ព័ត៌មានជាតិ
ផ្លូវជាតិលេខ៥ខេត្តបន្ទាយមានជ័យនឹងមានស្ថានីយជញ្ជីងថ្លឹងរថយន្តនាថ្ងៃខាងមុខ
លោក សេង ឈួន ដឹកនាំក្រុមការងារចុះពិនិត្យទីតាំងសាងសង់ស្ថានីយជញ្ជីងក្នុងខេត្តបន្ទាយមាន ជ័យ និងប្រគល់ទទួលស្ថានីយជញ្ជីងឃ្លាំងមឿង-ខេត្តពោធិ៍សាត់ សម្រាប់ប្រើប្រាស់បណ្តោះអាសន្ន លើផ្លូវជាតិលេខ៥ ។
នាពេលថ្មីៗនេះ លោក សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ អមដំណើរដោយលោក ឯក រដ្ឋ អនុរដ្ឋលេខាធិការ លោក គឹម សាន់ អនុរដ្ឋលេខាធិការ បានដឹកនាំក្រុមការងារពិនិត្យ និងពិភាក្សាលើការជ្រើសរើសទីតាំងសាងសង់ស្ថានីយជញ្ជីងថ្មីលើផ្លូវជាតិលេខ៥ ក្នុងខេត្តបន្ទាយមានជ័យ។
សកម្មភាពការងារនេះ ដោយមានការចូលរួមពីសំណាក់លោកអភិបាលរងខេត្តបន្ទាយមានជ័យ ប្រធានលេខាធិការដ្ឋានគណៈកម្មាធិការសម្របសម្រួលអចិន្ត្រៃយ៍ ប្រធានមន្ទីរសាធារណការ និងដឹកជញ្ជូនខេត្តបន្ទាយមានជ័យ ប្រធានស្ថានីយជញ្ជីងកូនដំរី ចៅសង្កាត់ និងមន្ត្រីបច្ចេកទេសពាក់ព័ន្ធជាច្រើនរូបផងដែរ ។
លោក សេង ឈួន រដ្ឋលេខាធិការ និងជាប្រធានគណៈកម្មាធិការសម្របសម្រួលអចិន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ និងលោកអនុរដ្ឋលេខាធិការអមដំណើរ ក៏បានដឹកនាំក្រុមការងារចុះពិនិត្យ និងប្រគល់ទទួលស្ថានីយ ឃ្លាំង មឿង ខេត្តពោធិ៍សាត់ពីប្រធានគម្រោងក្រុមហ៊ុនទទួលសាងសង់គម្រោងធ្វើឲ្យប្រសើរឡើងវិញផ្លូវជាតិលេខ៥ ដើម្បីប្រើប្រាស់ ។
ស្ថានីយជញ្ជីងឃ្លាំងមឿង ខេត្តពោធិ៍សាត់នេះ នឹងដាក់ប្រើប្រាស់បណ្តោះអាសន្នរហូតដល់គម្រោងធ្វើឲ្យប្រសើរឡើងវិញផ្លូវជាតិលេខ៥ចប់រួចរាល់៕
អត្ថបទ ៖ រ៉ាវុទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ