ផ្ទុះរោងចក្រគីមី នៅរុស្ស៊ី សម្លាប់មនុស្ស ១៦នាក់

ទីភ្នាក់ងារព័ត៌មាន TASS បានរាយការណ៍នៅថ្ងៃសុក្រនេះថា មនុស្សចំនួន ១៦នាក់បានស្លាប់ ក្នុងការផ្ទុះឆេះ នៅឯរោងចក្ររំសេវ និងគីមីក្នុងខេត្ត Ryazan ភាគខាងលិច ប្រទេសរុស្ស៊ី។

យោងតាម TASS, គ្រោះថ្នាក់នេះ បណ្តាលមកពីការមិនបានសង្កេតមើលដំណើរការបច្ចេកទេសត្រឹមត្រូវ នៅក្នុងរោងចក្រ។

មុននេះ ក្រសួងសង្គ្រោះបន្ទាន់បាននិយាយថា អគ្គិភ័យអាចផ្ទុះឡើង ដោយសារការរំលោភលើដំណើរការបច្ចេកវិជ្ជា និងវិធានការសុវត្ថិភាព នៅរោងចក្រ PGUP Elastic។

រោងចក្រនេះ ស្ថិតនៅក្នុងភូមិ Lesnoye ដែលមានចម្ងាយប្រហែល ៣០០គីឡូម៉ែត្រ ពីទីក្រុងមូស្គូ។

ក្រសួង​សង្គ្រោះ​បន្ទាន់​​និយាយ​ថា ​ខ្លួន​បាន​ទទួល​របាយការណ៍​ដំបូងអំពីអគ្គិភ័យ ​ឆាបឆេះ​រោងចក្រ​នៅ​ម៉ោង ០៨ និង ២២ នាទី​ព្រឹក​ (ម៉ោងក្នុង​តំបន់) ហើយខ្លួន​បាន​ដាក់​ពង្រាយ​អ្នក​ជួយ​សង្គ្រោះ​ជាង ១៧០ នាក់​ទៅ​កន្លែងកើតហេតុ៕

ប្រែសម្រួល៖ Vann Vann

ប្រភព៖ Alarabiya

ចុចអាន៖ សាកថ្មបណ្តើរ ចុចបណ្តើរ ផ្ទុះ Laptop របួសមនុស្ស៣នាក់