ព័ត៌មានអន្ដរជាតិ

ដើម្បីប្អូនជាទីស្រឡាញ់ បងស្រី Paing Takhon បង្ហោះសាររៀបរាប់ទាំងទឹកភ្នែក សុំ ជំនួយពីពិភពលោក ក្រោយត្រូវចាប់ខ្លួន

បានផុស

៤ years មុន

នៅ

ថ្ងៃព្រហស្បតិ៍ ៨ មេសា ២០២១

ដោយ

ព័ត៌មានទាក់ទងទៅនឹងតារាប្រុសបង្ហាញម៉ូត និងជាតារាសម្ដែងល្បីរបស់ប្រទេសមីយ៉ាន់ម៉ា កាន់តែមានការចាប់អារម្មណ៍កាន់តែខ្លាំងឡើង ក្រោយពេលលេចលឺព័ត៌មានចេញដីកាចាប់ខ្លួនតារាប្រុសរូបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅមុននេះបន្តិច យើងឃើញគណនី Facebook បងស្រីបង្កើតតារាប្រុសរូបនេះ បង្ហោះរៀបរាប់ទាំងទឹកភ្នែក ដើម្បីសុំជំនួយពីពិភពលោកអោយជួយអន្តរាគមន៍ជួយប្អូនប្រុសរបស់នាង ក្រោយពេលត្រូវក្រុមទាហាមីយ៉ាន់ម៉ាចាប់ខ្លួន។

ដោយបងស្រីរបស់ Paing Takhon បានសរសេរបញ្ជាក់ថា «នៅម៉ោងប្រមាណ ៥ព្រឹកនេះ ប្អូនប្រុសរបស់ខ្លួនត្រូវក្រុមទាហាន និងប៉ូលិសមីយ៉ាន់ម៉ាសម្រុកចូលចាប់ខ្លួននៅក្នុងផ្ទះបន្ទាប់ពីមានដីកាចាប់ខ្លួនពីម្សិលមិញ។ នាងបន្តទៀតថា ក្រុមប៉ូលិសមីយ៉ាន់ម៉ាអមជាមួយរថយន្ត ៨គ្រឿង បានចូលសម្រុកចាប់ខ្លួន Paing Takhon នៅក្នុងផ្ទះទាំងព្រឹកព្រលឹម ដែលមានទីតាំងនៅ យ៉ាំងហ្គោន។ មកដល់ពេលនេះ នាងមិនទាន់ទាក់ទងទៅប្អូនប្រុសបាននៅឡើយទេ បណ្តាលអោយក្រុមគ្រួសារនាងបារម្ភពី Paing Takhon យ៉ាងខ្លំាងមិនដឹងសុខទុក្ខយ៉ាងណា»។

ទោះជាយ៉ាងណា នៅពេលនេះក្រុមគ្រួសាររបស់តារាប្រុសល្បីលំដាប់អាស៊ី Paing Takhon និងអ្នកគាំទ្រ បានត្រឹមបន់ស្រន់សូមកុំឲ្យមានរឿងអ្វីកើតឡើងលើ Paing Takhon និងរង់ចាំតាមដានជាបន្តទៀត៕