ព័ត៌មានអន្ដរជាតិ
អង់គ្លេសប្រកាសដំណឹងល្អអំពីវ៉ាក់សាំងកូវីដ
លោក Matt Hancock រដ្ឋមន្ត្រីក្រសួងសុខាភិបាលអង់គ្លេសបាននិយាយថា វ៉ាក់សាំងកូវីដ ១៩ នឹងចាប់ផ្តើមដាក់ប្រើប្រាស់នៅខែក្រោយ ប្រសិនបើត្រូវបានអនុម័តដោយនិយតករឱសថអង់គ្លេស ។
រដ្ឋមន្រ្តីក្រសួងសុខាភិបាលបាននិយាយនៅក្នុងសន្និសីទកាសែតតាមទូរទស្សន៍ថា រដ្ឋាភិបាលបានស្នើសុំជាផ្លូវការទៅកាន់និយតករទីភ្នាក់ងារត្រួតពិនិត្យឱសថរបស់អង់គ្លេស MHRA ពិចារណាលើការផ្តល់អាជ្ញាប័ណ្ណវ៉ាក់សាំងដែលផលិតដោយក្រុមហ៊ុនឱសថអាមេរិក Pfizer និង BioNTech របស់អាល្លឺម៉ង់ ។
ការសិក្សាដំណាក់កាលចុងក្រោយនៅសប្តាហ៍នេះបានបញ្ជាក់ថា វ៉ាក់សាំងនេះគឺមានប្រសិទ្ធភាព ៩៥ ភាគរយក្នុងការសាកល្បងព្យាបាល ហើយហាក់ដូចជាការពារមនុស្សគ្រប់វ័យពីជំងឺកូវីដ ១៩ ។
វ៉ាក់សាំងដែលមានតម្លៃ ១៥ ផោនក្នុងមួយដូសបច្ចុប្បន្ននេះត្រូវបានយល់ព្រមជាមុនដោយ MHRA ទោះបីជាវ៉ាក់សាំងមកពីក្រុមហ៊ុន Moderna និងសាកលវិទ្យាល័យ Oxford ជិតបញ្ចប់ការការសាកល្បងព្យាបាលក៏ដោយ ។
វាកើតឡើងនៅពេលដែលចក្រភពអង់គ្លេសកត់ត្រាការស្លាប់ជាង ៧ ម៉ឺននាក់ដែលពាក់ព័ន្ធនឹងជំងឺកូវីដ ១៩ នៅពាសពេញប្រទេសចាប់តាំងពីការចាប់ផ្តើមរាតត្បាតដោយកើនឡើងពី ៦៧,០០០ នាក់ក្នុងមួយសប្តាហ៍មុន ។
រដ្ឋាភិបាលបានឲ្យដឹងថា បច្ចុប្បន្នអង់គ្លេសមានអ្នកស្លាប់ដោយសារជំងឺកូវីដ ១៩ ចំនួន ៥៤,២៨៦ នាក់ បន្ទាប់ពីមានអ្នកស្លាប់ ៥១១ នាក់ត្រូវបានកត់ត្រានៅថ្ងៃនេះ ខណៈចំនួននេះកើនឡើង ៣៦ ភាគរយពី ៣៧៦ នាក់កាលពីសប្តាហ៍មុន ខណៈករណីឆ្លងបានធ្លាក់ចុះ ២៦ ភាគរយពីចំនួន ២៧,៣០១ ករណីកាលពីថ្ងៃសុក្រ ។
ទន្ទឹមនោះតួលេខជាផ្លូវការដែលបានចេញផ្សាយនៅថ្ងៃនេះក៏បានបង្ហាញផងដែរថា មនុស្ស ២០,២៥២ នាក់ផ្សេងទៀតបានធ្វើតេស្តវិជ្ជមានជំងឺកូវីដ ១៩ ដោយនាំឲ្យករណីឆ្លងសរុបកើនដល់ ១.៤៧ លានករណី ៕
ប្រែសម្រួលដោយ ៖ ជីវ័ន្ត
ប្រភព ៖ Daily Mail
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ