ព័ត៌មានអន្ដរជាតិ

វីរុសកាច Delta កំពុងវាយប្រហារទូទាំងពិភពលោក, អ្នកជំនាញអាមេរិកនិយាយ

បានផុស

២ ខែ មុន

នៅ

ថ្ងៃសៅរ៍ ១៧ កក្កដា ២០២១

ដោយ

វីរុសបំប្លែងខ្លួនត្រូវបានរកឃើញដំបូងនៅប្រទេសឥណ្ឌា Delta ឥឡូវនេះវាយប្រហារខ្លាំងទូទាំងពិភពលោកហើយ អមដោយតួលេខស្លាប់នៅសហរដ្ឋអាមេរិកកើនឡើងដែលភាគច្រើនមនុស្សមិនទាន់ចាក់វ៉ាក់សាំង។ មន្ត្រីអាមេរិកបាននិយាយនៅថ្ងៃសុក្រ ទី១៦ ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានមជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក CDC លោកស្រី Rochelle Walensky មានប្រសាសន៍ក្នុងសន្និសីទកាសែតថា ករណីឆ្លងកូវីដ-១៩នៅសហរដ្ឋអាមេរិកបានកើនឡើង៧០% ប្រៀបធៀបនឹងសប្តាហ៍មុខ និងករណីស្លាប់បានកើនឡើង២៦% ស្របពេលដែលការផ្ទុះរាលដាលខ្លាំងនៅតាមបណ្តារដ្ឋដែលមានអត្រាចាក់វ៉ាក់សាំងទាប។

យោងតាមទិន្នន័យ CDC បង្ហាញថា ចំនួនឆ្លងប្រចាំថ្ងៃជាមធ្យមក្នុងរយៈពេល៧ថ្ងៃឥឡូវនេះជាង ២៦ ០០០នាក់ ដែលច្រើនជាងពីរដល់ទៅនឹងចំនួនក្នុងខែមិថុនាដែលមានប្រមាណ១១ ០០០នាក់។

លោក Jeff Zients អ្នកសម្របសម្រួលឆ្លើយតបកូវីដ-១៩របស់សេតវិមានបានឲ្យដឹងថា តំបន់ដែលផ្ទុះឆ្លងខ្លាំងបំផុតចុងក្រោយនេះគឺនៅរដ្ឋ Arkansas, Florida, Louisiana, Missouri និង Nevada។ រដ្ឋទាំងអស់នេះមានអត្រាចាក់វ៉ាក់សាំងទាបជាងគេ។

«កត្តានេះនឹងក្លាយជារាលដាលឆ្លងលើមនុស្សដែលមិនទាន់ចាក់វ៉ាក់សាំង» លោកស្រី Walensky បានប្រាប់ និងបញ្ជាក់ថា៩៧%នៃអ្នកឆ្លងបានចូលមន្ទីរពេទ្យនៅសហរដ្ឋអាមេរិកជាអ្នកដែលមិនទាន់ចាក់វ៉ាក់សាង។

លោក Anthony Fauci អ្នកឯកទេសជំងឺឆ្លងសហរដ្ឋអាមេរិកបាននិយាយថា វីរុសបំប្លែងខ្លួន Delta ដែលឆ្លងលឿនរហ័ស និងអាក្រក់ជាងវីរុសដើមត្រូវបានរកឃើញឆ្លងរាលដាលប្រហែលជា១០០ប្រទេសជាសកល ហើយឥឡូវនេះវាយប្រហារខ្លាំងទូទាំងពិភពលោកតែម្តង។

លោក Fauci បាននិយាយថា ៖«យើងកំពុងប្រយុទ្ធនឹងវីរុសកូវីដ-១៩ដែលកំពុងរាតត្បាតខ្លាំង»។

លោកស្រី Walensky បានជំរុញឲ្យពលរដ្ឋអាមេរិកមិនទាន់ចាក់ប្រញាប់ទៅចាក់វ៉ាក់សាំងបង្ការកូវីដ-១៩ និងបានបញ្ជាក់ថា វ៉ាក់សាំង Pfizer និង Moderna មានប្រសិទ្ធភាពលារពារបានយ៉ាងល្អ ជាពិសេសប្រឆាំងនឹង Delta៕

ប្រែសម្រួល៖ វីរបុត្រ
ប្រភព៖ Reuters