ព័ត៌មានអន្ដរជាតិ
ឥឡូវនេះ ប៉េកាំងមានមហាសេដ្ឋីច្រើនជាងទីក្រុងណាៗទាំងអស់ក្នុងលោក
ឥឡូវនេះទីក្រុងប៉េកាំងមានមហាសេដ្ឋីច្រើនជាងទីក្រុងណាៗទាំងអស់នៅក្នុងពិភពលោក។ នេះបើតាមប្រភពទស្សនាវដ្តី Forbes ដែលចេញបញ្ជីអ្នកមានប្រចាំឆ្នាំចុងក្រោយបំផុត។
ទស្សនាសេដ្ឋកិច្ចបានផ្សាយថា រដ្ឋធានីចិនបានបន្ថែមមហាសេដ្ឋីចំនួន៣៣នាក់លើចំនួនដែលមានកាលពីឆ្នាំមុន ហើយឥឡូវនេះមានចំនួន១០០នាក់ហើយ។
ចំនួននេះបានយកឈ្នះទីក្រុងញ៉ូវយ៉ក់ស្តួចស្តើងបំផុតដែលទីក្រុងសហរដ្ឋអាមេរិកមួយនេះមានមហាសេដ្ឋីចំនួន៩៩នាក់ និងបានឈរលំដាប់កំពូលចំណាត់ថ្នាក់សម្រាប់រយៈពេល៧ឆ្នាំចុងក្រោយនេះ។
ការកាន់កាប់ដ៏ឆាប់រហ័សរបស់ប្រទេសចិនក្នុងសម័យកូវីដ-១៩ គឺការកើនឡើងនូវក្រុមហ៊ុនបច្ចេកវិទ្យា និងទីផ្សារភាគហ៊ុនរបស់ខ្លួនដែលជួយឲ្យទីក្រុងមួយនេះឡើងឈរលើចំណាត់ថ្នាក់កំពូល។
ទោះជាទីក្រុងប៉េកាំងឥឡូវមានមហាសេដ្ឋីច្រើនជាងក្រុមហ៊ុន Big Apple ក៏ទ្រព្យសម្បត្តិរាប់បញ្ចូលគ្នារបស់មហាសេដ្ឋីទីក្រុងញ៉ូវយ៉ក់នៅរក្សា៨០ពាន់លានដុល្លារអាមេរិក ដែលទំហំនេះច្រើនជាងទ្រព្យសម្បត្តិបញ្ចូលគ្នារបស់មហាសេដ្ឋីរបស់ទីក្រុងប៉េកាំង។
អ្នកមានបំផុតនៅទីក្រុងប៉េកាំងគឺលោក Zhang Yiming ជាស្ថាបនិកក្រុមហ៊ុន TikTok និងជានាយកប្រតិបត្តិរបស់ក្រុមហ៊ុនមេ ByteDance។ ឥឡូវនេះលោកមានទ្រព្យសុទ្ធកើនឡើងទ្វេដង ៣៥.៦ពាន់លានដុល្លារអាមេរិក។
ផ្ទុយទៅវិញ អ្នកមានបំផុតនៅទីក្រុងញ៉ូវយ៉ក់ អតីតអភិបាលក្រុងញ៉ូវយ៉ក់លោក Michael Bloomberg មានទ្រព្យសម្បត្តិ៥៩ពាន់លានដុល្លារអាមេរិក។
កំណើនពាណិជ្ជកម្មតាមអេឡិចត្រូនិករបស់ចិន
ប្រទេសចិនរួមជាមួយសហរដ្ឋអាមេរិក ត្រូវបានគេមើលឃើញក្រុមហ៊ុនបច្ចេកវិទ្យាយក្សរបស់ពួកគេកាន់តែរីកធំឡើងៗកំឡុងពេលការផ្ទុះកូវីដ-១៩ ខណៈប្រជាជនបានទិញទំនិញតាមអនឡាញ និងជាប្រភពស្វែងរកការកម្សាន្ត។
ប្រការនេះបានមើលឃើញពីការបង្កើតទ្រព្យសុទ្ធផ្ទាល់ខ្លួនយ៉ាងខ្លាំងសម្រាប់ស្ថាបនិក និងម្ចាស់ភាគហ៊ុននៃក្រុមហ៊ុនបច្ចេកវិទ្យាយក្សទាំងនោះ។
ប្រទេសចិនដែលតួលេខរបស់ខ្លួនរាប់បញ្ចូលទាំងទីក្រុងហុងកុង និងម៉ាកាវនៅបញ្ជី Forbes បានបន្ថែមមហាសេដ្ឋីជាច្រើនជាងប្រទេសណាៗទាំងអស់ជាសកលជាមួយនឹងមហាសេដ្ឋីចំណូលថ្មី២១០នាក់។
ពាក់កណ្តាលនៃមហាសេដ្ឋីចំណូលថ្មីរបស់ប្រទេសចិនរកប្រាក់បានពីការផលិត ឬការបណ្តាក់ទុនផ្នែកបច្ចេកវិទ្យា រាប់បញ្ចូលទាំងមហាសេដ្ឋីជាស្ត្រីឈ្មោះ Kate Wang ដែលរកលុយបានពីបារីអេឡិចត្រូនិក។
ជាមួយនឹងមហាសេដ្ឋីចំនួន៦៩៨នាក់ ប្រទេសចិនតាមក្រោយសហរដ្ឋអាមេរិកដែលមានមហាសេដ្ឋីចំនួន៧២៤នាក់។
យោងតាម Fordes បង្ហាញថា មហាសេដ្ឋីចំណូលថ្មី៤៩៣នាក់ជាប់កំណត់ត្រាបានចូលក្នុងបញ្ជីជាសកលកាលពីឆ្នាំមុន។
ប្រទេសឥណ្ឌាឈរលំដាប់លេខ៣ដែលមានមហាសេដ្ឋីចំនួន១៤០នាក់។ នៅតំបន់អាស៊ីប៉ាស៊ីហ្វិកមានមហាសេដ្ឋីសរុបចំនួន១១៤៩នាក់។
លោក Jeff Bezos ស្ថាបនិក និងជានាយកប្រតិបត្តិ Amazon នៅតែជាបុគ្គលមានជាងគេបំផុតក្នុងលោកដោយឈរនៅចំណាត់ថ្នាក់កំពូល៤ឆ្នាំជាប់គ្នា។ ទ្រព្យសម្បត្តិសុទ្ធរបស់លោកបានកើនពី៦៤ពាន់លានដុល្លារទៅ១៧៧ពាន់លានដុល្លារអាមេរិក កាលពីឆ្នាំមុន៕
ប្រែសម្រួល៖ វីរបុត្រ
ប្រភព៖ Forbes
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»