ព័ត៌មានជាតិ

ឆ្លងចរន្តអគ្គិសនីលើបង្គោល ឆេះជាអណ្ដាតភ្លើងបង្កការភ្ញាក់ផ្អើល

បានផុស

៤ ថ្ងៃ មុន

នៅ

ថ្ងៃសុក្រ ១១ មិថុនា ២០២១

ដោយ

ខ្សែទូរស័ព្ទ ខ្សែអ៊ីនធឺណិត និងខ្សែភ្លើងអតិថិជន រាយលើបង្គោលភ្លើងនៅចំណុចមុខសាលាគរុកោសល្យ ត្រូវបានអណ្ដាលភ្លើងឆាបឆេះ ធ្វើឲ្យប្រជាពលរដ្ឋដែកធ្វើដំណើរកាត់តាមផ្លូវមានការភ័យក្លាចយ៉ាងខ្លាំង ពិសេសកូនចៅតូចៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះបានកើតឡើងនៅព្រឹកថ្ងៃទី១១ ខែមិថុនា ឆ្នាំ២០២១ នៅចំណុចសាលាគរុកោសល្យ ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។

លោក ជាវ ណារិន ប្រធានអគ្គីសនីកម្ពុជាសាខាខេត្តបន្ទាយមានជ័យ បានប្រាប់ឲ្យដឹងថា ខាងជំនាញអគ្គីសនីរបស់លោក និងសមត្ថកិច្ចបានចេញទៅពន្លត់កន្លែងដែលឆេះនោះ ហើយគ្រប់គ្រងបានទាំងស្រុងមិនឆេះរាលដាលដល់ផ្ទះប្រជាពលរដ្ឋនៅជិតនេះឡើយ។ ក្នុងនោះ មន្ត្រីនិងបុគ្គលិកផ្នែកបច្ចេកទេសតបណ្តាញបានមមាញឹកតភ្ជាប់អគ្គិសនីចូលតាមផ្ទះពលរដ្ឋ អតិថិជន វិញមានចំនួន៥ទៅ៦ផ្ទះដើម្បីឲ្យមានអគ្គិសនីប្រើប្រាស់ឡើងវិញ។

អ្នកឃើញហេតុការណ៍ថា បើកុំតែមានអន្តរាគមន៍ពន្លត់ទាន់ពេល កុំអីការឆ្លងចរន្តអគ្គិសនីនេះ នឹងរាលដាលឆេះដល់ផ្ទះប្រជាពលរដ្ឋ និងទ្រព្យសម្បត្តិឯកជននិងរដ្ឋជាច្រើនមិនខាននៅក្បែរនោះ។

សូមរំលឹកថា ការឆ្លងចរន្តអគ្គិសនីពីខ្សែបណ្តាញទូរស័ព្ទ ខ្សែអ៊ីនធឺណិតលើបង្គោលបញ្ជូន ក៏ឧស្សាហ៍កើតមានដែរ ដោយឡែកនៅភូមិសាស្ត្រខេត្តបន្ទាយមានជ័យក្នុង១ឆ្នាំចុងក្រោយនេះ កើតមាន៤ករណីមកដែរ ហេតុនេះ ផ្នែកបច្ចេកទេសពាក់ព័ន្ធអាចពិនិត្យសម្រួលករណីនេះឡើងវិញ ដើម្បីបញ្ចៀសហានីភ័យ ៕

អត្ថបទ ៖ វ៉ាន់ ណាង

Related Topics:ករណីអគ្គិភ័យ