Connect with us

KPT+

មនុស្សច្រណែន លេចសញ្ញាទាំងនេះ ទោះខំសម្ដែងយ៉ាងណាក្ដី

បានផុស

នៅ

មនុស្សរស់នៅមានអ្នកស្រឡាញ់ មានអ្នកស្អប់ជារឿងធម្មតានោះទេ។ ជួនកាលមនុស្សកំពុងតែរាប់អានស្និទ្ធស្នាលគ្នា ក៏មើលមិនដឹងផងថា គេស្អប់ឬច្រណែននឹងខ្លួន។ ប៉ុន្តែបើអ្នកសង្កេតឃើញសញ្ញាទាំង ៧ ខាងក្រោមនេះ នោះបញ្ជាក់ថា មនុស្សដែលយើងកំពុងទុកចិត្តរាប់អានកំពុងឈ្នានីសយើងហើយ៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. សរសើរចំពោះមុខយ៉ាងផ្អែម

មនុស្សច្រណែននឹងសរសើរអ្នកនៅពេលជួបមុខគ្នា ប៉ុន្តែនិយាយដើមឬនិយាយកុហកនៅពីក្រោយខ្នង។ មនុស្សបែបនេះមានតែងតែមានមុខពីរ ល្អនឹងមុខ តែអាក្រក់នៅពីក្រោយ ហើយអ្នកពិបាកនឹងចាប់កំហុសពួកគេបានណាស់។ បើឃើញទង្វើបែបនេះ វាជាសញ្ញាថា ពួកគេបានច្រណែនជាសម្ងាត់ចំពោះភាពជោគជ័យរបស់អ្នក។

២. មើលងាយភាពជោគជ័យរបស់អ្នក

មនុស្សច្រណែននឹងព្យាយាមបន្ទាបបន្ថោកភាពជោគជ័យរបស់អ្នក ដោយសារតែពួកគេមិនអាចសម្រេចបានដូចអ្នក។ ពួកគេតែងតែព្យាយាមប្រាប់អ្នកដទៃថា អ្នកមិនល្អអ្វីនោះទេ ហើយអ្វីដែលអ្នកធ្វើបានប្រៀបនឹងកំទេចនំប៉ុណ្ណោះ។

៣. អួតពីជោគជ័យរបស់ខ្លួន

មនុស្សច្រណែនពេលជោគជ័យអ្វីមួយភ្លាម ចាប់ផ្ដើមអួតអាងប្រាប់ពិភពលោកពីសមិទ្ធិផលរបស់ខ្លួនភ្លែត។  ពួកគេក៏ផ្ដើមប្រៀបធៀបលទ្ធផលរវាងអ្នកនិងពួកគេ ហើយមើលងាយអ្នកដទៃមិនដាក់មាត់ឡើយ។

៤. មានចិត្តចង់តែប្រកួតប្រជែង

អ្នកចិត្តវិទ្យាលោក Melanie Greenberg ពន្យល់ថា នៅពេលនរណាម្នាក់ច្រណែនពួកគេមានតម្រូវការខ្ពស់ដើម្បីលើកតម្កើងខ្លួនឯង ហើយលទ្ធផលមនុស្សដែលមានការច្រណែនឈ្នានីសជាប្រចាំនឹងមានទំនោរទៅរកការប្រកួតប្រជែងហួសហេតុ។ ជាការពិតការប្រកួតប្រជែងអាចនាំទៅរកភាពជោគជ័យ ប្រសិនបើវាត្រូវបានបង្កឡើងដោយមហិច្ឆតាត្រឹមត្រូវ។ ប៉ុន្តែបុគ្គលច្រណែន ចូលចិត្តធ្វើឲ្យអ្នកដទៃអាម៉ាស់មុខ ឈឺចាប់ ហើយពួកគេកាន់តែសប្បាយចិត្តបើបានឈ្នះមនុស្សទន់ខ្សោយ។

៥. ចូលចិត្តចម្លងតាម

អ្នកចិត្តវិទ្យាអះអាងថា ការច្រណែននាំឲ្យមនុស្សស្អប់និងចូលចិត្តធ្វើអ្វីតាមអ្នកស្ទើរតែគ្រប់យ៉ាងទាំងអស់។ មិនថាជាសកម្មភាពប្រចាំថ្ងៃ ឬរបៀបរស់នៅ និងសូម្បីតែរឿងកំប៉ិកកំប៉ុកក៏ធ្វើតាមអ្នកដែរ។ មូលហេតុមិនពិបាកយល់ទេ ព្រោះមនុស្សឈ្នានីស ខ្លាចអ្នកធ្វើអ្វីលើសដែលពួកគេមិនដឹង ជាពិសេសពួកគេចង់ជោគជ័យដូចអ្នកដែរ។

៦. ផ្សព្វផ្សាយបង្ខូចកេរ្តិ៍ឈ្មោះ

ការស្រាវជ្រាវបង្ហាញថា អ្នកដែលនិយាយដើមអ្នកដទៃភាគច្រើនចង់បានពូកែជាងគេ និងចង់បានល្អជាងគេ។ មនុស្សដែលច្រណែននឹងភាពជោគជ័យរបស់អ្នក ព្យាយាមធ្វើអ្វីឲ្យខ្ពស់ជាងអ្នកដទៃ ហើយព្យាយាមធ្វើឱ្យខូចកេរ្តិ៍ឈ្មោះរបស់អ្នកដោយដើរនិយាយពីភាពអវិជ្ជមានឬផ្សព្វផ្សាយពាក្យចចាមអារ៉ាមមិនពិតពីអ្នក។

៧. ​អបអរការបរាជ័យរបស់អ្នក

មនុស្សច្រណែននឹងមានអារម្មណ៍សប្បាយរីករាយជានិច្ច ប្រសិនបើពួកគេដឹងថា អ្នកមិនបានសម្រេចគោលដៅ ទោះហេតុផលអ្វីក៏ដោយ។ ពួកគេនឹងជាន់ពន្លិចអ្នកថែមពេលអ្នកទន់ខ្សោយ។ មិនតែប៉ុណ្ណោះ ពួកគេចាំបំផ្លាញរាល់កិច្ចការរបស់អ្នកតាមដែលអាចធ្វើបាន៕

ប្រែសម្រួល៖ សន្យា

ប្រភព៖ ​iheartintelligence

ចុចអាន៖ ចូលចិត្ត​ប្រៀបធៀប​រហូត​ជួន​ហួស​ដល់​ចេះ​ច្រណែន​ គួរ​ផ្លាស់ប្ដូរ​ខ្លួនឯង​បែប​ណា?

ចុចអាន៖ ដោះស្រាយ​ជាមួយ​មនុស្ស​ច្រណែន ដែល​ប៉ង​បំផ្លាញ​យើង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ឧកញ៉ា ឡេង ប្រុស ឧបត្ថម្ភ​ថវិកា ១០​លាន​រៀល​ភ្លាម​ដល់​កីឡាករ ឡុង ជិន សង់ផ្ទះ​ក្រោយ​ខ្យល់​ខ្លាំង​បាក់​រំលំ​ខ្ទិច​អស់

ព័ត៌មានជាតិ៧ ម៉ោង មុន

គណបក្ស​ប្រជាជន​កម្ពុជា​ទីក្រុង​មែ​ល​ប៊​ន អបអរសាទរ​ខួប​អនុស្សាវរីយ៍​លើក​ទី​៧១ ថ្ងៃ​បង្កើត​គណបក្ស

ព័ត៌មានជាតិ៧ ម៉ោង មុន

ខួប​លើក​ទី​៥៥ នៃ​ទំនាក់ទំនង​ការទូត​រវាង​កម្ពុជា​-​វៀតណាម

ព័ត៌មានជាតិ៨ ម៉ោង មុន

លោក ញឹក ប៊ុនឆៃ៖ អ្នក​សង្កេតការណ៍ជាតិ អន្តរជាតិ មិនបាន​​រៀបចំឱ្យនិយាយ​ល្អ​ពី​កម្ពុជាទេ

សន្តិសុខសង្គម៨ ម៉ោង មុន

សមត្ថកិច្ច​ដកហូតកាំភ្លើង​ពិត​ និងកែច្នៃ​ជាង ៤០ ដើម​ក្រោយករណីផ្ទុះអាវុធ​បណ្ដាល​ឱ្យអធិការ​រង​នគរ​បាលក្រុងព្រះសីហនុ​រងរបួស​

Sokha Hotels

ព័ត៌មានពេញនិយម