មន្ត្រីសុខាភិបាល ថៃ ប្រាប់មូលហេតុ លោក ប្រាយុទ្ធ អង្គុយជុំគ្នាមិនពាក់ម៉ាស ថ្ងៃបើកសម្ពោធនៅ ភូកេត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

មន្ត្រីសុខាភិបាល ថៃ ប្រាប់មូលហេតុ លោក ប្រាយុទ្ធ អង្គុយជុំគ្នាមិនពាក់ម៉ាស ថ្ងៃបើកសម្ពោធនៅ ភូកេត

បានផុស

នៅ

លោក ប្រាយុទ្ធ ចាន់អូចា នាយករដ្ឋមន្ត្រីនៃប្រទេសថៃ កំពុងផ្ទុះការរិះគន់យ៉ាងខ្លាំងពាក់ព័ន្ធនឹងរូបភាពស៊ែរនៅលើបណ្ដាញសង្គម ដែលបង្ហាញថា លោករួមជាមួយនឹងក្រុមមន្ត្រីក្រោមឱវាទផ្សេងទៀត កំពុងអង្គុយជុំគ្នានៅលើកៅអីជុំវិញតុមុខឆ្នេរកោះភូកេត ដោយមិនពាក់ម៉ាស ក្រោយពីជិះទូកមើលឆ្នេររួចមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះដែរ លោក Anutin Chanweerakul ឧបនាយករដ្ឋមន្រ្តី និងជារដ្ឋមន្រ្តីក្រសួងសុខាភិបាលថៃ កាលពីថ្ងៃសុក្របានចេញមុខប្រាប់មូលហេតុចំពោះការរិះគន់ លើការរំលោភវិធានការការពារជំងឺកូវីដ ១៩ នេះ ។

លោក Anutin បានប្រាប់ក្រុមអ្នកសារព័ត៌មានថា “លោក ប្រាយុទ្ធ ចាន់អូចា គ្រាន់តែអង្គុយសម្រាកមួយភ្លេត ដើម្បីបំពេញបេសកកម្មបន្តប៉ុណ្ណោះ ។ លោកនាយករដ្ឋមន្ត្រីកំពុងប្រើពេល ៣០ នាទី ដើម្បីអង្គុយរង់ចាំទទួលភ្ញៀវទេសចរ នៅអាកាសយានដ្ឋានកោះភូកេត” ។

លោក Anutin Chanweerakul ឧបនាយករដ្ឋមន្រ្តី និងជារដ្ឋមន្រ្តីក្រសួងសុខាភិបាលថៃ

លោក Anutin បានបញ្ជាក់ថា “យើងបានធ្វើដំណើរទៅ ភូកេត នៅពេលព្រឹក ដូច្នេះខ្ញុំចង់ឲ្យលោកនាយករដ្ឋមន្ត្រីសម្រាក និងទទួលទានកាហ្វេ ក៏ដូចជាអារហារសម្រន់នៅទីនោះ ហើយពាក់ព័ន្ធនឹងការអង្គុយជុំគ្នានោះ លោក ប្រាយុទ្ធ ក៏បានរក្សាគម្លាតផងដែរ” ។

លោករដ្ឋមន្ត្រីសង្កត់ធ្ងន់ថា “អ្នករាល់គ្នាដែលអង្គុយនៅទីនោះ គឺសុទ្ធតែបានចាក់វ៉ាក់សាំងពេញ ២ ដូស ។ ក្រោយពេលញ៉ាំអាហារសម្រន់រួចហើយ យើងបានបន្តធ្វើការទៀត ហើយយើងមិនអង្គុយក្នុងភោជនីយដ្ឋាន ឬមានចេតនាប្រឆាំងបទបញ្ជាការពារកូវីដឡើយ” ។

លោកនាយករដ្ឋមន្ត្រី ប្រាយុទ្ធ ចាន់អូចា បានទៅសម្ពោធរមណីយដ្ឋានកោះ ភូកេត ក្រោយមានការអញ្ជើញពីក្រសួងធនធានទឹក និងបរិស្ថាន ដើម្បីបើកដំណើរការឲ្យប្រជាជនខេត្តភូកេត ធ្វើលំហាត់ប្រាណ និងបន្ធូរអារម្មណ៍នៅក្នុងគោលនយោបាយ “ប្រអប់​ខ្សាច់​ភូកេត ឬ Phuket Sandbox” ។

គួរបញ្ជាក់ថា រមណីយដ្ឋានកោះដ៏ពេញនិយម ភូកេត នៅភាគខាងត្បូងប្រទេសថៃ បានបើកដំណើរការឡើងវិញសម្រាប់ទេសចរណ៍អន្តរជាតិ កាលពីថ្ងៃព្រហស្បតិ៍ ដោយមិនចាំបាច់ឲ្យភ្ញៀវបរទេសធ្វើចត្តាឡីស័កឡើយ ឲ្យតែចាក់វ៉ាក់សាំងពេញ ២ ដូស ខណៈជំងឺកូវីដ ១៩ បានបញ្ឈប់ការមកដល់របស់ភ្ញៀវជាងមួយឆ្នាំកន្លងមកនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sanook

ចុចអាន ៖ ផ្ទុះការរិះគន់ខ្លាំង លោក ប្រាយុទ្ធ ប្រមូលផ្ដុំគ្នាទាំងមិនពាក់ម៉ាស ចូលរួមពិធីសម្ពោធកោះ ភូកេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services