ព័ត៌មានអន្ដរជាតិ
ជប៉ុន មានអ្នកស្លាប់ថែមទៀត បន្ទាប់ពីចាក់វ៉ាក់សាំង Moderna
តាមការបញ្ជាក់ពីមន្ត្រីសុខាភិបាលជប៉ុន បានឲ្យដឹងថា បុរសទី៣បានស្លាប់ មួយថ្ងៃ បន្ទាប់ពីចាក់វ៉ាក់សាំង Moderna ដូសទី២ ដែលមានសារធាតុកខ្វក់។
ដោយដកស្រង់សម្តីពីក្រសួងសុខាភិបាល ប្រព័ន្ធផ្សព្វផ្សាយក្នុងស្រុកបានរាយការណ៍ថា បុរសម្នាក់នោះមានអាយុ៤៩ឆ្នាំ បានចាក់វ៉ាក់សាំងដូសទី២ នៅថ្ងៃទី១១ខែសីហា ហើយត្រូវបានប្រកាសថាស្លាប់នៅព្រឹកបន្ទាប់។
យោងតាមសារព័ត៌មាន RT បានរាយការណ៍ថា បុរសម្នាក់នោះ មានប្រតិកម្មអាឡ័កស៊ីទៅនឹង គ្រាប់ធញ្ញជាតិ។
គាត់បានចាក់វ៉ាក់សាំង ដែលយកចេញពីកញ្ចប់មានសារធាតុកខ្វក់ ប៉ុន្តែបច្ចុប្បន្ន វ៉ាក់សាំងទាំងនោះត្រូវបានផ្អាកហើយ។ វ៉ាក់សាំងកូវីដរបស់ក្រុមហ៊ុន Moderna ប្រហែល ២.៦លានដូស ត្រូវបានប្រមូលមកវិញនៅទូទាំងប្រទេសជប៉ុនបន្ទាប់ពីភាគល្អិត ត្រូវបានរកឃើញនៅខាងក្នុងដបខ្លះ។
គាត់គឺជាមនុស្សទីបីនៅក្នុងប្រទេសជប៉ុន ដែលបានស្លាប់បន្ទាប់ពីទទួលថ្នាំបង្ការរោគ។ មុននេះ បុរសពីរនាក់ដែលមានអាយុខ្ទង់ ៣០ ឆ្នាំបានស្លាប់ប៉ុន្មានថ្ងៃបន្ទាប់ពីចាក់វ៉ាក់សាំង Moderna ដូសទី២។ បច្ចុប្បន្ន ជប៉ុនកំពុងបើកការស៊ើបអង្កេត ទៅលើការស្លាប់របស់ពួកគេ។
សារធាតុដែលត្រូវបានរកឃើញដំបូងនៅក្នុងដបជាច្រើន ហើយនាំឲ្យមានការប្រមូលមកវិញនោះ ត្រូវបានគេបង្ហាញថាជាដែកអ៊ីណុក។
កាលពីសប្តាហ៍មុន អ្នកចែកចាយជប៉ុនរបស់ Moderna គឺក្រុមហ៊ុន Takeda Pharmaceutical Co. បាននិយាយថា កម្ទេចដែកទាំងនោះទំនងជាធ្លាក់មកពីម៉ាស៊ីននៅឯរោងចក្រ។ ទោះបីជាយ៉ាងណាក៏ដោយ ក្រុមហ៊ុនទទូចថា ភាគល្អិតនេះមិនបង្កគ្រោះថ្នាក់ដល់អ្នកជំងឺទេ៕
ប្រែសម្រួល៖ Vann Vann
ប្រភព៖ Tasnim News
ចុចអាន៖ Sinopharm ក្លាយជាក្រុមហ៊ុនចិន ធំដំបូងគេ កំពុងអភិវឌ្ឍន៍វ៉ាក់សាំង mRNA ប្រយុទ្ធជាមួយ Delta និង Beta
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ