រដ្ឋញូវយ៉កត្រៀមប្តឹងលោក Trump បើយករឿងវ៉ាក់សាំងកូវីដធ្វើជាការសងសឹក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រដ្ឋញូវយ៉កត្រៀមប្តឹងលោក Trump បើយករឿងវ៉ាក់សាំងកូវីដធ្វើជាការសងសឹក

Published

on

អគ្គមេធាវីនៃរដ្ឋញូវយ៉កលោកស្រី Letitia James និយាយថា លោកស្រីបានត្រៀមខ្លួនដើម្បីប្តឹងរដ្ឋបាលលោក Trump ប្រសិនបើរដ្ឋនេះមិនទទួលបានវ៉ាក់សាំងកូវីដដែលត្រូវបានយល់ព្រមរួមជាមួយរដ្ឋផ្សេងទៀតរបស់ប្រទេសនេះទេនោះ។

ថ្លែងនៅព្រឹកថ្ងៃនេះ លោក Trump បាននិយាយថា វ៉ាក់សាំងនឹងមាននៅទូទាំងសហរដ្ឋអាមេរិកលើកលែងតែរដ្ឋញូវយ៉កប៉ុណ្ណោះដោយលោកចោទប្រកាន់ថា ដោយសារតែអភិបាលរដ្ឋនេះលោក Andrew Cuomo ដែលជាអ្នកប្រជាធិបតេយ្យកំពុងពន្យាពេលក្នុងការចែកចាយ។

លោក Trump និយាយថា “លោក Cuomo ត្រូវតែជូនដំណឹងដល់យើងនៅពេលគាត់ត្រៀមខ្លួនទទួលយកវា ពីព្រោះបើមិនដូច្នេះទេ យើងមិនអាចបញ្ជូនវាទៅរដ្ឋដែលនឹងមិនផ្តល់ឲ្យប្រជាជនរបស់ខ្លួនភ្លាមៗនោះទេ”។

ក្នុងខែកញ្ញា អភិបាលរដ្ឋញូវយ៉កបានបង្កើតក្រុមវិទ្យាសាស្ត្រឯករាជ្យមួយដើម្បីពិនិត្យមើលនូវទិន្នន័យវ៉ាក់សាំងកូវីដដែលបានវិភាគដោយរដ្ឋបាលចំណីអាហារនិងឱសថ។

ទោះបីជាយ៉ាងណាក៏ដោយ លោកស្រី James បានរិះគន់ការលើកឡើងរបស់លោក Trump។

អគ្គមេធាវីរដ្ឋញូវយ៉កលោកស្រី Letitia James

លោកស្រីបាននិយាយថា “នេះគ្មានអ្វីក្រៅពីអាកប្បកិរិយាដែលចង់សងសឹកដោយប្រធានាធិបតីដែលព្យាយាមសងសឹកទៅលើអ្នកដែលប្រឆាំងនឹងនយោបាយរបស់គាត់នោះទេ”។

លោកស្រីនិយាយថា “ប្រសិនបើការផ្សព្វផ្សាយវ៉ាក់សាំងនេះកើតឡើងចំពេលដ៏ខ្មៅងងឹតនៃរដ្ឋបាលរបស់លោក Trump ហើយលោកប្រធានាធិបតីចង់លេងល្បែងជាមួយជីវិតប្រជាជននោះ យើងនឹងប្តឹងហើយយើងនឹងឈ្នះ”៕

ប្រែសម្រួលដោយ៖ Vann Vann

ប្រភព៖ BBC

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 mins ago

អាជ្ញាធរ​ខណ្ឌដង្កោ​បន្ត​ចុះ​ចែក​ម៉ាស និង​ផ្សព្វផ្សាយ​ដល់​ប្រជាពលរដ្ឋ​អំពី​វិធាន​ការបង្ការ​ទប់ស្កាត់​នូវ​ការរីក​រាលដាល នៃ​ជម្ងឺ កូ​វីដ១៩

ព័ត៌មានជាតិ19 mins ago

ថ្មីទៀតហើយ រកឃើញវិជ្ជមាន ៤ នាក់ទៀត នៅព្រះសីហនុ អាជ្ញាធរបិទសណ្ឋាគារ កាស៊ីណូ ហ្គូដដេស

កីឡា19 mins ago

សំអាង​លើ​ជំនាញ​នេះ សុខ ធី ជឿថា Superlek នឹង​ឈ្នះ​ខ្សែក្រវាត់​យប់​នេះ

ព័ត៌មានអន្ដរជាតិ20 mins ago

វេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត

ព័ត៌មានជាតិ21 mins ago

អាជ្ញាធរ​ចុះ​ពិនិត្យការសាងសង់​ស្ពាន​ប្រអប់និង​ផ្លូវលំ​ជា​អំណោយ​ឧ​ត្ត​ម​សេនីយ៍​ឯក ហ៊ុន ម៉ា​ណែត​ភ្ជាប់​ទៅកាន់​តំបន់​ប្រវត្តិសាស្ត្រ​ផ្ទះ​ប៉ុលពត​

Sokha Hotels

ព័ត៌មានពេញនិយម

Helistar Cambodia - Helicopter Charter Services