ពលករខ្មែរ២២នាក់ត្រូវសមត្ថកិច្ចថៃឃាត់ខ្លួន ខណៈពួកគេចាញ់បោកមេខ្យល់យកទៅបោះបង់ចោល
Connect with us
Helistar Cambodia - Helicopter Charter Services

ព័ត៌មានជាតិ

ពលករខ្មែរ២២នាក់ត្រូវសមត្ថកិច្ចថៃឃាត់ខ្លួន ខណៈពួកគេចាញ់បោកមេខ្យល់យកទៅបោះបង់ចោល

បានផុស

នៅ

ពលករខ្មែរប្រុសស្រីចំនួន២២នាក់ត្រូវបានសមត្ថកិច្ចថៃឃាត់ខ្លួនក្រោយពីពួកគេបានចូលទៅរកការងារធ្វើតាមមេខ្យល់ដោយម្នាក់ៗចំណាយលុយឱ្យមេខ្យល់អស់រាប់ពាន់បាត ហើយមេខ្យល់នាំយកទៅបោះបង់ចោលក្នុងប្រទេសថៃ ទើបសមត្ថកិច្ចថៃឃាត់ខ្លួនតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមសេចក្ដីរាយការណ៍ពីប្រភពនៅប្រទេសថៃបានឱ្យដឹងថា សមត្ថកិច្ចនៃខេត្តស្រះកែវបានឃាត់ខ្លួនពលករខ្មែរទាំង២២នាក់នោះនៅវេលាម៉ោង០៤:៣០នាទីទៀបភ្លឺ នៅថ្ងៃទី២២ ខែមិថុនា ឆ្នាំ២០២១នេះ ដោយសមត្ថកិច្ចថៃព្រំដែនតាប្រាយ៉ា ខេត្តស្រះកែវ។

សមត្ថកិច្ចថៃប្រាប់ដល់ប្រភពបន្តថា ពលករខ្មែរទាំង២២នាក់នោះ មានស្រី១១នាក់ និងប្រុសចំនួន១១នាក់ ដែលពលករទាំងនេះត្រូវបានមេខ្យល់នាំឆ្លងដែនខុសច្បាប់តាមច្រករបៀងដើម្បីចូលមកប្រទេសថៃ តែត្រូវសមត្ថកិច្ចថៃចាប់បាននៅចំណុចភូមិលូកឆាង ឃុំតាប្រាយ៉ា ស្រុកតាប្រាយ៉ា ខេត្តស្រះកែវ។

បើយោងតាមការសារាភាពរបស់ពលករខ្មែរទាំង២២នាក់បានប្រាប់សមត្ថកិច្ចថៃថា ពួកគេធ្វើដំណើរទៅធ្វើការនៅកន្លែងមួយចំនួនផ្សេងៗគ្នារនៅទីក្រុងបាងកកប្រទេសថៃដោយត្រូវចំណាយលុយឱ្យមេខ្យល់នាំផ្លូវក្នុងម្នាក់ចំនួន៦,០០០ ទៅ៨,០០០បាត ដោយមេខ្យល់សន្យាថានឹងជូនពួកគាត់ដល់កន្លែងធ្វើការរៀងៗខ្លួនតែម្តង។

ក្រោយសមត្ថកិច្ចថៃសួរនាំរួចពលរដ្នខ្មែរជាពលករទាំង២២នាក់នោះត្រូវបានសមត្ថកិច្ចថៃបញ្ជូនឱ្យមកកម្ពុជាវិញតាមច្រករបៀងក្នុងស្រុកគោសខ្ជូង អូរបីជាន់ដើម្បីឱ្យសមត្ថកិច្ចកម្ពុជាទទួលយកចាត់ការបន្តតាមផ្លូវច្បាប់៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤២ នាទី មុន

អ្នក​ប្រដាល់សកល​ជើង​ខ្លាំង​ប៉ះ​គ្នា​ថ្ងៃអាទិត្យ​នេះ លើ​សង្វៀន Boxing Ultimate Boxing Championship

កូវីដ-១៩៥៥ នាទី មុន

វត្ត​គល់​ទទឹង​ យក​សំណាក​ព្រះសង្ឃ​ និង​ ពុទ្ធ​បរិ​ស័ទ​៣៥៥​អង្គ​នាក់​ រក​ឃើញ​២​អង្គ​នាក់​ឆ្លង​កូ​វីដ

ព័ត៌មានជាតិ១ ម៉ោង មុន

កាកបាទក្រហមកម្ពុជា ប្រគល់ ផ្ទះ​២ ខ្នង​ជូន​ប្រ ជា​ពលរដ្ឋ​២​គ្រួសារ​ដែល​រងគ្រោះ​ដោយ​ភ្លើង​ឆេះ​ផ្ទះ នៅក្នុង​ខ្សាច់​ស ឃុំ​ក្រាំង​ល្វា ស្រុក​សាមគ្គី​មានជ័យ

កូវីដ-១៩២ ម៉ោង មុន

ខេត្តកំពង់ឆ្នាំង​រក​ឃើញ​វិជ្ជមាន កូ​វីដ​១៩​ថ្មី ៦៥​នាក់​និង​មាន​អ្នក​ស្លាប់​ថ្មី​ម្នាក់ នៅក្នុង​ថ្ងៃទី​២៣

ព័ត៌មានជាតិ២ ម៉ោង មុន

ប្រធាន​មន្ទីរ​សាធារណការ​ខេត្តព្រះវិហារ​ ណែនាំ​ឲ្យ​ការសាងសង់​ស្ថានីយ​ជញ្ជីង​អចល័ត អូរ​ពោធិ៍​-​ខេត្តព្រះវិហារ ស្របតាម​គំនូស​ប្លង់ តាម​បទដ្ឋាន​បច្ចេកទេស

Sokha Hotels

ព័ត៌មានពេញនិយម

Helistar Cambodia - Helicopter Charter Services