ព័ត៌មានអន្ដរជាតិ

ជប៉ុន កំពុងរងការវាយប្រហារពីរលកយក្សស៊ូណាមិសាជាថ្មី

បានផុស

២ years មុន

នៅ

ថ្ងៃអាទិត្យ ១៦ មករា ២០២២

ដោយ

សារព័ត៌មាន Japan Times បានរាយការណ៍ថា ផ្នែកខ្លះនៃប្រទេសជប៉ុនត្រូវបានវាយប្រហារដោយរលកយក្សស៊ូណាមិដែលបណ្តាលមកពីការផ្ទុះនៃភ្នំភ្លើងក្រោមសមុទ្រនៅជិតប្រជុំកោះតុងហ្គា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមកាសែតនេះបានឲ្យដឹងថា រលកយក្សស៊ូណាមិបានបោកបក់លើច្រាំងនៃតំបន់ Tohoku របស់កោះ Honshu ទៅកាន់កោះ Okinawa ប៉ុន្តែមិនបានបញ្ជាក់ថាតើរលកយក្សស៊ូណាមិមានកម្រិតណានោះទេ ។

កាសែត Japan Times បាននិយាយថា តំបន់ភាគច្រើននៃប្រទេសជប៉ុនដែលបានទទួលការព្រមានអំពីរលកយក្សស៊ូណាមិត្រូវបានវាយប្រហារភ្លាមៗ បន្ទាប់ពីការព្រមាននោះទេ ។

ទីភ្នាក់ងារឧតុនិយមជប៉ុនបានចេញការព្រមានថា ព្យុះនេះនឹងរលកកម្ពស់ ៣ ម៉ែត្រ ហើយបោកបក់លើកោះ Amami និងកោះ Tokara ខណៈការព្រមានក៏ត្រូវបានចេញសម្រាប់កំពង់ផែ Nagoya និង Yokkaichi ក្នុងខេត្ត Mie ផងដែរ ។

ទន្ទឹមនោះ ជនស៊ីវិលដែលរស់នៅក្នុងតំបន់ខាងលើ ក៏ដូចជាឆ្នេរសមុទ្រភាគខាងកើតទាំងអស់នៃប្រទេសជប៉ុន ត្រូវបានណែនាំឲ្យនៅឱ្យឆ្ងាយពីឆ្នេរសមុទ្រដើម្បីសុវត្ថិភាពរបស់ពួកគេ ។

គួរបញ្ជាក់ថា ការព្រមានអំពីរលកយក្សស៊ូណាមិនាពេលនេះ គឺជាលើកទីមួយ ចាប់តាំងពីថ្ងៃទី ២២ ខែវិច្ឆិកា ឆ្នាំ ២០១៦ នៅពេលដែលការរញ្ជួយដីកម្រិត ៧.៤ រ៉ិចទ័របានវាយប្រហារភាគឦសាននៃខេត្ត Fukushima ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ មនុស្សស្រីស្រាតដាក់អាហារ Sushi លើរាងកាយ តាមពិតជាប្រពៃណីទំនៀមទម្លាប់របស់ ជប៉ុន