Connect with us

ព័ត៌មានអន្ដរជាតិ

រំលោភច្បាប់ធ្វើចត្តាឡីស័ក ដើរហើរចម្លងកូវីដដល់អ្នកដទៃ បុរស វៀតណាម ត្រូវផ្តន្ទាទោសជាប់គុក ២ ឆ្នាំ

បានផុស

នៅ

ប៉ូលិសបាននិយាយថា តុលាការប្រទេសវៀតណាមនៅថ្ងៃអង្គារនេះបានផ្តន្ទាទោសដាក់ពន្ធនាគាររយៈពេល ២ ឆ្នាំលើបុគ្គលិកបម្រើការលើយន្តហោះរបស់ក្រុមហ៊ុនអាកាសចរណ៍វៀតណាមអ៊ែរឡាញ (Vietnam Airlines) បន្ទាប់ពីរកឃើញថា គាត់មានទោសកំហុសពីបទរំលោភលើច្បាប់ធ្វើចត្តាឡីស័កនៃជំងឺកូវីដ ១៩ និងបានចម្លងទៅអ្នកដទៃ ។

ក្រសួងសន្តិសុខសាធារណៈរបស់វៀតណាមបាននិយាយនៅក្នុងសេចក្តីថ្លែងការណ៍មួយថា បន្ទាប់ពីការជំនុំជម្រះក្តីមួយថ្ងៃនៅឯតុលាការប្រជាជនទីក្រុងហូជីមិញ លោក Duong Tan Hau អាយុ ២៩ ឆ្នាំត្រូវបានផ្តន្ទាទោសពីបទ “ចម្លងជំងឺដ៏គ្រោះថ្នាក់”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចោទប្រកាន់ដែលត្រូវបានបង្ហោះនៅលើគេហទំព័រក្រសួងប៉ូលិសបានឲ្យដឹងថា លោក Hau បានរំលោភបទបញ្ជាធ្វើចត្តាឡីស័ករយៈពេល ១៤ ថ្ងៃរបស់ប្រទេស និងបានជួបមនុស្ស ៤៦ នាក់ផ្សេងទៀត បន្ទាប់ពីការហោះហើររបស់គាត់មកពីប្រទេសជប៉ុននៅក្នុងខែវិច្ឆិកា ។

ការចោទប្រកាន់នេះបាននិយាយថា លោក Hau បានទៅជួបជាមួយនឹងមនុស្សដទៃទៀតក្នុងអំឡុងពេលធ្វើចត្តាឡីស័ក និងបានទៅហាងកាហ្វេ ភោជនីយដ្ឋាន និងបានចូលរៀនថ្នាក់ភាសាអង់គ្លេស ខណៈពេលដែលគាត់ត្រូវបានគេសន្មត់ថាកំពុងធ្វើចត្តាឡីស័ក ហើយបុរសរូបនេះបានធ្វើតេស្តវិជ្ជមានជំងឺកូវីដ ១៩ នៅថ្ងៃទី ២៨ ខែវិច្ឆិកា ។

ការចោទប្រកាន់នេះបាននិយាយថា ការរំលោភបំពានរបស់លោក Hau ដែលបានបណ្តាលឲ្យមនុស្សពាក់ព័ន្ធប្រហែល ២,០០០ នាក់ផ្សេងទៀតនៅក្នុងទីក្រុងធ្វើចត្តាឡីស័ក និងធ្វើតេស្ត បានបង់ប្រាក់ ៤,៤៨ ពាន់លានដុង (១៩៤,១៩២ ដុល្លារអាមេរិក) ។

ទន្ទឹមនោះប្រព័ន្ធផ្សព្វផ្សាយរដ្ឋបាននិយាយថា គាត់ក៏បានចម្លងដល់មនុស្សយ៉ាងហោចណាស់ ៣ នាក់ផ្សេងទៀតផងដែរអំឡុងពេលនោះ ។

សេចក្តីថ្លែងការណ៍នោះបាននិយាយថា “ការរំលោភបំពានរបស់លោក Hau គឺធ្ងន់ធ្ងរ ហើយធ្វើឲ្យសង្គមជាតិស្ថិតក្នុងគ្រោះថ្នាក់ និងបង្កភាពអន្តរាយដល់សហគមន៍” ។

គួរបញ្ជាក់ថា គិតត្រឹមពេលនេះប្រទេសវៀតណាមមានករណីឆ្លងជំងឺកូវីដ ១៩ ចំនួន ២,៥៩៤ ករណី និងមានអ្នកស្លាប់ចំនួន ៣៥ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ វៀតណាម រកមិនឃើញការឆ្លងកូវីដសូម្បី មួយករណីជាលើកដំបូងក្នុងរយៈពេលជិត ២ ខែ

ចុចអាន ៖ ប៉ូលិសវៀតណាម រឹបអូសកាបូបប្រ៊េនៗក្លែងក្លាយពីឃ្លាំងមួយ ប្រើរថយន្តធុនធំ១០គ្រឿងទើបដឹកអស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម