កងទ័ពជើងទឹកសហរដ្ឋអាមេរិកស្លាប់ក្នុងហេតុការណ៍ធ្លាក់យន្តហោះអំឡុងពេលហ្វឹកហាត់ – Kampuchea Thmey Daily
Connect with us

ព័ត៌មានអន្ដរជាតិ

កងទ័ពជើងទឹកសហរដ្ឋអាមេរិកស្លាប់ក្នុងហេតុការណ៍ធ្លាក់យន្តហោះអំឡុងពេលហ្វឹកហាត់

Published

on

សមាជិកនាវិកពីរនាក់នៃយន្តហោះកងទ័ពជើងទឹកសហរដ្ឋអាមេរិកបានស្លាប់បាត់បង់ជីវិតនៅពេលយន្តហោះរបស់ពួកគេធ្លាក់អំឡុងពេលហ្វឹកហាត់កាលពីថ្ងៃសុក្រនៅភាគខាងត្បូងរដ្ឋ Alabama សហរដ្ឋអាមេរិក។

កងទ័ពជើងទឹកសហរដ្ឋអាមេរិកបាននិយាយនៅក្នុងសេចក្តីថ្លែងការណ៍មួយថា យន្ដហោះនេះគឺជាយន្តហោះហ្វឹកហាត់ប្រភេទ T-6B Texan II។ វាបានធ្លាក់នៅម៉ោងប្រហែល៥ល្ងាច (ម៉ោងនៅអាមេរិក) ក្នុងទីក្រុង Foley នៃរដ្ឋ Alabama។

ការិយាល័យប៉ូលិសប្រចាំតំបន់ Baldwin បាននិយាយនៅលើ Twitter ថា “គ្មានជនស៊ីវិលណាម្នាក់រងរបួសនៅលើដីទេ”។

កងទ័ពជើងទឹកបាននិយាយថា “ឈ្មោះអ្នកស្លាប់នឹងមិនត្រូវបានបង្ហាញទេរហូតដល់២៤ម៉ោងបន្ទាប់ពីការជូនដំណឹងលើកក្រោយ”។

យន្តហោះហ្វឹកហាត់ប្រភេទ T-6B Texan II

ស្របពេលជាមួយគ្នានោះ អ្នកនាំពាក្យកងទ័ពជើងទឹកបាននិយាយថា យន្តហោះបានហោះចេញពីមូលដ្ឋានកងទ័ពជើងទឹក Whiting Field ដែលមានចម្ងាយប្រហែល៤៨,២៨គីឡូម៉ែត្រភាគឦសានទីក្រុង Pensacola នៃរដ្ឋ Florida។

ការិយាល័យប៉ូលិសបាននិយាយថា មន្រ្តីក្រសួងការពារជាតិនិងកងទ័ពជើងទឹកសហរដ្ឋអាមេរិកនឹងបើកការស៊ើបអង្កេតនិងផ្តល់ព័ត៌មានថ្មីៗអំពីឧប្បត្តិហេតុនេះ៕

ប្រែសម្រួលដោយ៖ Vann Vann

ប្រភព៖ Xinhua

ចុច Like Facebook កម្ពុជាថ្មី

ព័ត៌មានជាតិ49 mins ago

លោកជំទាវ​ម៉ែន សំអន បាន​សម្របសម្រួល​បញ្ចប់​វិវាទ​ករណី​សំណង់​ផ្សារ​ទំនើប​សេន​ជូ​រី​ផ្លា​ហ្សា ស្របតាម​វិធីសាស្ត្រ ឈ្នះ ឈ្នះ របស់​សម្តេច​តេ​ជោ ហ៊ុន សែន

ព័ត៌មានជាតិ57 mins ago

ខេត្តស្ទឹងត្រែង​មាន​បញ្ហា​ប្រឈម​ច្រើន ដោយសារតែ​ស្ថានភាព​ព្រំដែន​មាន​សភាព​ស្មុគស្មាញ និង​មិនទាន់​បោះបង្គោល​ព្រំដែន

ព័ត៌មានជាតិ1 hour ago

កម្ពុជា ចិន រៀបចំ​ព្រឹត្តិការណ៍ «​ដំណើរ​ភាពយន្ត​ចល័ត​ចិន​-​កម្ពុជា​ដ៏​ឆ្នើម​លើក​ទី​៥»

ព័ត៌មានជាតិ2 hours ago

ករណី​បាញ់​សម្លាប់​ជនជាតិ​ចិន​កក្រើក​នៅព្រះសីហនុ ​សមត្ថកិច្ច​ឃាត់​ខ្លួន​ជនសង្ស័យ​៣នាក់​

ព័ត៌មានជាតិ2 hours ago

សាលារៀន​ដែល​ប្រើ​ជា​មណ្ឌល​ច​ត្តា​ឡី​ស័ក​បានប្រគល់​ឲ្យ​សាលា​បើក​ដំណើរការ​ចូលរៀន​ឡើងវិញ​ជា​បណ្តើរៗ​ហើយ

ព័ត៌មានពេញនិយម