KPT+

មនុស្សលួចច្រណែនឫស្សា លើអ្នកដែលលើសខ្លួន នឹងជួបឥទ្ធិពលអវិជ្ជមាន ៥ នេះក្នុងជីវិត

បានផុស

៤ years មុន

នៅ

ថ្ងៃសៅរ៍ ៧ ឧសភា ២០២២

ដោយ

ការច្រណែនគឺជាលក្ខខណ្ឌមួយ ដែលមនុស្សម្នាក់ចង់បានរបស់ដែលអ្នកដទៃមាន ហើយខ្លួនឯងបែរជាមិនអាចមាន ដូចជាវត្ថុ សម្ភារៈ សមិទ្ធផល ឬការស្រលាញ់ពីមនុស្សជុំវិញ។

ឥឡូវនេះការច្រណែន អាចកើតឡើងបានយ៉ាងងាយស្រួលពីខាងក្នុង ឬខាងក្រៅ ដូចជានៅក្នុងប្រព័ន្ធផ្សព្វផ្សាយសង្គម ដែលជាមធ្យោបាយសម្រាប់អ្នកប្រើប្រាស់ ដើម្បីបង្ហាញពីអ្វីដែលពួកគេមាន។ រឿងបែបនេះ ងាយនឹងច្រណែនណាស់ ហេតុអ្វីបានជាយើងមិនអាចមានអ្វីដែលគេនោះមាន? បើយើងមិនពូកែគ្រប់គ្រងការច្រណែនរបស់យើង យើងនឹងជួបបញ្ហាដូចខាងក្រោមនេះ៖

១ ចិត្តងាយផុយស្រួយណាស់

តាមពិត អ្នកដែលងាយច្រណែន ឬខឹង មានអារម្មណ៍ថាខ្លួនមិនមានសំណាង គឺជាមនុស្សដែលមានចិត្តផុយស្រួយណាស់។ វាដូចជាគ្មានគោលការណ៍ នៅពេលដែលនរណាម្នាក់មានរបស់ដែលមាន។ រឿងតែមួយគត់នៅក្នុងគំនិតរបស់មនុស្សច្រណែន គឺធ្វើយ៉ាងណាឲ្យខ្លួនឯងទទួលបានរបស់នោះដូចគ្នា ទៅនឹងអ្នកដទៃ ទោះបីជារឿយៗ វាកំពុងតែជះឥទ្ធិពលដល់ហិរញ្ញវត្ថុខ្លួនឯងក៏ដោយ។ នេះក៏ដោយសារតែចិត្ត កំពុងតែផុយស្រួយ ជាមួយអារម្មណ៍ឫស្សាលើអ្នកអ្នកដទៃ ដែលគេមិនដឹងអ្វីសោះ។

២ ជឿលើសមត្ថភាពខ្លួនឯងពេក

មនុស្សគ្រប់រូបមានចំណុចខ្លាំង និងចំណុចខ្សោយរៀងៗខ្លួន។ ភាពខុសគ្នាទាំងនេះ មានដើម្បីបំពេញគ្នាទៅវិញទៅមក ។ទោះជាយ៉ាងណាក៏ដោយ ប្រសិនបើអ្នកមិនអាចទទួលយកភាពខុសគ្នានៃសមត្ថភាព និងសម្ភារៈដែលខ្លួនឯងមានទេ នោះនឹងកាត់បន្ថយទំនុកចិត្តរបស់អ្នកគ្មានសល់ សូម្បីតែមួយ។ ដូច្នេះមនុស្សគ្រប់គ្នា មានចំណុចល្អអាក្រក់ខុសៗគ្នា គេរួសរាយ គេគួរឲ្យស្រលាញ់ ប្រាកដជាមានអ្នកចូលចិត្តហើយ។ ចំណែកយើ ងមិនសូវមាត់ក មិនសូវញញឹម អ្នកណាមកហ៊ានរាក់ទាក់ជាមួយបានទៅ។

៣ តែងបង្កភាពតានតឹងដល់ខ្លួនឯង

នៅពេលដែលការច្រណែនកើតមាន មនុស្សម្នាក់នឹងបន្តគិតអំពីរបៀបដែលខ្លួនឯងអាចមានអ្វីដែលអ្នកដទៃទទួលបាន។ មនុស្សដែលច្រណែនដល់កម្រិតនៃអំពើអាក្រក់ គឺសុខចិត្តព្យាយាមយកសុភមង្គលអ្នកដទៃមកជារបស់ខ្លួន។ ជាការពិតណាស់ យើងមិនគួរធ្វើបែបនេះទេ ព្រោះវាអាចបង្កគ្រោះថ្នាក់ដល់ខ្លួនឯង និងអ្នកដទៃវិញទេ។ មនុស្សច្រណែននឹងគិតអំពីនរណាម្នាក់ ដែលគេតែងចាត់ទុកថាជាគូប្រជែង។ ការគិតអំពីរឿងដែលមិនអាចមាន នឹងមានឥទ្ធិពលដល់ចិត្ត ហើយអាចបង្កើតភាពតានតឹងដល់ការធ្លាក់ទឹកចិត្ត នោះគឺជារឿងគួរឲ្យយកចិត្តទុកដាក់បំផុត។

៤ មិនស្ងប់ស្ងាត់ក្នុងចិត្ត

ការព្យាយាមគ្រប់គ្រងអ្វីដែលហួសពីកម្រិតនៃសមត្ថភាពរបស់ខ្លួន គឺមិនអាចទៅរួចទេ។ ហេតុអ្វីបានជាត្រូវបង្ខំឲ្យវាសនាធ្វើតាមបំណងប្រាថ្នារបស់យើង។ យើងគួរតែជាអ្នកចុះចាញ់នឹងជោគវាសនា ដែលបានកំណត់ទុក។ ការកំណត់អ្វីៗចេញពីការគ្រប់គ្រង គឺគ្មានប្រយោជន៍ទេ ពីព្រោះវាសនាជាអ្នកកំណត់រៀងរហូត ហើយមិនផ្លាស់សម្រាប់យើងទេ (បើយើងគ្មានការព្យាយាមចេញពីចិត្ត)។ ជាឧទាហរណ៍ ការច្រណែននឹងសមិទ្ធិផលរបស់អ្នកដ៏ទៃ នឹងធ្វើឲ្យចិត្តរបស់យើងមិនស្ងប់ ព្រោះត្រូវគិតច្រើនពេកអំពីសមិទ្ធផលរបស់ខ្លួន។ ប៉ុន្តែបើជីវិតគ្មានភាពស្ងប់ស្ងាត់ នឹងប៉ះពាល់ដល់សុភមង្គល។

៥ ធ្វើអ្វីដែលបំផ្លាញតែខ្លួនឯង

ការច្រណែនដែលជាប់ក្នុងចិត្តរួចហើយ គឺជាគ្រោះថ្នាក់ខ្លាំងណាស់។ ការច្រណែនប្រភេទនេះ អាចនាំឲ្យមានគំនិតបំផ្លិចបំផ្លាញចំពោះខ្លួនឯង និងអ្នកដទៃ។ ប្រសិនបើការច្រណែនមិនអាចគ្រប់គ្រង និងលុបបំបាត់បាន នោះការបាត់បង់គឺចៀសមិនរួច។ ការបំផ្លិចបំផ្លាញ មានន័យថា ព្យាយាមបំផ្លាញ ឬធ្វើបាបខ្លួនឯង និងអ្នកដទៃ។ មនុស្សដែលមានអារម្មណ៍ថាខ្លួនឯងខ្វះខាត អាចធ្វើអ្វីក៏បាន ដើម្បីធ្វើឲ្យបំណងប្រាថ្នារបស់ខ្លួនក្លាយជាការពិត។

តាមពិតទៅ មនុស្សប្រភេទនេះមិនស្ទាក់ស្ទើរក្នុងការបំផ្លាញខ្លួនឯង ហើយដោយមិនដឹងខ្លួនថែមទៀត។ ពីធម្មជាតិនៃការច្រណែន អាចធ្វើឲ្យនរណាម្នាក់ក្លាយជាមនុស្សលោភលន់ សម្រាប់អ្វីគ្រប់យ៉ាង។ ព្រោះតណ្ហាគ្មានដែនកំណត់ឡើយ បើធ្វើបន្តទៀត វានឹងធ្វើបាបខ្លួនឯង ហើយថែមទាំងធ្វើបាបអ្នកដទៃទៀត។ ការបាត់បង់នេះ បណ្ដាលមកពីរវល់គិតរឿងអ្នកដទៃពេក។ ទោះបីជាជីវិតខ្លួនឯង នៅមានរឿងច្រើន ដែលត្រូវដោះស្រាយ៕

ប្រែសម្រួល៖ សាង ស្រីល័ក្ខ

ចុចអាន៖តើការច្រណែននិន្ទារាប់ជាជំងឺផ្លូវចិត្តដែរទេ?

ចុចអាន៖ដោះស្រាយជាមួយមនុស្សច្រណែន ដែលប៉ងបំផ្លាញយើង