ព័ត៌មានអន្ដរជាតិ
ក្រុមទំនើងហៃទីទារប្រាក់១៧លានដុល្លារជាថ្នូរដោះលែងមនុស្ស១៧នាក់ដែលពួកគេចាប់កាលពីថ្ងៃសៅរ៍
ក្រុមទំនើងហៃទីដែលបានចាប់ពង្រត់មនុស្សមួយក្រុមជាអ្នកផ្សព្វផ្សាយសាសនាគ្រឹស្ថជាជនជាតិអាមេរិក និងកាណាដាបានទារប្រាក់ប្រមាណ១៧លានដុល្លារ ឬ១លានដុល្លារសម្រាប់មនុស្សម្នាក់ ប្រសិនបើចង់ឲ្យដោះលែងពួកគេ។ នេះបើយោងតាមមន្ត្រីកំពូលម្នាក់របស់ហៃទី។
រដ្ឋមន្ត្រីក្រសួងយុត្តិធម៌ហៃទី លោក Liszt Quitel បានឲ្យដឹងថា ការចរចាកំពុងដំណើរការជាមួយក្រុមទំនើងជាអ្នកចាប់ពង្រត់ដើម្បីធ្វើយ៉ាងណាឲ្យដោះលែងក្រុមផ្សព្វផ្សាយសាសានគ្រឹស្ថទាំងនោះដែលត្រូវបានចាប់ខ្លួនកាលពីចុងសប្តាហ៍កន្លងទៅនៅខាងក្រៅទីក្រុង Port-au-Prince ដោយក្រុមទំនើង 400 Mawozo។
លោករដ្ឋមន្ត្រីបានបញ្ជាក់ពីតម្លៃដោះលែងថា ៖«ពួកគេទារប្រាក់១លានដុល្លារជាថ្នូរនឹងដោះលែងមនុស្សម្នាក់»។
ក្រុមទំនើងបានចាប់ពង្រត់ក្រុមអ្នកផ្សព្វផ្សាយសាសនាគ្រឹស្ថ Christian Aid Ministries កាលពីថ្ងៃសៅរ៍ ហើយភ្លាមៗនោះ ពួកគេផ្តល់ដំណឹងពីចំនួនទឹកប្រាក់ដែលពួកគេចង់បានដើម្បីជាថ្នូរនឹងការដោះលែងមនុស្ស។ លោករដ្ឋមន្ត្រីថា ក្រុម FBI អាមេរិក និងប៉ូលិសហៃទីបានកំពុងផ្តល់ដំបូន្មានដល់ក្រុមនេះក្នុងការចរចា។
លោកបានឲ្យដឹងថា មានការហៅទូរសព្ទជាច្រើនរវាងក្រុមចាប់ពង្រត់ និងក្រុមបេសកកម្មសាសនាបានធ្វើឡើងចាប់តាំងពីការបាត់ខ្លួនរបស់ពួកគេ។
ក្រុមសាសនា Christian Aid Ministries ដែលមានមូលដ្ឋានស្ថិតនៅទីក្រុង Ohio បានអំពាវនាវឲ្យអ្នកអធិដ្ឋានសម្រាប់អាជ្ញាធរស៊ីវិលហៃទី និងអាមេរិកដែលកំពុងធ្វើការដោះស្រាយស្ថានភាពនេះ។
អង្គការរបស់បេសកកម្មបាននិយាយថា ក្នុងចំណោមជនជាតិអាមេរិក១៦នាក់ និងកាណាដា១នាក់គឺមានកុមារ៥នាក់ ក្នុងនោះមានទារកអាយុ៨ខែម្នាក់ផង។ ពួកគេត្រូវបានចាប់ពង្រត់នៅតំបន់ Croix-des-Bouquets ដែលមានចម្ងាយ១៣គីឡូម៉ែត្រពីទីក្រុងដែលសំបូរក្រុមទំនើង 400 Mawozo៕
ប្រែសម្រួល៖ វីរបុត្រ
ប្រភព៖ CNN
-
ចរាចរណ៍៤ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ១ សប្តាហ៍ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១៦ ម៉ោង ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
វប្បធម៌ ជំនឿ៣ ថ្ងៃ ago
ទំនាយលោកយាយ Baba Vanga ជិតក្លាយជាការពិតមួយទៀតហើយ