ស្រ្តីដែលត្រូវគេបាញ់ក្នុងបាតុកម្មមីយ៉ាន់ម៉ា ទទួលមរណភាពហើយ

ស្ត្រីអាយុ២០ឆ្នាំម្នាក់ បានក្លាយជាបាតុករដំបូងបំផុតដែលស្លាប់នៅក្នុងបាតុកម្មប្រឆាំងរដ្ឋប្រហារនៅប្រទេសមីយ៉ាន់ម៉ា បន្ទាប់ពីនាងត្រូវបានបាញ់ចំក្បាល។

នាង Mya Thwe Thwe Khaing បានរងរបួសកាលពីសប្តាហ៍មុន នៅពេលប៉ូលិសព្យាយាមបំបែកក្រុមអ្នកតវ៉ាដោយប្រើកាណុងបាញ់ទឹក គ្រាប់កាំភ្លើងជ័រនិងគ្រាប់ពិត។

ក្រុមសិទិ្ធមនុស្សបាននិយាយថា មុខរបួសរបស់នាងគឺត្រូវគ្រាប់កាំភ្លើងពិតមួយគ្រាប់។ នាងបានទទួលរងរបួសក្បាលធ្ងន់ធ្ងរ។

មន្ទីរពេទ្យក្នុងរដ្ឋធានី ណៃពិដោ បានបញ្ជាក់ពីការស្លាប់របស់នាងនៅម៉ោង១១:០០ (ម៉ោងក្នុងស្រុក)។ ព័ត៌មានលម្អិតបន្ថែមទៀត នឹងបញ្ចេញក្នុងពេលឆាប់ៗនេះ។

អាជ្ញាធរនិយាយថា ពួកគេនឹងស៊ើបអង្កេតលើករណីនេះ។

នាង Mya Thwe Thwe Khaing ដែលឈានចូលវ័យ២០ឆ្នាំបន្ទាប់ពីត្រូវគេបាញ់ បានស្ថិតក្នុងបន្ទប់សង្គ្រោះបន្ទាន់ ចាប់តាំងពីនាងត្រូវបានបញ្ជូនទៅមន្ទីរពេទ្យកាលពីថ្ងៃទី៩ខែកុម្ភៈ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ការតវ៉ានៅស្ថានីយ៍រថភ្លើងមីយ៉ាន់ម៉ា ប្រែក្លាយទៅជាអំពើហិង្សា

ចុចអាន៖ ចិន ចេញមុខបញ្ជាក់អំពីពាក្យចចាមអារ៉ាមនិងជំរុញ មីយ៉ាន់ម៉ាឲ្យដោះស្រាយការខ្វែងគំនិត គ្នាខាងនយោបាយ