អ្នកជំងឺអូមីក្រុងក្លាយពូជស៊េរីថ្មី XE នឹងមានអាការចំនួន ៦ ក្រោយពេលឆ្លង

ថ្មីៗនេះ អង្គការសុខភាពពិភពលោក (WHO) បានចេញការព្រមានថ្មីមួយ ទាក់ទងនឹងវីរុសកូវីដបំប្លែងខ្លួនកូនកាត់រវាង BA.1 និង BA.2 ដោយស្ថាប័នអន្តរជាតិមួយនេះបានលើកឡើងពីក្តីព្រួយបារម្ភលើកម្រិតនៃការឆ្លងកាន់តែខ្លាំង ហើយអាចបណ្តាលឲ្យមានហានិភ័យខ្ពស់នៃរលក កូវីដថ្មី។

ស្របពេលជាមួយគ្នានេះ ក្រុមអ្នកស្រាវជ្រាវបញ្ជាក់ថា វីរុសកូនកាត់ XE មានសមត្ថភាពចម្លងខ្លាំងជាងវីរុសបំប្លែងខ្លួនមុនៗដល់ទៅ ១០ដង ខណៈវាត្រូវបានគេរកឃើញជាលើកដំបូងនៅក្នុងចក្រភពអង់គ្លេសកាលពីថ្ងៃទី១៩ ខែមករា ឆ្នាំ២០២២។

ដោយ​ឡែក បើ​ងាក​មក​អាការដំបូង​នៃ​វីរុស​បំប្លែង​ខ្លួន​ថ្មី​ដែល​ទើប​តែ​រក​ឃើញ​នេះ​ដែរ ​WHO បញ្ជាក់ថាអ្នកជំងឺនឹងមានរោគសញ្ញាចំនួន ៦ ចំណុចចម្បងរួមមាន អស់​កម្លាំង វិល​មុខ ដោយ​ក្រោយ​មក វិវដ្ត​ទៅ​ជា​ឈឺ​ក្បាល ឈឺ​បំពង់​ក ឈឺសាច់​ដុំ និងក្ដៅ​ខ្លួន។ ក្រៅពីនោះ អ្នកជំងឺអាច​អាកា​ផ្សេង​ទៀត​​ដូច​ជា រាគរូស ក្អួត​ចង្អោរ ឈឺ​ពោះ​ និងពុំមានអាការបាត់បង់ក្លិន ឬរសជាតិឡើយ។

ថ្វីត្បិតសមត្ថភាពរបស់វីរុសកូនកាត់ XE មិនបង្កឲ្យមានជំងឺធ្ងន់ធ្ងរ និងកំពុងតាមដានស្ថានភាពក៏ដោយ ក៏អង្គការសុខភាពពិភពលោកព្រមានថា វាអាចជាវីរុសកូនកាត់ប្រភេទថ្មី ដែលក្លាយជាវីរុសលេចធ្លោបំផុតនាពេលអនាគត៕

អត្ថបទ៖ សន្យា

ចុចអាន៖ អូមីក្រុង​ ក្លាយពូជ XE ឆ្លងខ្លាំងជាងវីរុសមុនៗ ១០ដង ដែល WHO​ បារម្ភខ្លាំង ពេលនេះរកឃើញនៅក្បែរកម្ពុជា ហើយ