អ៊ីរ៉ង់ ស្នើឲ្យប៉ូលិសអន្តរជាតិចាប់ខ្លួនលោក Trump និងមន្ត្រី៤៧នាក់ផ្សេងទៀត
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ៊ីរ៉ង់ ស្នើឲ្យប៉ូលិសអន្តរជាតិចាប់ខ្លួនលោក Trump និងមន្ត្រី៤៧នាក់ផ្សេងទៀត

បានផុស

នៅ

ប្រទេសអ៊ីរ៉ង់បានចេញដីកាចាប់ខ្លួនលោកប្រធានាធិបតី Donald Trump និងមន្ត្រីសហរដ្ឋអាមេរិក៤៧នាក់ផ្សេងទៀតជាលើកទី២ជុំវិញការសម្លាប់ឧត្តមសេនីយ៍កំពូលរបស់ខ្លួនឈ្មោះ Qasem Soleimani កាលពីឆ្នាំមុនហើយបានស្នើសុំឲ្យប៉ូលិសអន្តរជាតិចេញសេចក្តីជូនដំណឹងពណ៌ក្រហមសម្រាប់ការចាប់ខ្លួនពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យតុលាការអ៊ីរ៉ង់លោក Gholamhossein Esmaili បាននិយាយកាលពីថ្ងៃអង្គារថា “សាធារណរដ្ឋឥស្លាមអ៊ីរ៉ង់កំពុងតាមដានយ៉ាងយកចិត្តទុកដាក់ក្នុងការតាមរកនិងដាក់ទណ្ឌកម្មលើអ្នកដែលបញ្ជានិងប្រព្រឹត្តឧក្រិដ្ឋកម្មនេះ”។

ការស្នើសុំសេចក្តីជូនដំណឹងពណ៌ក្រហមគឺធ្វើឡើងចំខួបនៃការសម្លាប់លោក Soleimani នៅក្នុងការវាយប្រហារតាមអាកាសរបស់សហរដ្ឋអាមេរិកនៅទីក្រុង បាកដាដ ប្រទេសអ៊ីរ៉ាក់។

យោងតាមទីភ្នាក់ងារសារព័ត៌មាន Mehr News បានឲ្យដឹងថា លោក Esmaili បានហៅលោក Trump ថាជា “ពិរុទ្ធជនដ៏សំខាន់” នៅក្នុងការសម្លាប់លោក Soleimani។

ទោះបីជាយ៉ាងណាក៏ដោយ ប៉ូលិសអន្តរជាតិនិយាយថា ខ្លួនមិនពិចារណាលើសំណើរសម្រាប់សេចក្តីជូនដំណឹងពណ៌ក្រហមដែលត្រូវបានគេគិតថា ជំរុញដោយការព្រួយបារម្ភខាងនយោបាយឬយោធានោះទេ។

ទាំងសហរដ្ឋអាមេរិកនិងប៉ូលិសអន្តរជាតិបានច្រានចោលគំនិតនៃការធ្វើសកម្មភាពលើដីកាលើកដំបូងរបស់អ៊ីរ៉ង់កាលពីខែមិថុនាដែលដីកានោះបានចេញពាក់ព័ន្ធការចោទប្រកាន់ពីបទឃាតកម្មនិងសកម្មភាពភេរវកម្ម។

ប៉ុន្មានថ្ងៃមុននោះ ប្រធានាធិបតីអ៊ីរ៉ង់លោក Hassan Rouhani បាននិយាយថា អ៊ីរ៉ង់នឹងមិនទុកឲ្យអ្នកសម្លាប់លោក Soleimani នៅម្នាក់ឯងទេ។ លោកបន្ថែមថា ប្រធានាធិបតីនិងរដ្ឋមន្ត្រីក្រសួងការបរទេសសហរដ្ឋអាមេរិកគឺជាអ្នកទទួលខុសត្រូវចំពោះការស្លាប់របស់គាត់៕

ប្រែសម្រួលដោយ៖ Vann Vann

ប្រភព៖ TRT World

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

គិត​ត្រឹម​ព្រឹក​ថ្ងៃទី​៨​ឧសភា​នេះ ខេត្តកំពង់ស្ពឺ​មាន​អ្នក​ឆ្លង​កូ​វីដ ១៩​កើនឡើង​ដល់​ជាង​១០០​នាក់​និង​ស្លាប់​៥​នាក់

ព័ត៌មានជាតិ១៦ នាទី មុន

គ្រូ​ពេទ្យ​ចុះ​យក​សំណាក​មនុស្ស​១៥​នាក់​ក្នុងផ្ទះ​អ្នកលក់​សាច់គោ​នៅ​ផ្សារ​ចាម​ដែល​ស្លាប់​ដោយ​ជំងឺ​កូ​វិត​១៩

ព័ត៌មានជាតិ២១ នាទី មុន

លោកជំទាវ​កិត្តិ​សង្គហ​បណ្ឌិត ម៉ែន សំអន យក​អំណោយ​ចែក​ជូន​ប្រជាពលរដ្ឋ​ចំនួន ៥៨០​គ្រួសារ ដែល​រងគ្រោះ​ដោយសារ​ខ្យល់​កន្ត្រាក់​

ព័ត៌មានជាតិ២៧ នាទី មុន

ឃាតករ​ម្នាក់ ជក់​ថ្នាំ​ញៀន ហិតកាវឡើង​ចង់​ឆ្កួត វាយ​យុវជន​អនាថា​បែកខួរស្លាប់​

ព័ត៌មានជាតិ៣៥ នាទី មុន

ពលករ​ខ្មែរ​២០​នាក់ លួច​ឆ្លង​ពី​ថៃ​ចូល​ខ្មែរ ត្រូវ​កម្លាំង​ចម្រុះ​ឃាត់​បញ្ជូន​ទៅ​ធ្វើ​ចត្តា​ឡី​ស័ក​១៤​ថ្ងៃ

Sokha Hotels

ព័ត៌មានពេញនិយម

Helistar Cambodia - Helicopter Charter Services