ព័ត៌មានជាតិ

ធ្លាក់ភ្លៀងមួយមេលាយខ្យល់កន្ត្រាក់បោកបក់ខ្លាំង បណ្តាលឲ្យខូចខាតផ្ទះពលរដ្ឋជាច្រើនខ្នងបង្កឲ្យមនុស្សស្លាប់និងរបួស

បានផុស

៥ ខែ មុន

នៅ

ថ្ងៃចន្ទ ២៨ មិថុនា ២០២១

ដោយ

បាត់ដំបង ៖ ផ្ទះពលរដ្ឋជាច្រើនខ្នង ត្រូវបានខ្យល់កន្ត្រាក់បោកបក់យ៉ាងគំហុក ខណៈមានភ្លៀងធ្លាក់១មេធំក្នុងខេត្តបាត់ដំបងហើយខ្យល់កន្ត្រាក់បានបោកបក់ទៅលើភូមិសាស្ត្រស្រុកឯកភ្នំនៃខេត្តបាត់ដំបងខ្លាំងបណ្តាលឲ្យរលំផ្ទះ១ខ្នងទាំងស្រុងក្នុងចំណោមផ្ទះរងគ្រោះជាច្រើនខ្នងទៀតបានសង្កត់ទៅលើប្រជាពលរដ្ឋស្លាប់ម្នាក់និងរបួសម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនៃអធិការស្រុកឯកភ្នំបានឲ្យដឹងថា គ្រោះធម្មជាតិនេះបានកើតឡើងនៅវេលាម៉ោង៣និង០០នាទីរសៀល នាថ្ងៃទី២៨ខែមិថុនាឆ្នាំ២០២១នេះ ខណៈខ្យល់កន្ត្រាក់បានគ្របដណ្តប់បោកបក់ទៅលើភូមិអូរកំបុត ឃុំព្រែកខ្ពប ស្រុកឯកភ្នំ ខេត្តបាត់ដំបង បង្កឲ្យមនុស្ស២នាក់ស្លាប់និងរបួស។

ប្រភពខាងលើបន្តថា គ្រួសាររងគ្រោះក្នុងចំណោមគ្រួសារជាច្រើនផ្សេងទៀតខាងលើជាស្ត្រីមិនស្គាល់ឈ្មោះនៅឡើយ មានអាយុប្រមាណ៦៧ឆ្នាំ បានស្លាប់ដោយសារផ្ទះរលំសង្កត់លើចំណែកឯបុរសជាប្តីឈ្មោះញឹម.រតនាអាយុ៦៨ឆ្នាំរងរបួសធ្ងន់ ត្រូវបញ្ជូនទៅមន្ទីរពេទ្យ ដើម្បីសង្គ្រោះបន្ទាន់។

សមត្ថកិច្ចបន្តថា ខ្យល់កន្ត្រាក់នៅរសៀលថ្ងៃនេះក៏បានបង្កឲ្យផ្ទះរបស់ប្រជាពលរដ្ឋជាច្រើនខ្នងរងការខូចខាតធ្ងន់និងស្រាល គ្រាដែលផ្ទះឈើប្រក់ស័ង្កសីរបស់ជនរងគ្រោះបានរលំទាំងស្រុងបណ្តាលឲ្យម្ចាស់ផ្ទះ២នាក់ប្តីប្រពន្ធបានស្លាប់និងរបួសក្នុងនោះម៉ូតូចំនួន២គ្រឿងក៏បានខូចខាតផងដែរ៕

ដោយ ៖ សៅ សារិទ្ធ