Connect with us

ព័ត៌មានអន្ដរជាតិ

អ្នកជំនាញ ចិន បញ្ជាក់ប្រាប់ពីអត្ថន័យនៃជំនួបកំពូល ស៊ី-ពូទីន

បានផុស

នៅ

អ្នកជំនាញចិនស្ដីពីគោលនយោបាយការបរទេសរបស់ទីក្រុងប៉េកាំងបានលើកឡើងថា ដំណើរទស្សនកិច្ចផ្លូវរដ្ឋរយៈពេល ២ ថ្ងៃរបស់លោកប្រធានាធិបតីរុស្ស៊ី វ្ល៉ាឌីមៀរ ពូទីន ទៅកាន់ប្រទេសចិនកាលពីពេលថ្មីៗនេះ គឺបង្កប់អត្ថន័យនៃគំរូដល់ការជឿទុកចិត្តគ្នាទៅវិញទៅមករវាងប្រទេសទាំងពីរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Wang Yiwei សាស្ត្រាចារ្យនៅសាកលវិទ្យាល័យ Renmin នៃប្រទេសចិនបានប្រាប់ទូរទស្សន៍ជាតិជប៉ុន NHK នៅក្នុងបទសម្ភាសន៍តាមអនឡាញកាលពីថ្ងៃទី១៧ ខែឧសភាថា ក្រោយការឈ្នះឆ្នោតដូចៗគ្នា មេដឹកនាំចិន និងរុស្ស៊ីតែងតែទៅលេងប្រទេសជាមហាមិត្តមុនគេ មុនពេលធ្វើដំណើរទៅកាន់ប្រទេសណាមួយផ្សេងទៀតនៅលើពិភពលោក ។

លោកសាស្ត្រាចារ្យមើលឃើញថា ជំនួបរវាងលោក ពូទីន និងលោកប្រធានាធិបតីចិន ស៊ី ជីនពីង នៅក្នុងទីក្រុងប៉េកាំង គឺជាបង្កប់អត្ថន័យនូវការផ្ដល់ទំនុកចិត្តគ្នាទៅវិញទៅមកកម្រិតខ្ពស់ និងជាយុទ្ធសាស្ត្ររវាងប្រជាជាតិទាំងពីរ ជាពិសេសនេះតំណាងឲ្យគំរូថ្មីសម្រាប់ទំនាក់ទំនងរវាងមហាអំណាចធំៗ ។

ទន្ទឹមនោះ លោក Wang ក៏បានលើកឡើងអំពីការចោទប្រកាន់របស់សហរដ្ឋអាមេរិកផងដែរដែលថា ប្រទេសចិនបាននិងកំពុងផ្គត់ផ្គង់សម្ភារៈដែលអាចផលិតសព្វាវុធដល់ប្រទេសរុស្ស៊ី ។ លោកសាស្ត្រាចារ្យបញ្ជាក់ថា ការចោទប្រកាន់នេះគឺជាការរើសអើងមិនរើសមុខ ចាប់តាំងពីចិន និងរុស្ស៊ីភ្ជាប់បណ្ដាញពាណិជ្ជកម្មធម្មតាឡើងវិញ ក្រោយប្រតិបត្តិការសឹករបស់ទីក្រុងមូស្គូនៅអ៊ុយក្រែន ។

លោក Wang បាននិយាយថា ប្រទេសចិនបានរក្សាជំហរយ៉ាងតឹងរ៉ឹងចំពោះការនាំចេញអាវុធ ហើយថា រុស្ស៊ីកំពុងបង្កើតទំនាក់ទំនងជិតស្និទ្ធជាមួយប្រទេសចិន ដោយសារតែការដាក់ទណ្ឌកម្មរបស់លោកខាងលិច ។ កិច្ចប្រជុំកំពូល ស៊ី-ពូទីន ក៏ជាការកំណត់ទំនាក់ទំនង ចិន-អាមេរិក ផងដែរ ចាប់តាំងពីទីក្រុងប៉េកាំង និងទីក្រុងវ៉ាស៊ីនតោនកំពុងធ្វើការដើម្បីរក្សាស្ថិរភាពទំនាក់ទំនងតាមរយៈការចរចាទ្វេភាគី ។

សហរដ្ឋអាមេរិកហាក់មិនពេញចិត្តឡើយចំពោះជំនួបរវាងលោក ពូទីន និងលោក ស៊ី កាលពីពេលថ្មីៗនេះ ជាក់ស្ដែងមុនជំនួបកំពូលនេះកើតមានឡើង រដ្ឋមន្ត្រីការបរទេសអាមេរិកលោក Antony Blinken ក៏បានហោះទៅចិនផងដែរ ដើម្បីបង្ហាញពីក្ដីកង្វល់អំពីការគាំទ្ររបស់ចិនដល់យោធារុស្ស៊ី ប៉ុន្តែដំណើរទស្សនកិច្ចកាលណោះមិនអាចរាំងស្ទះលើទំនាក់ទំនងយ៉ាងស្អិតរមួតរបស់មេដឹកនាំទាំងពីរបានឡើយ ។

គួរបញ្ជាក់ថា លោក ពូទីន បានអញ្ជើញហោះត្រលប់ទៅកាន់ប្រទេសរុស្ស៊ីវិញហើយ ក្រោយបំពេញដំណើរទស្សនកិច្ចផ្លូវរដ្ឋមកកាន់ប្រទេសចិនរយៈពេល ២ ថ្ងៃ ពោលពីថ្ងៃទី១៦ ដល់ថ្ងៃទី១៧ ខែឧសភា ខណៈក្នុងជំនួបកំពូលនោះទៀតសោត មេដឹកនាំទាំងពីរបានចុះហត្ថលេខាលើសេចក្តីថ្លែងការណ៍រួមមួយប្រកាសបើកសករាជថ្មីប្រឆាំងអាមេរិកលើបញ្ហាសន្តិសុខជាច្រើន និងទស្សនៈរួមស្តីពីកោះតៃវ៉ាន់ និងអ៊ុយក្រែន ព្រមទាំងកូរ៉េខាងជើង និងកិច្ចសហប្រតិបត្តិការលើបច្ចេកវិទ្យានុយក្លេអ៊ែរសន្តិភាពថ្មី និងបញ្ហាហិរញ្ញវត្ថុផងដែរ ៕

ដោយ ៖ សុខ ជីវ័ន្ត

ចុចអាន ៖ លោក ពូទីន ប្រកាសក្តែងៗប្រាប់គេឯង អំពីផែនការនៅ Kharkov

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៦ វិនាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម