អាង សុជាតា ប្រកាសទុកពេល២៤ម៉ោងឲ្យម្ចាស់គណនីTik Tok មួយសុំទោសជាសាធារណៈ

តារាសម្តែងវ័យក្មេង កញ្ញា អាង សុជាតា បានផ្ទុះប្រតិកម្មក្តៅស្លឹកត្រចៀកប្រកាសព្រមានទុកពេល២៤ម៉ោងឲ្យម្ចាស់គណនី Tik Tok មួយសុំទោសជាសាធារណ: បន្ទាប់ពីបុគ្គលរូបនោះបានយករូបភាពនាងទៅបង្ហោះដោយសរសេរភ្ជាប់ខ្លឹមសារប្រមាថកិត្តិយសថ្លៃថ្នូរ។

ប្រតិកម្មរបស់តារាសម្តែងកញ្ញា អាង សុជាតា នេះធ្វើឡើងភ្លាមៗស្របពេលដែលមានម្ចាស់គណនី Tik Tok មួយបានយករូបភាពរបស់ខ្លួនទៅធ្វើការកាត់ ត តាមបច្ចេកវិទ្យាសម័យទំនើបលក្ខណ:មិនសមរម្យបង្ហោះនៅលើបណ្តាញ​សង្គនមួយនេះបង្កការភ័ណ្ឌច្រឡំដល់មហាជនអ្នកគាំទ្រ និងអ្នកប្រើប្រាស់បណ្តាញសង្គម។

តារាស្រី អាង សុជាតា បានបង្ហោះខ្លឹមសារព្រមាននៅលើបណ្តាញសង្គមហ្វេសប៊ុកថា «គ្មានពេលលេងសើចទេក្បាលកញ្ចាស់អស់ហើយ កុំមកនិយាយថាលេងតាម filterកុំគិតថារកមុខមិនឃើញគ្រាន់ប្រាប់ដឹងខ្លួនចេញមកសុំទោសកុំអោយខ្ញុំដល់ករ»។ អាង សុជាតា បញ្ជាក់ថា អាធ្យាស្រ័យសូមជួយលុបរូបដែលរូបជារបស់ខ្ញុំចេញពីគណនីរបស់អ្នកឯងអោយអស់ជាប្រញ៉ាប់។

តារាសម្តែង អាង សុជាតា បានបញ្ជាកបន្ថែមថា“ខ្ញុំរាប់ចាប់ពីម៉ោង៩និង៤២នាទីនេះតទៅខ្ញុំទុកពេលឲ្យ ២៤ម៉ោងលុបរូបខ្ញុំព្រមទាំងផុសសុំទោសខ្ញុំជាសាធារណ: បើសិននៅបន្តខ្ញុំនឹងធ្វើតាមច្បាប់“។ យ៉ាងណាមកទល់ពេលនេះគេមិនទាន់ដឹងទេថា តើ សុជាតា នឹងមានវិធានការផ្លូវច្បាប់បែណាចំពោះជនរូបនេះនៅឡើយទេខណ:មកទល់ពេលនេះមិនទាន់ឃើញតម្រុយនៃការសុំទោសនៅឡើយទេ៕

អត្ថបទ៖​ ចាន់រ៉ា