ជីវិតកម្សាន្ដ

រកឃើញអ្នកឈ្នះ៥រូប ក្នុងការប្រកួតបវរកញ្ញាភេទទី៣ នៅកម្ពុជាលើកដំបូង

បានផុស

៤ years មុន

នៅ

ថ្ងៃចន្ទ ២២ កុម្ភៈ ២០២១

ដោយ

ភ្នំពេញ ៖ ថ្វីត្បិតពេលនេះបញ្ហានៃជំងឺកូវី-១៩បាននិងកំពុងផ្ទុះឡើងជាថ្មី ប៉ុន្តែសម្រាប់ការប្រកួតបវរកញ្ញាភេទទី៣នៅកម្ពុជាលើកដំបូងកាលពីចុងសប្ដាហ៍មុននេះ គឺនៅតែទទួលផ្លែផ្កាល្អ បើទោះជាការរៀបចំបានជួបបញ្ហាជាច្រើនព្រោះតែជំងឺកូវីដ-១៩ក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីលោក ម៉ែន និមលរតន៍ ដែលជាអ្នករៀបចំកម្មវិធីប្រកួតថ្លែងបញ្ជាក់ដោយបានបង្ហាញពីភាពរីករាយនិងសប្បាយចិត្តលើការរៀបចំការប្រកួតបវរកញ្ញាភេទទី៣ដំបូងទទួលបានផ្លែផ្កាលើសពីការរំពឹងទុករបស់ខ្លួន។

យើងមិនរំពឹងថា អាចមានលទ្ធផលខ្ពស់បែបនេះទេ ព្រោះអីគ្រាន់តែប្រកាសរៀបចំភ្លាមក៏ចាប់ផ្តើមកើត មានការផ្ទុះជំងឺកូវីដ-១៩ភ្លែតធ្វើឲ្យខ្ញុំស្រងាកចិត្តជាខ្លាំង។ តែយ៉ាងណាយើងពិតជាសប្បាយចិត្តដោយឃើញអ្នកឈ្នះក្នុងកម្មវិធីនេះសុទ្ធសឹងតែជាអ្នកមានសមត្ថភាពខ្ពស់។

លោកបញ្ជាក់ថា ចំពោះម្ចាស់ជ័យលាភីបវរកញ្ញាភេទទី៣កម្ពុជា២០២០ទាំង៥រូប មានដូចជា,ជ័យលា ភីលេខ១បានទៅលើកញ្ញាឯកភេទទី៣ ពាក់ស្លាកលេខ២ ដែលមានឈ្មោះថា SAIFHON ,ជ័យលា ភីរងទី១គឺកញ្ញា Hani ,ចំណែកជ័យលាភីរងទី២ គែកញ្ញា Anna ហើយសម្រាប់ជ័យលាភីទាំង៥រូបនឹងចុះហត្ថលេខាលើកិច្ចសន្យាគ្រប់គ្រងជាមួយ ក្រុមហ៊ុន CAMBODIA INTERNATIONALM ODELS រយៈពេល២ឆ្នាំ។

សូមបញ្ជាក់ថា ជ័យលាភីបវរកញ្ញាភេទទី៣កម្ពុជា ២០២០ទាំងអស់ហ្នឹងធ្វើដំណើរទស្សនកិច្ចក្នុងខេត្តមួយចំនួនក្នុងប្រទេសកម្ពុជាដើម្បីផ្សព្វផ្សាយពីតំបន់ទេសចរណ៍ ប្រពៃណីនិង វប្បធម៌ក្នុងអំឡុង ពេលនៃការគ្រងមកុដក្នុងនាមជាជ័យលាភីបវរកញ្ញាបវរកញ្ញាភេទទី៣កម្ពុជា២០២០។ ម្យ៉ាងទៀតក្រោយការរៀបចំលើកទី១ប្រកបដោយជោគជ័យកម្មវិធីប្រកួតបវរកញ្ញាភេទទី៣លើកទី២ក្នុងឆ្នាំ២០២១នេះត្រៀមនឹងរៀបចំជាថ្មីទៀតក្នុងពេលដ៏ខ្លីខាងមុខ៕

ដោយ ៖ ចាន់រ៉ា