ព័ត៌មានអន្ដរជាតិ
ក្ដៅៗ នាយករដ្ឋមន្ត្រីអង់គ្លេស Boris Johnson ត្រូវធ្វើចត្តាឡីស័ក ក្រោយប៉ះផ្ទាល់រដ្ឋមន្ត្រីសុខាភិបាលដែលវិជ្ជមានកូវីដ
នាយករដ្ឋមន្រ្តីអង់គ្លេសលោក Boris Johnson និងលោក Rishi Sunk អធិការបតី ត្រូវបានបង្ខំឲ្យធ្វើចត្តាឡីស័ក បន្ទាប់ពីបានទាក់ទងជាមួយរដ្ឋមន្ត្រីសុខាភិបាលលោក Sajid Javid ដែលបានធ្វើតេស្តរកវិជ្ជមានកូវីដ កាលពីថ្ងៃសៅរ៍ ។
អ្នកទាំងពីរត្រូវបង្ខំចិត្តធ្វើចត្តាឡីស័កភ្លាមៗ បន្ទាប់ពីបានបដិសេធមិនដាក់ខ្លួនឯងនៅដាច់ដោយឡែក ខណៈការបដិសេធរបស់ពួកគេ ក៏បានជំរុញឲ្យមានការប្រឆាំងជាសាធារណៈ និងមានប្រតិកម្មពីសមាជិកសភាអភិរក្សនិយមផងដែរ ។
ទន្ទឹមនោះ វិមាន Downing Street បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអាទិត្យថា “លោក Johnson នឹងបន្តដឹកនាំកិច្ចប្រជុំជាមួយរដ្ឋមន្ត្រីពីចម្ងាយ ។ ចំណែកអធិការបតីក៏បានជាប់ទាក់ទងផងដែរ ហើយនឹងធ្វើចត្តាឡីស័កតាមតម្រូវការ” ។
ការធ្វើចត្តាឡីស័ករបស់អ្នកទាំងពីរ បានកើតឡើងតែប៉ុន្មានម៉ោងប៉ុណ្ណោះ បន្ទាប់ពីវិមាន Downing Street មានភាពច្របូកច្របល់ និងភាពវឹកវរជុំវិញការដកការរឹតត្បិតស្ទើរតែទាំងអស់នៅថ្ងៃចន្ទនេះ ដែលត្រូវបានគេហៅថា “ថ្ងៃសេរីភាព” ។
ស្របពេលជាមួយគ្នានេះ ការបដិសេដចំពោះការធ្វើចត្តាឡីស័ករបស់អ្នកទាំងពីរ ក៏មានការផ្ទុះកំហឹង និងការរិះគន់ពីមនុស្សជាច្រើន ដោយបានហៅវាថាជាការលាក់ពុតរបស់រដ្ឋាភិបាល ខណៈដាក់ការណែនាំស្ដីពីជំងឺកូវីដ ១៩ ឲ្យសាធារណៈជនអនុវត្ត ប៉ុន្តែបែរជារដ្ឋាភិបាលខ្លួនឯងមិនព្រមគោរពតាមទៅវិញ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)