ព័ត៌មានអន្ដរជាតិ
ជនចំណាកស្រុក៧៤នាក់លង់ទឹកស្លាប់ក្នុងប្រទេស លីប៊ី
អង្គការអន្តោប្រវេសន៍អន្តរជាតិ (IOM) បាននិយាយថា ជនចំណាកស្រុកចំនួន៧៤នាក់បានស្លាប់នៅក្នុងការលិចទូកកាលពីថ្ងៃព្រហស្បតិ៍ជិតឆ្នេរនៃទីក្រុង Khums ក្នុងប្រទេសលីប៊ី។
IOM បាននិយាយកាលពីថ្ងៃព្រហស្បតិ៍ក្នុងសេចក្តីថ្លែងការណ៍មួយថា “ទូកនោះមានផ្ទុកមនុស្សជាង១២០នាក់ដោយក្នុងនោះក៏មានស្ត្រីនិងកុមារផងដែរ។ អ្នកនៅរស់រានមានជីវិតចំនួន៤៧នាក់ត្រូវបានឆ្មាំសមុទ្រនិងអ្នកនេសាទនាំយកមកគោកហើយសាកសព៣១នាក់ត្រូវបានស្រង់ចេញពីទឹកខណៈការស្វែងរកជនរងគ្រោះកំពុងបន្ត”។
IOM និយាយថា ចាប់តាំងពីថ្ងៃអង្គារមក មនុស្សយ៉ាងតិច១៩នាក់រួមទាំងកុមារ២នាក់ផងដែរបានលង់ទឹកស្លាប់បន្ទាប់ពីទូក២គ្រឿងបានលិចនៅកណ្តាលសមុទ្រមេឌីទែរ៉ាណេខណៈអង្គការក្រៅរដ្ឋាភិបាល Open Arms បានជួយសង្គ្រោះមនុស្សជាង២០០នាក់នៅក្នុងប្រតិបត្តិការចំនួន៣។
នៅក្នុងខែតុលា ជនចំណាកស្រុកចំនួន១៤០នាក់បានលង់ទឹកស្លាប់នៅឯឆ្នេរសមុទ្រសេណេហ្គាល់ដែលកាលនោះ IOM បានហៅថាជាការលិចទូកដែលសម្លាប់មនុស្សច្រើនបំផុតក្នុងឆ្នាំនេះ។
ទីភ្នាក់ងារជនអន្តោប្រវេសន៍ UN បាននិយាយថា ទូកដឹកមនុស្សប្រហែល២០០នាក់បានធ្វើដំណើរទៅកោះ Canary របស់ប្រទេសអេស្ប៉ាញហើយវាបានឆាបឆេះបន្ទាប់ពីចាកចេញពីទីក្រុងឆ្នេរសមុទ្រ Mbour ភាគខាងលិចប្រទេសសេណេហ្គាល់មុនពេលលិចនៅជិតកោះ Saint-Louis ឆ្នេរភាគពាយព្យប្រទេសនេះ។
យោងតាម IOM បានឲ្យដឹងថា ក្នុងឆ្នាំ២០២០នេះ មនុស្សយ៉ាងតិច៩០០នាក់បានលង់ទឹកស្លាប់ក្នុងសមុទ្រមេឌីទែរ៉ាណេខណៈព្យាយាមទៅដល់ច្រាំងអឺរ៉ុប៕
ប្រែសម្រួលដោយ៖ Vann Vann
ប្រភព៖ CNN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង