ព័ត៌មានអន្ដរជាតិ
ចិន ផ្ទុះករណីឆ្លងកូវីដជាចង្កោមក្នុងទីក្រុង Guangzhou ក្រោយប្រកាសបិទផ្នែកខ្លះ
អាជ្ញាធរសុខាភិបាលចិន បាននិយាយនៅថ្ងៃពុធ ទី២ ខែមិថុនា នេះថា ប្រទេសចិនបានរាយការណ៍ពីការរកឃើញករណីឆ្លងថ្មី នៃជំងឺកូវីដ ១៩ ចំនួន ២៤ ករណី និងមិនមានអ្នកស្លាប់នោះទេ កាលពីថ្ងៃអង្គារ ។
គណៈកម្មការសុខភាពជាតិ (NHC) បាននិយាយនៅក្នុងសេចក្តីថ្លែងការណ៍មួយថា ក្នុងចំណោមករណីឆ្លងថ្មីនេះ មាន ១៤ ករណី ជាករណីនាំចូល ខណៈករណីឆ្លងក្នុងស្រុក ១០ ករណី គឺកើតឡើងនៅភាគខាងត្បូងខេត្ត Guangdong ។
ទន្ទឹមនោះ ក្នុងចំណោមករណីទាំង ១០ ដែលបានបញ្ជាក់នៅក្នុងខេត្ត Guangdong មាន ៧ ករណីត្រូវបានរកឃើញឆ្លងជាចង្កោម នៅទីក្រុង Guangzhou និង ៣ ករណីនៅទីក្រុង Foshan ។
ទីក្រុង Guangzhou ដែលជាចំណុចផ្ទុះឆ្លងក្នុងស្រុកចុងក្រោយបង្អស់ នៅក្នុងប្រទេសចិន បានរាយការណ៍ថា មានករណីឆ្លងចំនួន ៤១ ករណី នៅចន្លោះពីថ្ងៃទី ២១ ខែឧសភា ដល់ថ្ងៃទី ១ ខែមិថុនា ខណៈកាលពីថ្ងៃសៅរ៍ អាជ្ញាធរទីក្រុងមួយនេះ បានបញ្ជាក់ឲ្យពលរដ្ឋនៅតាមផ្លូវចំនួន ៥ នៅខណ្ឌ Liwan ស្នាក់នៅផ្ទះ និងពន្យាពេលធ្វើសកម្មភាពដែលមិនចាំបាច់ ខណៈទីតាំងកម្សាន្ត និងផ្សារត្រូវបានបិទ ។
គួរបញ្ជាក់ថា គិតត្រឹមថ្ងៃទី ១ មិថុនា ប្រទេសចិនមានករណីឆ្លងជំងឺកូវីដ ១៩ សរុប ៩១,១៤៦ ករណី ខណៈអ្នកស្លាប់នៅតែមានចំនួនដដែល ៤,៦៣៦ នាក់ ហើយមានអ្នកជាសះស្បើយ ៨៦,១៦៤ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ចិន ចាប់ផ្តើមបិទផ្នែកខ្លះក្នុងក្រុង Guangzhou ក្រោយកូវីដឆ្លងថ្មីកើនឡើង
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore