ថ្ងៃនេះ ថៃមានអ្នកឆ្លងកូវីដ២៥០ករណី ភាគច្រើនជាការឆ្លងក្នុងសហគមន៍

នៅថ្ងៃពុធនេះ រដ្ឋាភិបាលថៃបានរាយការណ៍ករណីកូវីដ១៩ថ្មីចំនួន២៥០ករណីបន្ថែមទៀតដោយក្នុងនោះមាន២៤១ករណីជាការឆ្លងក្នុងសហគមន៍ ៨ករណីជាការនាំចូលនិងមួយករណីជាជនចំណាកស្រុកមីយ៉ាន់ម៉ាខុសច្បាប់។

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ១៩បាននិយាយថា ៩ករណីគឺជាប់ទាក់ទងទៅនឹងខេត្ត សាមុតសាខន។

ក្នុងចំណោមអ្នកទាំង៩នាក់ មាន៤នាក់នៅខេត្ត សាមុតសាខន, ពីរនាក់នៅទីក្រុងបាងកកនិងម្នាក់ទៀតនៅអយុធ្យា រ៉ានុងនិងនុនថាបូរី។

លោក Taweesilp និយាយថា ចាប់ពីថ្ងៃទី១៨ដល់៣០ខែធ្នូ ករណីថ្មីៗត្រូវបានរាយការណ៍នៅក្នុងខេត្តចំនួន៤៨។

គួរបញ្ជាក់ថា គិតត្រឹមម៉ោង២រសៀលថ្ងៃពុធនេះ ថៃមានករណីឆ្លងជំងឺកូវីដចំនួន៦,៦៩០ករណីនិងមានអ្នកស្លាប់៦១នាក់ខណៈមនុស្ស៤,២១២នាក់ជាសះស្បើយ៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ថៃ អនុញ្ញាតឲ្យពលករគ្មានឯកសារមកពី៣ប្រទេសធ្វើការដោយស្របច្បាប់រយៈពេល២ឆ្នាំ ក្នុងនោះមានកម្ពុជាផងដែរ

ចុចអាន៖ បន្ទាប់ពីរកឃើញការឆ្លងថ្មី១៥៥ករណី ថៃព្រមានថា មួយថ្ងៃអាចមានអ្នកឆ្លងកូវីដឡើងដល់ទៅខ្ទង់ម៉ឺន