ព័ត៌មានអន្ដរជាតិ
វ៉ាក់សាំងកូវីដមួយទៀតរបស់ ចិន អាចរក្សាប្រសិទ្ធភាពខ្លាំងក្លាប្រឆាំង វីរុសបំប្លែងខ្លួនឥណ្ឌា
អ្នកស្រាវជ្រាវចិននៅក្នុងការសិក្សាមន្ទីរពិសោធន៍បានរកឃើញថា វ៉ាក់សាំងការពារជំងឺកូវីដ ១៩ ដែលមានឈ្មោះថា ZF2001 បង្កើតឡើងដោយអង្គភាពជីវសាស្ត្រ Chongqing Zhifei របស់ចិន នៅតែអាចរក្សាបានប្រសិទ្ធភាពភាគច្រើនរបស់វា ប្រឆាំងនឹងវីរុសបំប្លែងខ្លួនឥណ្ឌា “Delta” ។
អ្នកវិទ្យាសាស្ត្រ និងនិយតករ កំពុងឃ្លាំមើលយ៉ាងដិតដល់ដើម្បីមើលថាតើ វីរុសបំប្លែងខ្លួនឥណ្ឌា ដែលឆ្លងខ្លាំងជាងជំងឺកូវីដ ១៩ ប្រភេទដើម នឹងអាចយកឈ្នះលើវ៉ាក់សាំងដែលមានស្រាប់ ក៏ដូចជាការព្យាបាលដែលមិនគ្រប់គ្រាន់ឬអត់ ។
អ្នកស្រាវជ្រាវបាននិយាយនៅក្នុងអត្ថបទមួយ ដែលត្រូវបានចេញផ្សាយកាលពីសប្ដាហ៍មុនថា សំណាកសេរ៉ូមពីមនុស្សដែលបានចាក់វ៉ាក់សាំងចំនួន ៣ ដូសរបស់ក្រុមហ៊ុន Zhifei បានបង្ហាញពីការថយចុះប្រសិទ្ធភាពកម្ចាត់វីរុសបំប្លែងខ្លួនឥណ្ឌា ត្រឹមតែ ១.២ ដងប៉ុណ្ណោះ បើធៀបជាមួយនឹងភាគល្អិតនៃជំងឺកូវីដ ១៩ ប្រភេទដើម ។
ទោះយ៉ាងណា ក្រុមអ្នកស្រាវជ្រាវបានព្រមានថា ទិន្នន័យពីការសាកល្បងព្យាបាល ឬការប្រើប្រាស់ជាក់ស្តែងនៅតែត្រូវការចាំបាច់ដើម្បីកំណត់ថាតើ វ៉ាក់សាំងនេះអាចការពារមនុស្សពីការឆ្លងវីរុសបំប្លែងខ្លួនឥណ្ឌា បានយ៉ាងដូចម្តេច ។
ទន្ទឹមនោះ លទ្ធផលប្រសិទ្ធភាពពីការសាកល្បងព្យាបាលដំណាក់កាលទី ៣ នេះ មិនទាន់ត្រូវបានចេញផ្សាយសម្រាប់វ៉ាក់សាំងនេះនៅឡើយទេ ។
បន្ថែមពីនេះ ការសិក្សាដែលសំណាកពីមនុស្ស ២៨ នាក់ត្រូវបានប្រមូល និងធ្វើតេស្ត ហើយក៏បានរកឃើញថា សំណាកពីអ្នកដែលចាក់ដូសទី ៣ នៅចន្លោះពេលយូរ រវាងការចាក់ដូសទី ២ បានបង្ហាញពីសកម្មភាពកាន់តែច្រើនប្រឆាំងនឹងវីរុសបំប្លែងខ្លួនផ្សេងៗទៀតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ WHO ថា វីរុសបំប្លែងខ្លួនឥណ្ឌា នឹងគ្រប់គ្រងពិភពលោកក្នុងរយៈពេលប៉ុន្មានខែខាងមុខនេះ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»