ព័ត៌មានអន្ដរជាតិ
ចិនរកឃើញថា វីរុសបំប្លែងខ្លួនចក្រភពអង់គ្លេស មានប្រភពចេញពីសត្វឆ្កែ
យោងតាមការសិក្សារបស់អ្នកវិទ្យាសាស្ត្រចិនបានឲ្យដឹងថា វីរុសកូរ៉ូណាបំប្លែងខ្លួនមួយប្រភេទ ដែលត្រូវបានគេរកឃើញដំបូងនៅក្នុងប្រទេសអង់គ្លេស ប្រហែលជាចេញមកពីសត្វឆ្កែ។
ក្រុមអ្នកស្រាវជ្រាវដែលមានមូលដ្ឋាននៅទីក្រុងសៀងហៃ បានតាមដានការវិវឌ្ឍន៍ដំបូងនៃវីរុស B117 ដែលបានបង្កឲ្យមានករណីនៃរលកថ្មីនៅក្នុងប្រទេសជាច្រើន។ ពួកគេមិនបានរកឃើញសំណាករបស់វីរុស ដែលប្រមូលបានពីមនុស្សនៅទូទាំងពិភពលោកនោះទេ។
ប៉ុន្តែនៅពេលដែលពួកគេ ពង្រីកការស្រាវជ្រាវទៅដល់សត្វ ពួកគេបានរកឃើញទម្រង់ដើមនៃវីរុស B117 មួយចំនួននៅលើសត្វឆ្កែ រួមទាំងសំណាកមួយដែលយកបាននៅសហរដ្ឋអាមេរិកកាលពីខែកក្កដាផងដែរ។
សាស្ត្រាចារ្យ Chen Luonan និងសហសេវិកនៅមន្ទីរពិសោធន៍ State Key Laboratory of Cell Biology បានសរសេរថា “ប្រភេទដើមនៃវីរុសបំប្លែងខ្លួននេះ មានជាប់ពាក់ព័ន្ធទៅនឹងវីរុសបំប្លែងខ្លួន B117 ដើម នៅក្នុងពពួកសត្វឆ្កែ ហើយពួកគេអាចចម្លងទៅមនុស្សបន្ទាប់ពីរយៈពេលនៃការកំឡាយមេរោគយ៉ាងឆាប់រហ័ស”។
ការលេចឡើងនៃវីរុសបំប្លែងខ្លួន B117 បានធ្វើឲ្យក្រុមអ្នកស្រាវជ្រាវមានការងឿងឆ្ងល់។ បន្ទាប់ពីការរកឃើញក្នុងខ្លួនអ្នកជំងឺពីរនាក់នៅទីក្រុង Kent ភាគអាគ្នេយ៍ប្រទេសអង់គ្លេសនិងទីក្រុងឡុងដ៍កាលពីខែកញ្ញា វីរុសនេះបានក្លាយជាជំងឺដែលលេចធ្លោជាងគេនៅក្នុងចក្រភពអង់គ្លេសនិងប្រទេសជាច្រើនទៀត ដែលរីករាលដាលយ៉ាងឆាប់រហ័សជាងវីរុសមុនៗ។
ទោះបីជាយ៉ាងណាក៏ដោយ អ្នកជំនាញខ្លះជឿថា វីរុសនេះ ប្រហែលជាលេចចេញពីសហគមន៍នានាដែលជ្រើសរើសប្រើថ្នាំប្រឆាំងមេរោគមិនបានត្រឹមត្រូវ ក្នុងពេលមានជំងឺរាតត្បាតទើបធ្វើឲ្យវីរុសបំប្លែងខ្លួនលេចចេញឡើង៕
ប្រែសម្រួលដោយ៖ Vann Vann
ប្រភព៖ SCMP
ចុចអាន៖ ក្រោយរកឃើញវីរុសបំប្លែងខ្លួនថ្មី N501Y ហុងកុង ហាមជើងហោះហើរមកពី៣ប្រទេស មានមួយនៅអាស៊ីអាគ្នេយ៍
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore