Connect with us

ព័ត៌មានអន្ដរជាតិ

រុស្ស៊ី ធ្វើសមយុទ្ធបាញ់អាវុធនុយក្លេអ៊ែរ គំរាមលោកខាងលិចកុំឲ្យលូកដៃចូល​ជ្រៅក្នុងសង្គ្រាមនៅ អ៊ុយក្រែន

បានផុស

នៅ

ក្រសួង​ការពារជាតិ​រុស្ស៊ីបាន​ប្រកាស​ចាប់ផ្តើម​ធ្វើសមយុទ្ធត្រាប់ការបាញ់សាកល្បងអាវុធនុយក្លេអ៊ែរដើម្បីបង្ហាញពីសាច់ដុំនៃកងកម្លាំងរបស់ខ្លួន ក៏ដូចជាឆ្លើយតបទៅនឹងការសម្លុតគំរាម ឬការបង្កហេតុពីសំណាក់លោកខាងលិខ ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២១ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមយុទ្ធនេះធ្វើឡើងនៅតំបន់ព្រំដែនភូមិភាគខាងត្បូង រួមទាំងផ្នែកខ្លះនៃទឹកដីអ៊ុយក្រែនដែលស្ថិតនៅក្រោមការគ្រប់គ្រងរបស់រុស្ស៊ី ខណៈក្នុងសមយុទ្ធនោះទៀតសោត កងទ័ពមួយចំនួនបានហ្វឹកហាត់ប្រើប្រាស់ទាំងប្រព័ន្ធមីស៊ីលល្បឿនលឿនជាងសំឡេង Iskander រួម​ទាំង​មីស៊ីល Kinzhal បំពាក់ជាមួយ​ក្បាល​គ្រាប់នុយក្លេអ៊ែរផងដែរ ។

ពាក់ព័ន្ធនឹងបញ្ហានេះដែរ លោកប្រធានាធិបតី វ្ល៉ាឌីមៀរ ពូទីន បានចេញបញ្ជាឲ្យធ្វើសមយុទ្ធជា ៣ ដំណាក់កាល ហើយលោកក៏បានអញ្ជើញប្រធានាធិបតីបេឡារុស Alexander Lukashenko ឲ្យមកចូលរួមក្នុងសមយុទ្ធដំណាក់កាលទី២ ដោយសារតែរុស្ស៊ីក៏បានដាក់ពង្រាយអាវុធនុយក្លេអ៊ែរមួយចំនួនរួចទៅហើយនៅលើទឹកដីបេឡារុស ។

ចំណែកអ្នកវិភាគនុយក្លេអ៊ែរបានមើលឃើញថា សមយុទ្ធនេះគឺជាសញ្ញាព្រមានរបស់លោក ពូទីន ដើម្បីរារាំងលោកខាងលិចពីការលូកដៃចូលកាន់តែជ្រៅទៅក្នុងភ្លើងសង្រ្គាមនៅអ៊ុយក្រែន បន្ទាប់ពីបណ្ដាប្រទេសលោកខាងលិចបានផ្តល់អាវុធ និងការស៊ើបការណ៍សម្ងាត់ឲ្យរដ្ឋាភិបាលទីក្រុងកៀវ ។

ទន្ទឹមនោះ សមយុទ្ធត្រាប់ការបាញ់សាកល្បងនុយក្លេអ៊ែរនៅពេលនេះគឺដើម្បីឆ្លើយតប ក៏ដូចជាធានានូវបូរណភាពទឹកដី និងអធិបតេយ្យភាពរបស់រដ្ឋរុស្ស៊ីដោយគ្មានលក្ខខណ្ឌ ជាពិសេសគឺដើម្បីឆ្លើយតបទៅនឹងសេចក្តីថ្លែងការណ៍បង្កហេតុ និងការគំរាមកំហែងរបស់មន្ត្រីបស្ចិមប្រទេសទាំងអស់ដែលប្រឆាំងនឹងរុស្ស៊ី ។

ជាក់ស្ដែង ក្រសួងការបរទេសរុស្ស៊ីបានចេញសេចក្តីថ្លែងការណ៍មួយកាលពីថ្ងៃទី៦ ខែឧសភាថា សមយុទ្ធនេះគឺជាការឆ្លើយតបទៅនឹងសេចក្តីថ្លែងការណ៍របស់លោកប្រធានាធិបតីបារាំង Emmanuel Macron ដែលបានស្នើឲ្យបញ្ជូនទាហានអឺរ៉ុបទៅកាន់អ៊ុយក្រែន ។ ក្រសួងថែមទាំង​ចង្អុលចំ​ទៅ​រដ្ឋមន្ត្រី​ការបរទេស​អង់គ្លេស David Cameron បន្ទាប់ពីហារមាត់និយាយថា ទាហាន​អ៊ុយក្រែន​អាច​ប្រើ​អាវុធ​របស់​អង់គ្លេស​ដើម្បី​វាយប្រហារ​លើទឹកដី​រុស្ស៊ីបាន ៕

ដោយ ៖ សុខ ជីវ័ន្ត

ចុចអាន ៖ អ្នកជំនាញ ចិន បញ្ជាក់ប្រាប់ពីអត្ថន័យនៃជំនួបកំពូល ស៊ី-ពូទីន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

លោក ហេង សួរ ដឹកនាំ​កិច្ចប្រជុំ​ប្រចាំឆ្នាំ នៃ​ភាគី​ហត្ថលេខី​នៃ​អនុស្សរណៈ​លើ​ការយោគយល់​គ្នា ស្តីពី​គម្រោង​រោងចក្រ​កាន់តែ​ប្រសើរ​នៅ​កម្ពុជា​សម្រាប់​ឆ្នាំ​២០២៣-២០២៧

ព័ត៌មានជាតិ៦ ម៉ោង មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ៦ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៩ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៩ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ១៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៨ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ១៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម