ព័ត៌មានអន្ដរជាតិ
គ្រូពេទ្យមីយ៉ាន់ម៉ាគំរាមឈប់ធ្វើការទោះកូវីដកំពុងផ្ទុះខ្លាំង
ជាសារប្រឆាំងរដ្ឋប្រហារកាលពីថ្ងៃចន្ទទី០១ខែកុម្ភៈ ប្រយោគមួយឃ្លា “មេដឹកនាំផ្តាច់ការត្រូវតែដួលរលំ” ត្រូវបានសរសេរនៅខាងខ្នងនៃឈុតរបស់វេជ្ជបណ្ឌិតមីយ៉ាន់ម៉ាម្នាក់។
គ្រូពេទ្យដទៃទៀតនៅក្នុងមន្ទីរពេទ្យរដ្ឋយ៉ាងតិច២០ បានប្រមូលផ្តុំគ្នាធ្វើយុទ្ធនាការប្រឆាំងនឹងក្រុមឧត្តមសេនីយ៍ដែលបានផ្តួលរំលំមេដឹកនាំជាប់ឆ្នោតលោកស្រី អ៊ុងសាន ស៊ូជី កាលពីថ្ងៃចន្ទនិងការរារាំងដំណើរការឆ្ពោះទៅរកលទ្ធិប្រជាធិបតេយ្យ។
ក្រុមវេជ្ជបណ្ឌិតបានគំរាមឈប់ធ្វើការងារ ថ្វីបើការឆ្លងមេរោគកូរ៉ូណានៅតែបន្តកើនឡើងជាលំដាប់នៅក្នុងប្រទេសដែលមានប្រជាជនចំនួន៥៤លាននាក់មួយនេះក៏ដោយ។
វេជ្ជបណ្ឌិត Myo Thet Oo ដែលចូលរួមក្នុងយុទ្ធនាការនេះបាននិយាយប្រាប់រ៉យទ័រពីទីប្រជុំជន Lashio ភាគឦសានថា “យើងមិនអាចទទួលយកមេដឹកនាំផ្តាច់ការ និងរដ្ឋាភិបាលដែលមិនត្រូវបានជ្រើសរើសបានទេ។ ពួកគេអាចចាប់ខ្លួនយើងគ្រប់ពេល។ យើងបានសម្រេចចិត្តប្រឈមមុខនឹងរឿងនេះ យើងទាំងអស់គ្នាបានសម្រេចចិត្តមិនទៅមន្ទីរពេទ្យទេ”។
ទោះបីជាយ៉ាងណាក៏ដោយ រ៉យទ័រមិនអាចទាក់ទងរដ្ឋាភិបាលកងទ័ពថ្មីរបស់មីយ៉ាន់ម៉ាដើម្បីសុំការអត្ថាធិប្បាយអំពីការធ្វើពហិការរបស់គ្រូពេទ្យ និងសញ្ញានៃការប្រឆាំងកាន់តែខ្លាំងឡើងបានទេ។
គួរបញ្ជាក់ថា គិតត្រឹមម៉ោង៨:៣០នាទីព្រឹកថ្ងៃពុធនេះ ប្រទេសមីយ៉ាន់ម៉ាមានករណីឆ្លងជំងឺកូវីដ១៩សរុប១៤០,៣៥៤ករណី ស្លាប់៣,១៣៨និងជាសះស្បើយ១២៥,៣២៤៕
ប្រែសម្រួលដោយ៖ CNA
ចុចអាន៖ ប្រជាជនមីយ៉ាន់ម៉ារាប់ពាន់នាក់ ចេញមកធ្វើបាតុកម្មគាំទ្រកងទ័ព
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង