ព័ត៌មានអន្ដរជាតិ
ឆេះមន្ទីរពេទ្យនៅឥណ្ឌា ស្លាប់អ្នកជំងឺកូវីដ ៥ នាក់
ក្រុមមន្រ្តីបាននិយាយថា យ៉ាងហោចណាស់អ្នកជំងឺកូវីដ ១៩ ចំនួន ៥ នាក់ត្រូវបានសម្លាប់នៅព្រឹកថ្ងៃសុក្រនេះនៅក្នុងអគ្គិភ័យដ៏អាក្រក់មួយនៅខាងក្នុងមន្ទីរពេទ្យនៅរដ្ឋ Gujarat ភាគខាងលិចនៃប្រទេសឥណ្ឌា ។
អគ្គិភ័យនេះបានឆាបឆេះនៅខាងក្នុងបន្ទប់សង្គ្រោះបន្ទាន់ (ICU) នៃមន្ទីរពេទ្យ Shivanand ក្នុងស្រុក Rajkot ដែលមានចម្ងាយប្រហែល ២៣៧ គីឡូម៉ែត្រខាងលិចនៃទីក្រុង Gandhinagar នៃរដ្ឋ Gujarat ។
ប្រព័ន្ធផ្សព្វផ្សាយក្នុងស្រុកបានដកស្រង់សម្ដីក្រុមមន្រ្តីដែលបាននិយាយថា “នៅព្រឹកថ្ងៃនេះអគ្គិភ័យបានឆាបឆេះខាងក្នុងបន្ទប់ ICU ដែលដាក់អ្នកជំងឺកូវីដ ១៩ ហើយអ្នកជំងឺ ៥ នាក់ត្រូវបានសម្លាប់ ។ អ្នកជំងឺ ៦ នាក់ត្រូវបានជួយសង្គ្រោះ ហើយម្នាក់ក្នុងចំណោមពួកគេត្រូវបានគេនិយាយថារងរបួសធ្ងន់ធ្ងរ” ។
យោងតាមមន្ត្រីបានឲ្យដឹងថា អ្នកជំងឹចំនួន ២២ នាក់ត្រូវបានផ្លាស់ប្តូរទៅកាន់មន្ទីរពេទ្យមួយផ្សេងទៀតដោយសុវត្ថិភាព ។ ការស៊ើបអង្កេតបឋមបានបង្ហាញថា អគ្គិភ័យបានចាប់ផ្តើមចេញពីបន្ទប់ ICU នៃមន្ទីរពេទ្យ ។
មូលហេតុនៃអគ្គិភ័យមិនទាន់ត្រូវបានគេដឹងភ្លាមៗនៅឡើយទេ ទោះយ៉ាងណាការទុស្សេខ្សែភ្លើងត្រូវបានគេសង្ស័យថាជាមូលហេតុ ខណៈអាជ្ញាធរបានបញ្ជាឲ្យមានការស៊ើបអង្កេតទៅក្នុងអគ្គិភ័យនេះផងដែរ ។
ក្រុមមន្រ្តីបាននិយាយថា ភ្លាមៗបន្ទាប់ពីអគ្គិភ័យនេះក្រុមពន្លត់អគ្គិភ័យ និងរថយន្តពន្លត់អគ្គិភ័យត្រូវបានគេបញ្ជូនទៅកាន់កន្លែងកើតហេតុ ហើយអគ្គិភ័យត្រូវបានគ្រប់គ្រង ។
ជាមួយគ្នានេះដែរលោក Vijay Rupani នាយករដ្ឋមន្រ្តីនៃរដ្ឋ Gujarat បានសម្តែងការសោកស្តាយចំពោះឧប្បត្តិហេតុនេះ និងបានប្រកាសផ្តល់ជំនួយជាថវិកាសម្រាប់ក្រុមគ្រួសារដែលបាត់បង់សាច់ញាតិនៅក្នុងអគ្គិភ័យនេះ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន