Connect with us

ព័ត៌មានជាតិ

អ្នកវិនិយោគស្នើសុំអភិវឌ្ឍន៍ គម្រោងទេសចរណ៍ធម្មជាតិ ៣កន្លែងនៅខេត្តកោះកុង លើផ្ទៃដីជិត៣០ហិកតា

បានផុស

នៅ

តំបន់សក្កានុពលបម្រើដល់វិស័យទេសចរណ៍ចំនួន៣កន្លែងនៅក្រុងខេមរភូមិន្ទ និងស្រុកមណ្ឌលសីមា ខេត្តកោះកុង កំពុងទាញចំណាប់អារម្មណ៍របស់អ្នកមានលុយចង់ស្នើសុំវិនិយោគអភិវឌ្ឍន៍។ ទឹកជ្រោះ និងព្រៃឈើបៃតងខ្ចីស្រស់ក្នុងដែនជម្រកសត្វព្រៃតាតៃ ក្នុងភូមិសាស្រ្ត សង្កាត់ស្មាច់មានជ័យ ក្រុងខេមរភូមិន្ទ និងឃុំប៉ាក់ខ្លង ស្រុកមណ្ឌលសីមា ប្រៀបបានដូចកូនក្រមុំកំពុងទាក់ភ្នែកអ្នកវិនិយោគ សម្រាប់ដល់វិស័យទេសចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅព្រឹកថ្ងៃទី១៤ ខែមិថុនា ២០២១នេះ ឯកឧត្តម ស៊្រុន ដារិទ្ធិ រដ្ឋលេខាធិការក្រសួងបរិស្ថាន លោក អ៊ុក ភ័ក្ត្រា អភិបាលរងខេត្ត អភិបាលក្រុងស្រុក និងក្រុមអ្នកវិនិយោគទុនធ្វើដំណើរចុះពិនិត្យវាយតម្លៃពីគម្រោងចង់អភិវឌ្ឍន៍ទេសចរណ៍ខ្នាតតូចរួមគ្នា។

ទីតាំងស្នើសុំគម្រោងអភិវឌ្ឍន៍ទេសចរណ៍ធម្មជាតិខ្នាតតូចចំនួន៣កន្លែងផ្សេងៗ ដែលគ្របដណ្តប់លើផ្ទៃដីទំហំសរុប ២៩,៩៨៤៣ ហិកតា។ ដោយទី១មានលោក ម៉ា ទី ស្នើសុំវិនិយោគអភិវឌ្ឍន៍ចំនួន៩,៩៩ហិចតា ស្ថិតនៅភូមិបឹងឃុនឆាង សង្កាត់ស្មាច់មានជ័យ និងភូមិកោះប៉ោ ទី២ អ្នកស្រី សួរ លក្ខិណា ទំហំផ្ទៃដីវិនិយោគ៩,៩៩ហិចតា និងទី៣ លោក ម៉ា កៅហេង ៩,៩៨ហិចតា។

តំណាងក្រសួងបរិស្ថាន លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុង ឱ្យដឹងថា ការចុះពិនិត្យវាយតម្លៃរួមគ្នាព្រឹកមិញនេះ វាគ្រាន់តែគោលការណ៍ដែលក្រសួងផ្តល់ការស្នើសុំពីក្រុមអ្នកវិនិយោគប៉ុណ្នោះ។ ដូច្នេះត្រង់ថាមានសម្រេចយ៉ាងណានោះ អាស្រ័យលើរបាយការណ៍លម្អិតមួយច្បាស់លាស់បន្ថែមទៀត មុននឹងក្រសួងបរិស្ថានស្នើសុំបន្តទៅរាជរដ្ឋាភិបាលកម្ពុជា។

ចំពោះដំណើរអនុវត្តតាមលក្ខខណ្ឌសម្រេចឱ្យវិនិយោគរយៈពេល១៥ឆ្នាំ ក្រោមគោលបំណងអភិវឌ្ឍន៍ផង និងអភិរក្សផង ដោយឡែកសម្រាប់ទំហំប្រាក់វិនិយោគ គឺលោកពុំទាន់មានព័ត៌មានច្បាស់លាស់ណាមួយនោះទេ។ នេះជាការបញ្ជាក់របស់លោក ហ៊ុន ម៉ារ៉ាឌី ទៅតាមទំហំផ្ទៃដីវិនិយោគមួយៗ។

ចំណែកលោក អ៊ុក ភ័ក្ត្រា អភិបាលរងខេត្តកោះកុង អះអាងថា អាជ្ញាធរខេត្តសុំឱ្យដោះស្រាយផលប៉ះពាល់ និងសំណងនានា ប្រសិនបើការអនុវត្តគម្រោងនេះបានប៉ះពាល់ដល់ទ្រព្យសម្បត្តិ ឬកម្មសិទ្ធិឯកជន។ ហើយធ្វើយ៉ាងណាបន្តជួយអភិវឌ្ឍន៍ហេដ្ឋារចនាសម្ព័ន្ធ និងរើសកម្លាំងពលកម្មពីមូលដ្ឋានដែលជាផ្នែកមួយនៃការលើកកម្ពស់កម្រិតជីវភាពប្រជាពលរដ្ឋ។

អាជ្ញាធរខេត្តកោះកុង ចង់បំណងសូមឱ្យចូលរួមថែរក្សាបរិស្ថាន ធនធានធម្មជាតិ និងជីវចម្រុះ នៅក្នុង និងក្បែរទីតាំងស្នើសូមវិនិយោគទេសចរណ៍ធម្មជាតិ ពិសេសគឺការគ្រប់គ្រងសំណល់រឹង រាវនិងសំរាម ព្រមទាំងគោរពតាមគោលការណ៍ណែនាំរបស់រាជរដ្ឋាភិបាល ក្រសួងបរិស្ថាន និងលិខិតបទដ្ឋាននានាដែលបានអនុញ្ញាតឱ្យ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៤ នាទី មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ២ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៣ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង៣ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ៤ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម