ព័ត៌មានអន្ដរជាតិ

បុគ្គលិកពេទ្យថៃចាក់វ៉ាក់សាំងរួចជាង ៦០០នាក់ ឆ្លងកូវីដ

បានផុស

៣ years មុន

នៅ

ថ្ងៃចន្ទ ១២ កក្កដា ២០២១

ដោយ

ក្រសួងសុខាភិបាលសាធារណៈថៃកាលពីថ្ងៃអាទិត្យម្សិលមិញបាននិយាយថា បុគ្គលិកសុខាភិបាលជាង៦០០នាក់បានឆ្លងកូវីដ-១៩ បើទោះបីជាពួកគាត់បានចាក់វ៉ាក់សាំង Sinovac ទាំងពីរដូសរួចរាល់ហើយក្តី ដូច្នេះហើយបានជាអាជ្ញាធរកំពុងព្យាយាមចាក់បន្ថែមដូសទី៣។

ទិន្នន័យរបស់ក្រសួងចាប់ពីថ្ងៃទី១ ខែមេសា ដល់ទី១៩ ខែកក្កដា បានបង្ហាញថា ក្នុងចំណោមបុគ្គលិកសុខាភិបាល ៦៧៧ ៣៤៨នាក់ដែលបានចាក់វ៉ាក់សាំង Sinovac ទាំងពីរដូសរួចរាល់ មាន៦១៨នាក់ស្មើជាង១% បានឆ្លងកូវីដ-១៩ និងគីលានុប្បដ្ឋាយិកាម្នាក់បានស្លាប់ ហើយម្នាក់ទៀតកំពុងមានអាការធ្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sopon Iamsirithaworn អនុប្រធាននាយកដ្ឋានគ្រប់គ្រងជំងឈឆ្លងបានប្រាប់អ្នកសារព័ត៌មាននៅថ្ងៃអាទិត្យម្សិលមិញថា ក្រុមអ្នកជំនាញមួយបានណែនាំឲ្យបន្ថែមចាក់ដូសទី៣ដល់បុគ្គលិកសុខាភិបាលដែលប្រឈមហានិភ័យ។

លោកថា ៖«ការចាក់វ៉ាក់សាំងបន្ថែមនេះគឺផ្សេងគ្នា វ៉ាក់សាំង AstraZeneca ឬ mRNA ដែលនឹងទទួលបានក្នុងពេលខ្លី»។ លោកបន្ថែមថា សេចក្តីណែនាំនឹងត្រូវពិចារណានាថ្ងៃចន្ទ ទី១២ ខែកក្កដានេះ។

សេចក្តីប្រកាសបានធ្វើឡើង នៅពេលប្រទេសថៃមានករណីឆ្លងកូវីដ-១៩សរុប ៣៣៦ ៣៧១នាក់ និងមរណភាព ២៧១១នាក់ចាប់តាំងពីជំងឺរាតត្បាតនេះចាប់ផ្តើមកាលពីឆ្នាំមុន។