ព័ត៌មានអន្ដរជាតិ
ក្រោយករណីឆ្លងកូវីដឡើងខ្ទង់ពាន់ច្រើនថ្ងៃ ក្រុង បាងកក ដាក់កំហិតឲ្យប្រជាជនពាក់ម៉ាសជាចាំបាច់ អ្នកល្មើសនឹងធ្ងន់ខ្លួន
ការពាក់ម៉ាសនៅខាងក្រៅ ឬទីសាធារណៈបានក្លាយជាករណីចាំបាច់នៅក្នុងរដ្ឋធានីបាងកក ប្រទេសថៃ ចំពេលមានការកើនឡើងនៃជំងឺកូវីដ ១៩ បំប្លែងខ្លួនថ្មី ហើយអ្នករំលោភបំពានប្រឈមនឹងការផាកពិន័យយ៉ាងច្រើនសន្ធឹកសន្ធាប់ ។
ជំងឺកូវីដ ១៩ បំប្លែងខ្លួនថ្មី ដែលត្រូវបានរកឃើញដំបូងនៅចក្រភពអង់គ្លេស កំពុងរីករាលដាលយ៉ាងឆាប់រហ័សនៅក្នុងប្រទេសថៃ ចាប់តាំងពីចុងខែមីនាមក ។ ករណីឆ្លងថ្មីប្រចាំថ្ងៃបានកើនឡើងដល់ ២,០៤៨ ករណីកាលពីថ្ងៃចន្ទ ពោលគឺប្រហែល ៧០ ដងនៃកម្រិតឆ្លងខ្ពស់បំផុតនៅដើមខែនេះ ។
ចាប់ផ្តើមកាលពីពីថ្ងៃចន្ទ ប្រជាជននៅទីក្រុងបាងកក ត្រូវពាក់ម៉ាសជាចាំបាច់ពេលចេញក្រៅ ខណៈអ្នកល្មើសអាចប្រឈមនឹងការពិន័យជាប្រាក់ រហូតដល់ ៦៣០ ដុល្លារ ។
ទន្ទឹមនោះ ហាងម៉ាស្សា សួនកម្សាន្ត និងកន្លែងខ្លះទៀតក៏នឹងបន្តបិទរយៈពេល ២ សប្តាហ៍ទៀតផងដែរ ។
ច្បាប់នេះក៏បានហាមឃាត់ ការបរិភោគ និងផឹកស្រា នៅតាមភោជនីយដ្ឋាន ក្រោយម៉ោង ៩ យប់ ផងដែរ ហើយច្បាប់នេះគឺអនុវត្តនៅក្នុងតំបន់ចំនួន ១៨ រួមទាំងទីក្រុងបាងកក ។
ប៉ុន្តែក៏នៅតែមានអ្នកល្មើសផងដែរ បន្ទាប់ពីភោជនីយដ្ឋានមួយនៅខេត្ត Chonburi ភាគខាងកើត ត្រូវបានគេរកឃើញថា បានរំលោភច្បាប់មួយនេះកាលពីថ្ងៃសៅរ៍ ហើយអតិថិជនជនជាតិជប៉ុនចំនួន ៩ នាក់ ត្រូវបានចាប់ខ្លួនក្នុងករណីនេះ ។
គួរបញ្ជាក់ថា គិតត្រឹមពេលនេះ ប្រទេសថៃមានករណីឆ្លងជំងឺកូវីដ ១៩ សរុប ៥៧,៥០៨ ករណី និងមានអ្នកស្លាប់ ១៤៨ នាក់ ខណៈមានអ្នកជាសះស្បើយចំនួន ៣១,៥៩៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ឆ្លងច្រើនពេក! ថៃ រឹតត្បិតក្រុង បាងកក និងបិទខេត្តចំនួន ៤០ រយៈពេល ២ សប្ដាហ៍រហូតដល់ចប់ចូលឆ្នាំ
ចុចអាន ៖ វីរុសកូវីដបំប្លែងខ្លួនចក្រភពអង់គ្លេស កំពុងវាយលុក បាងកក
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)