ក្រុមហ៊ុនឱសថធំៗទាំងពីររបស់ ចិន ផ្ដល់វ៉ាក់សាំងរាប់លានដូសទៀតដល់ COVAX ចំពេលវីរុសឥណ្ឌាកំពុងវាយលុកខ្លាំង
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ក្រុមហ៊ុនឱសថធំៗទាំងពីររបស់ ចិន ផ្ដល់វ៉ាក់សាំងរាប់លានដូសទៀតដល់ COVAX ចំពេលវីរុសឥណ្ឌាកំពុងវាយលុកខ្លាំង

បានផុស

នៅ

យោងតាមសម្ព័ន្ធភាពវ៉ាក់សាំង Gavi បានឲ្យដឹងថា គម្រោង COVAX នឹងទទួលបានវ៉ាក់សាំងពីក្រុមហ៊ុនចិន Sinopharm និង Sinovac ចំនួន ១១០ លានដូសបន្ថែមទៀត នៅពេលវីរុសបំប្លែងខ្លួនឥណ្ឌា “Delta” កំពុងបង្កហានិភ័យកើនឡើង ដល់ប្រព័ន្ធសុខាភិបាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន Sinopharm នឹងផ្ដល់វ៉ាក់សាំងរបស់ខ្លួន ៦០ លានដូសទៅដល់គម្រោង COVAX នៅចន្លោះខែកក្កដា និងខែតុលា ឆ្នាំ ២០២១ នេះ ជាមួយនឹងជម្រើសទិញវ៉ាក់សាំងបន្ថែមទៀតនៅឆ្នាំក្រោយ ។ សរុបទៅក្រុមហ៊ុននេះ បានផ្តល់វ៉ាក់សាំងចំនួន ១៧០ លានដូស ។

ចំណែកក្រុមហ៊ុនវ៉ាក់សាំង Sinovac ក៏បានព្រមព្រៀងគ្រោងការណ៍ស្រដៀងគ្នានេះដែល ពោលនឹងផ្ដល់វ៉ាក់សាំង ៥០ លានដូសនៅចន្លោះខែកក្កដា និងកញ្ញា និងជម្រើសទិញបន្ថែមទៀតនៅពេលក្រោយ ។ សរុបទៅវ៉ាក់សាំង Sinovac ចំនួន ៣៨០ លានដូស នឹងត្រូវផ្ដល់នៅចន្លោះពេលនេះ និងឆមាសទីមួយនៃឆ្នាំ ២០២២ ។

ទន្ទឹមនោះ នាយកប្រតិបត្តិសម្ព័ន្ធភាពវ៉ាក់សាំង Gavi លោក Seth Berkley បាននិយាយថា លោកស្វាគមន៍ចំពោះកិច្ចព្រមព្រៀងនាពេលបច្ចុប្បន្ននេះ ហើយសម្ព័ន្ធភាពមួយនេះ នឹងបន្ថែមវ៉ាក់សាំងទៅក្នុងផលប័ត្ររបស់គម្រោង COVAX ដែលមានវ៉ាក់សាំងចំនួន ១១ ក្រុមហ៊ុនរួចមកហើយ រួមទាំងវ៉ាក់សាំង Sinopharm និង Sinovac នេះ ។

បន្ទាប់ពីមានការបញ្ជាទិញកាលពីថ្ងៃចន្ទ សម្ព័ន្ធភាពវ៉ាក់សាំង Gavi នឹងជួយដោះស្រាយភាពខ្វះចន្លោះ និងភាពចាំបាច់ក្នុងការផ្គត់ផ្គង់វ៉ាក់សាំងភ្លាមៗ ។

សេចក្តីថ្លែងការណ៍របស់ Gavi បានបន្ថែមថា គោលដៅបច្ចុប្បន្នរបស់គម្រោង COVAX គឺដើម្បីផ្តល់វ៉ាក់សាំងផ្សេងៗចំនួន ២ ពាន់លានដូសនៅត្រឹមឆ្នាំ ២០២២ ដែលក្នុងនោះ ១.៨ ពាន់លានដូស នឹងត្រូវផ្តល់ជូនដល់ប្រទេសដែលមានប្រាក់ចំណូលទាបចំនួន ៩២ ។

គួរបញ្ជាក់ថា ទាំងវ៉ាក់សាំង Sinopharm និង Sinovac ត្រូវបានអនុម័តឲ្យប្រើប្រាស់ជាបន្ទាន់ ដោយអង្គការសុខភាពពិភពលោក (WHO) កាលពីខែឧសភា ដែលជាផ្នែកមួយនៃការគាំទ្ររបស់គម្រោង COVAX ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ទស្សនាវដ្តីល្បីឈ្មោះមួយអះអាងថា វ៉ាក់សាំង Sinovac មានប្រសិទ្ធភាពខ្លាំងប្រឆាំងរោគសញ្ញាកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៧ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៨ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩៨ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ៩ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services