចាគថវិកា ៣០០ លានវ៉ុនសម្រាប់ការសង្គ្រោះភ្លើងឆេះព្រៃផងដែរ។

គូស្នេហ៍ Lee Hyo-ri និង Lee Sang-soon បានបរិច្ចាក ១០០លានវ៉ុន និង ២០ លានវ៉ុន Shin Min-a និង Kim Woo-bin ម្នាក់ៗបានបរិច្ចាគ ៥០លានវ៉ុនដល់កាកបាទក្រហមកូរ៉េ ខណៈដែលគូស្នេហ៍ Lee Sang-woo និង Kim So-yeon, Han Ji-min និង Choi Jung-hoon ហើយ IU និង Lee Jong-suk ក៏បានប្រកាសពីឥទ្ធិពលល្អរបស់ពួកគេតាមរយៈការបរិច្ចាគផងដែរ។

បន្ថែមពីលើអ្នកផ្សេងទៀតដូចជា Jang Geun-seok, Lynn, Kim Se-jeong, Lee Mi-joo, Byeon Woo-seok, Lee Junho, Go Youn-jung, Suzy, Go Min-si, Kim Na-young, Lee Chan-won, Yoo Jae-suk, Lee Dong-wook, Park Bo-young, Jin-Siwan, Yowa-Shimo, NCT Jin-woo, Chun Woo-hee, Yeong-tak, Jang Min-ho, Park Jin-young និង Ji-hyo ក៏បានចូលរួមចំណែកថវិកាដើម្បីគាំទ្រដល់ការសង្គ្រោះគ្រោះមហន្តរាយភ្លើងឆេះព្រៃ ដែលនាំមកនូវការបំផុសគំនិត។

យោងតាមទីស្នាក់ការកណ្តាលប្រឆាំងគ្រោះមហន្តរាយ និងសុវត្ថិភាពកាលពីថ្ងៃទី២៧ បានបញ្ចាក់ថា ឧប្បត្តិហេតុភ្លើងឆេះព្រៃក្នុងពេលដំណាលគ្នាដែលបានកើតឡើងកាលពីថ្ងៃទី ២១ នៅតំបន់ Gyeongsang បានបណ្តាលឲ្យមានអ្នកស្លាប់ និងរបួសជាច្រើននាក់ និង ២៦ នាក់បានបាត់បង់ជីវិត។ នៅ Uiseong និង Andong ជាកន្លែងដែលការខូចខាតភ្លើងឆេះព្រៃធ្ងន់ធ្ងរបំផុត ហើយចំនួនអ្នកភៀសខ្លួនបានកើនឡើងដល់ ៣៧.១៨៥ នាក់ឯណោះ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖SUGA, Taeyeon និង Seulgi បរិច្ចាគប្រាក់ម្នាក់ជិត៧ម៉ឺនដុល្លារ ជួយជួយជនរងគ្រោះដោយភ្លើងឆេះព្រៃ