ខ្យល់កន្ត្រាក់បំផ្លាញផ្ទះពលរដ្ឋ ១០ខ្នង នៅស្រុកគាស់ក្រឡ

លំនៅឋានរបស់ប្រជាពលរដ្ឋចំនួន ១០ខ្នង ដែលស្ថិតនៅក្នុងភូមិចំនួន ៥ ក្នុងស្រុកគាស់ក្រឡ ខេត្តបាត់ដំបង ត្រូវបានខ្ទេចខ្ទីយ៉ាងដំណំបន្ទាប់ពីមានភ្លៀងធ្លាក់មួយមេយ៉ាងធំព្រមទាំងមានខ្យល់កន្ត្រាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមរបាយការណ៍របស់សមត្ថកិច្ចមូលដ្ឋានបានបញ្ជាក់ថា ហេតុការណ៍នៃគ្រោះធម្មជាតិនេះបានកើតឡើងកាល​ពីរសៀល ថ្ងៃទី២៩ ខែមីនា ឆ្នាំ២០២៥ ស្ថិតនៅក្នុងស្រុកគាស់ក្រឡ ខេត្តបាត់ដំបង។ ដែលមានករណីភ្លៀងលាយខ្យល់កន្ត្រាក់ កើតឡើងចំនួន ១លើក បណ្តាលឲ្យខូចខាតផ្ទះប្រជាពលរដ្ឋសរុបចំនួន ១០ខ្នង ដួលបង្គោល សូឡា ៤ដើម និង ខូចខាតស័ង្កសីអស់ចំនួន ១៤០សន្លឹក លើ ៥ភូមិ ក្នុងនោះគឺ ១-ភូមិកុយវែង ខូចខាតផ្ទះប្រជាពលរដ្ឋចំនួន ១ខ្នង ។ ២-ភូមិ បន្ទាយចារ ខូចខាតផ្ទះប្រជាពលរដ្ឋចំនួន ១ខ្នង ។ ៣-ភូមិ ឆ្នាល់មាន់ ខូចខាតផ្ទះប្រជាពលរដ្ឋចំនួន ៣ខ្នង។ ៤-ភូមិឫស្សីព្រះ ខូចខាតផ្ទះប្រជាពលរដ្ឋចំនួន ១ខ្នង។ និង ៥-ភូមិក្រាំងស្វាត ខូចខាតផ្ទះប្រជាពលរដ្ឋចំនួន ៤ខ្នង ។ នៅក្នុងករណីនេះដែរគឺពុំមានប៉ះពាល់ដល់ជីវិតមនុស្សសត្វឡើយ៕

អត្ថបទ៖ សោ និយមរ័ត្ន