Connect with us

ព័ត៌មានជាតិ

រដ្ឋមន្ត្រីការបរទេស​អង់គ្លេស នឹង​បំពេញ​ទស្សនកិច្ច​ផ្លូវការ​រយៈពេល​២​ថ្ងៃ​នៅ​កម្ពុជា

បានផុស

នៅ

រដ្ឋមន្ត្រីការបរទេស​អង់គ្លេស លោក Dominic Raab នឹង​ធ្វើ​ដំណើរ​មក​ទស្សនកិច្ច​ផ្លូវការ​ដោយផ្ទាល់​នៅ​កម្ពុជា​ចំនួន​២​ថ្ងៃ គឺ​នៅ​ស​ប្តាហ៍​ក្រោយនេះ ខាងមុខនេះ ហើយ​តាម​គម្រោង​លោក នឹង​ជួប​សម្តែង​ការគួរសម​ជាមួយ​សម្តេច​អគ្គមហាសេនាបតី​តេ​ជោ ហ៊ុន សែន នៅ​វិមាន​សន្តិភាព និង​ជួបប្រជុំ​ជាមួយ​លោក​ឧបនាយករដ្ឋមន្ត្រី ប្រាក់ សុខុន ហើយក៏​មាន​គ​គម្រោង​ទស្សនកិច្ច​នៅ​មួយចំនួន​ផងដែរ នេះ​បើតាម​ការ​ឲ្យ​ដឹង​ពី​អគ្គស្នងការ​រដ្ឋា​ន​នគរបាល​ជាតិ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូម​បញ្ជាក់​ថា ដើម្បី​រៀបចំ​ផែនការ​ការពារ​នៅក្នុង​ដំណើរ​ទស្សនកិច្ច​ផ្លូវការ​របស់​រដ្ឋមន្ត្រីការបរទេស​នៃ​ចក្រភព​អង់គ្លេស​នេះ កាលពី​ព្រឹក​ថ្ងៃទី​១៨ ខែមិថុនា ឆ្នាំ​២០២១​នេះ នៅ​នាយកដ្ឋានអង្គរក្ស បាន​បើក​កិច្ចប្រជុំ​ពិភាក្សា​មួយ ទាក់ទង​ផែនការ​ការពារ​សន្តិសុខ សណ្តាប់ធ្នាប់ ក្នុង​ដំណើរ​ទស្សនកិច្ច​នេះ ដែល​កិច្ចប្រជុំ​រៀបចំឡើង​ក្រោម​អធិបតីភាព នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ អគ្គ​ស្នងការរង​នគរបាលជាតិ លោក​ឧ​ត្ត​ម​សេនីយ៍​ឯក យឹម លាង អគ្គ​ស្នងការរង​នគរបាលជាតិ និង​តំណាង​ស្ថានទូត​ចក្រភព​អង់គ្លេស ប្រចាំ​នៅ​ព្រះរាជាណាចក្រ​កម្ពុជា​។​

​មាន​ប្រសា​ស​ន៍​នៅក្នុង​ពិធី​នោះ នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ បាន​លើក​ឡើង​ថា ព្រះរាជាណាចក្រ​កម្ពុជា តែង​បាន​គិតគូរ​ការពារ​យ៉ា​ង​ម៉ត់ចត់​ចំពោះ​ដំណើរ​ទស្សនកិច្ច​របស់​គណៈប្រតិភូ​នានា ត្បិត​កម្ពុជា​មិនបាន​រង​នូវ​ការ​គំរាមកំហែង​ធ្ងន់ធ្ងរ​ណាមួយ​ក៏ដោយ​។ ទន្ទឹម​នឹង​នេះ អគ្គស្នងការ​នគរបាល​ជាតិ ក៏បាន​ពង្រឹង​វិធានការ​ការពារ​យ៉ាង​ម៉ត់ចត់ គ្រប់​បណ្តា​ហេដ្ឋារចនាសម្ព័ន្ធ ក៏ដូចជា​ដំណើរ​ទេសចរណ៍​របស់​បរទេស​ផងដែរ​។

នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ បានបញ្ជាក់​ផងដែរ​ថា សភាពការណ៍​បទល្មើស​នៅ​កម្ពុជា នៅមាន ប៉ុន្តែ​មិនធំ​ដុំ​នោះទេ ហើយ​សន្តិសុខ​របស់​ក​ម្ពុ​ជា មាន​សុវត្ថិភាព​ល្អ​ប្រសើរ​។ លោក​ថា កម្ពុជា​មានបទពិសោធន៍​ក្នុង​កិច្ចការពារ ហើយ​កម្លាំង​មាន​ច្រើន​អង្គភាព ធ្លាប់​បាន​ឆ្លងកាត់​កិច្ចការពារ​គណៈប្រតិភូ​ធំៗ​មក​បំពេញ​ទស្សនកិច្ច​នៅ​កម្ពុជា ជាច្រើនលើក​រួច​មក​ហើយ​។ ម្យ៉ាងវិញទៀត កម្ពុជា​ក៏​បាននឹងកំពុង​ត្រៀមខ្លួន ដើម្បី​ការពារ​សន្តិសុខ សណ្តាប់ធ្នាប់ ដែល​កម្ពុជា​នឹង​ម្ចាស់ផ្ទះ​នៃ​កិច្ចប្រជុំ​កំពូល​អាស៊ី​-​អឺរ៉ុប​ផងដែរ​។​

​ទន្ទឹម​បញ្ហា​ខាងលើ​នេះ នាយ​ឧ​ត្ត​ម​សេនីយ៍ ឆៃ ស៊ីណា​រិ​ទ្ធ បានលើកឡើង​នូវ​ចំណុច ដែលជា​បញ្ហា​ប្រឈម​កំពុង​កើតមាន គឺ​បញ្ហា​ការឆ្លង​រាលដាល​ជំងឺ​កូ​វីដ​-១៩ ដែល​កម្ពុជា​បាន​ត្រៀម​នូវ​ការយកចិត្តទុកដាក់​ខ្ពស់​អំពី​សុវត្ថិភាព របស់​គណៈប្រតិភូ​ផងដែរ ដោយ​គិត​ទាំង​ការមកដល់​, ការធ្វើដំណើរ​, ការ​ស្នាក់នៅ និង​ការធ្វើដំណើរ​បំពេញ​ទស្សនកិច្ច​នៅ​សារមន្ទីរ​ជាដើម​។ កម្ពុជា​ក៏បាន​ត្រៀម​យកចិត្តទុកដាក់​បម្រើ​ជូន​គណៈប្រតិភូ ដោយ​ការគិតគូរ​សិក្សា​អោយបាន​ម៉ត់ចត់ ទាំង​ផ្នែក​សុខាភិបាល ទាំង​សុខភាព របស់​អ្នកពាក់ព័ន្ធ​ទាំងអស់ ដើម្បី​កុំអោយ​មាន​បញ្ហា​ប៉ះពាល់​ណាមួយ​។​

​នៅក្នុង​កិច្ចប្រជុំ​ពិភាក្សា​នេះដែរ តំណាង​ស្ថានទូត​ចក្រភព​អង់គ្លេស ប្រចាំ​នៅ​ព្រះរាជាណាចក្រ​កម្ពុជា បាន​ថ្លែងអំណរគុណ​ចំពោះ​នគរបាលជាតិ​កម្ពុជា ដែល​បានរៀបចំ​ផែនការ​ការពារ​សុវត្ថិភាព សន្តិសុខ សណ្តាប់ធ្នាប់ ជូន​រដ្ឋមន្ត្រី​ក្រសួងការបរទេស​អង់គ្លេស និង​គណៈប្រតិភូ ដោយ​យកចិត្តទុកដាក់ និង​ម៉ត់ចត់ ដែល​គ្រោង​មក​បំពេញ​ទស្សនកិច្ច នាពេលខាងមុខ ធ្វើ​ឲ្យ​ខាង​ស្ថានទូត​មានការ​កក់ក្តៅ​។​

​បើតាម​គម្រោង​រដ្ឋមន្ត្រី​ការបរទេស​អង់គ្លេស លោក Dominic Raab នឹងធ្វើ​ដំណើរ​ទស្សនកិច្ច​ផ្លូវការ​មកកាន់​ប្រទេស​កម្ពុជា​ចំនួន​២​ថ្ងៃ គឺ​នៅ​ថ្ងៃទី​២២-២៣ ខែមិថុនា ខាងមុខនេះ ដែល​តាម​គម្រោង​លោក​រដ្ឋមន្ត្រីការបរទេស​អង់គ្លេស គ្រោង​ជួប​សម្តែង​ការគួរសម​ជាមួយ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា នៅ​វិមាន​សន្តិភាព និង​ជួបប្រជុំ​ជាមួយ​លោក​ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួង​ការបទេស​កម្ពុជា ហើយ​លោក​រដ្ឋមន្ត្រី​គ្រោង​ទស្សនកិច្ច​នៅ​សារមន្ទីរ​ប្រល័យពូជសាសន៍​ទួលស្លែង និង​មជ្ឈមណ្ឌល​ឯកសារ​កម្ពុជា​ផងដែរ មុននឹង​ធ្វើដំណើរ​និវត្តន៍​ត្រឡប់​ទៅកាន់​ប្រទេស​អង់គ្លេស​វិញ​៕

ដោយ ៖​ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

លោក វង្សី វិស្សុត ណែនាំរាជបណ្ឌិត្យសភាកម្ពុជា បង្កើនការរៀបចំសន្និសីទអន្តរជាតិពាក់ព័ន្ធប្រវត្តិសាស្រ្តកម្ពុជា

សេចក្ដីជូនដំណឹង២២ នាទី មុន

សេចក្ដីជូនដំណឹងស្ដីពីការអញ្ជើញចូលរួមពិគ្រោះថ្លៃការផ្គត់ផ្គង់ទំនិញ

ព័ត៌មានជាតិ២៧ នាទី មុន

អ្នក​ភូមិ​ព្រះដាក់​ធ្វើ​នំ​បញ្ចុក​ត​ជំនាន់​ មាន​រូបមន្ត​ពិសេស​ធ្វើ​នំ​បញ្ចុក​ឆ្ងាញ់

KPT+៣៥ នាទី មុន

សព្វថ្ងៃនេះ មានក្បួនឆបោកសាមញ្ញបំផុត តែយើងច្រើនជឿនិងដើរតាមដោយងប់ងុល

ព័ត៌មានជាតិ៤៧ នាទី មុន

HERBALIFE កម្ពុជា រៀបចំកម្មវិធីបរិច្ចាគឈាម ដែលជាឆ្នាំទី ៦ ជាមួយសមាជិកឯករាជ្យ និងបុគ្គលិករបស់ខ្លួន ដើម្បីគាំទ្រដល់មជ្ឈមណ្ឌលជាតិផ្ដល់ឈាម

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១៤ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម