ព័ត៌មានជាតិ
ខេត្តព្រះសីហនុ កំណត់គោលដៅចំនួន ១៩ ចុះចាក់វ៉ាក់សាំងការពារកូវីដ១៩
រដ្ឋបាលខេត្តព្រះសីហនុ នៅថ្ងៃទី ១៦ ខែមិថុនានេះ បានបើកកិច្ចប្រជុំរៀបចំក្រុមការងារគ្រូពេទ្យចុះចាក់វ៉ាកសាំងបង្ការជំងឺកូវីដ-១៩ តាមក្រុង ស្រុកក្នុងខេត្តព្រះសីហនុ ក្រោមវត្តមាន ឧត្តមសេនីយ៍ឯក ច័ន្ទ សុភក្រ្តា នាយរងសេនា ធិការចម្រុះ និងលោក គួច ចំរើន អភិបាលនៃគណៈអភិបាលខេត្តព្រះសីហនុ។
សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានផ្តល់វ៉ាក់សាំងចាក់ជូនប្រជាពលរដ្ឋខេត្តព្រះ សីហនុ និងបានបញ្ជូនថ្នាក់ដឹកនាំ កងកម្លាំងប្រដាប់អាវុធចូលរួមចាក់វ៉ាក់សាំង មានអង្គភាពកងទ័ពជើងគោក ជើងទឹក ។

រយៈពេល ៥ ខែ អាជ្ញាធរ និងកម្លាំងសមត្ថកិច្ចខេត្តព្រះសីហនុ បានខិតខំប្រឹងប្រែងអស់ពីកម្លាំងកាយចិត្តចូលរួមប្រយុទ្ធប្រឆាំងជំងឺកូវីដ១៩។ លោក គួច ចំរើន អះអាងថា វិធានការប្រយុទ្ធប្រឆាំងនឹងជំងឺកូវីដ-១៩ មានតែការចាក់វ៉ាក់សាំងដែលអាចជួយកាត់បន្ថយនៃការចម្លងជំងឺកូវីដ និងធ្វើឱ្យអ្នកជំងឺស្ថិតក្នុងស្ថានភាពកម្រិតស្រាល។
លោកគួច ចំរើន មានប្រសាសន៍ទៀតថា ឆន្ទៈរបស់រាជរដ្ឋាភិបាលបានបញ្ជាទិញវ៉ាក់សាំង មកចាក់ជូនប្រជាពលរដ្ឋ ព្រមទាំងដាក់ចេញនូវវិធានការកំណត់តំបន់ភូមិសាស្ត្រអាទិភាពឆ្លងច្រើន មានដូចជា រាជធានីភ្នំពេញ ដែលបានចាក់វ៉ាក់សាំងជូនប្រជាពលរដ្ឋមុនគេ។

ការសម្រេចចិត្តរបស់រាជរដ្ឋាភិបាលកម្ពុជាជ្រើសរើសរាជធានី ខេត្តដើម្បីចាក់វ៉ាក់សាំងជូនប្រជាពលរដ្ឋ ជួយកាត់បន្ថយការឆ្លងរាលដាលនៃជំងឺ កូវីដ-១៩ ដែលបានចាក់វ៉ាក់សាំងជូនប្រជាពលរដ្ឋនៅទូទាំងប្រទេសជាង ៣លាននាក់ ដោយឡែកខេត្តព្រះសីហនុចាក់វ៉ាក់សាំងបានជាង ៣ម៉ឺននាក់។
ផ្អែកលើស្ថិតិរបស់ស្នងការនគរបាលខេត្ត និងមន្ទីរផែនការ ប្រជាជនដែលមានអាយុពី ១៨ឆ្នាំឡើង មានជាង ២០ម៉ឺននាក់ តែបច្ចុប្បន្ននៅសល់ ១៩ម៉ឺនាក់ ដែលត្រូវចាក់វ៉ាក់សាំងនៅពេលខាងមុខ។ លោក អភិបាលខេត្តបានបន្តថា ក្នុងយុទ្ធនាការចាក់វ៉ាក់សាំងនៅថ្ងៃទី២១ ខែមិថុនាខាងមុខនេះ ខេត្តព្រះសីហនុមាន ១៩គោលដៅ ក្នុងនោះក្រុងព្រះសីហនុ ៥គោលដៅ ស្រុកព្រៃនប់ ៥គោលដៅ ស្រុកកំពង់សិលា ៤គោលដៅ ក្រុងកោះរ៉ុង ២គោលដៅ និងស្រុកស្ទឹងហាវ ១គោលដៅ និងតំបន់សេដ្ឋកិច្ចបិតត្រាំង ១គោលដៅ និងតំបន់សេដ្ឋកិច្ចចេជាង ក្នុងស្រុកព្រៃនប់ ១គោលដៅ។

នៅថ្ងៃទី១៦នេះ មន្ទីរសុខាភិបាលបានចាប់ផ្តើមចាក់វ៉ាក់សាំងជូនប្រជាពលរដ្ឋ ៣គោលដៅ មានក្រុងព្រះសីហនុ ២គោលដៅ និងមួយគោលដៅនៅស្រុកស្ទឹងហាវ ហើយថ្ងៃស្អែកបន្ថែមពីរគោលដៅទៀតនៅក្រុងកោះរ៉ុង ជាកម្លាំងសឹក រងខេត្ត។
បើតាមលោក គួច ចំរើន អាជ្ញាធរខេត្តនឹងត្រៀមកម្លាំងចល័ត ដើម្បីចាក់វ៉ាក់សាំងជូនជនបរទេសនៅក្នុងខេត្តព្រះសីហនុ ដែលពួកគាត់មានសៀវភៅការងាររបស់កម្ពុជា តាមគោលការណ៍ចាក់វ៉ាក់សាំងត្រូវអនុវត្តតាមការណែនាំ។
យុទ្ធនាការចាក់វ៉ាក់សាំងកូវីដ-១៩ ជូនប្រជាពលរដ្ឋ កម្មករ និយោជិកមានអាយុចាប់ពី ១៨ឆ្នាំឡើង នៅខេត្តព្រះសីហនុ មានដូចជា ១.មន្ទីរសុខាភិបាលខេត្ត ទទួលចាក់ ៧៦.២៣០នាក់ ២.កងទ័ពជើងទឹកមូលដ្ឋានសមុទ្ររាម ទទួលចាក់ ៧៥.៦៤៩នាក់ ៣.កងពលតូចលេខ ៧០ ទទួលចាក់ ១៦.២៨៦នាក់ ៤.កងកម្លាំងត្រែទ័ព ២៥.០០០នាក់៕ អត្ថបទ៖ ស៊ុយ ចាន់ធា

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?