ព័ត៌មានជាតិ
៦ ខែឆ្នាំនេះ កម្ពុជានាំចេញកសិផលកសិកម្មទៅក្រៅប្រទេស ជាង ៤ លានតោន កើនជាង ៨០%
នៅក្នុងរយៈពេល៦ខែ ឆ្នាំ២០២១នេះ កម្ពុជាបាននាំចេញកសិផលកសិកម្មសំខាន់ៗទៅក្រៅប្រទេសក្នុងបរិមាណជាង៤ លានតោន (៤ ៤៥៤ ៥០៥,៣៣) ទៅកាន់ទិសដៅ ៦២ ប្រទេសមានការកើនឡើងជាង ២លានតោន (២ ០៤១ ៩៨២,៧២) ស្មើនឹង ៨៤,៦៤% បើធៀបនឹងរយៈពេលដូចគ្នាក្នុងឆ្នាំ២០២០ ដែលទទួលបានត្រឹមតែ ២ ៤១២ ៥២២,៦១ តោន។
របាយការណ៍របស់ក្រសួងកសិកម្មរុក្ខាប្រមាញ់និងនេសាទបានឱ្យដឹងថា កសិផលសំខាន់ៗដែលបាននាំចេញរួមមានអង្ករមានចំនួន ២៨០ ៤៥០តោន មានការថយចុះចំនួន ១១៧ ២១០តោនស្មើនឹង-២៩,៤៧%។ ការនាំចេញស្រូវមានចំនួន ១ ៦៩២ ៨១៣តោន កើនឡើងចំនួន ៧០៩ ៣០៥តោនស្មើនឹង៧២,១២%។
ចំណិតដំឡូងមីក្រៀមចំនួន ១ ២៣៥ ១០៣,១២ តោនកើនឡើងចំនួន ១៩,២៤% ដំឡូងមីស្រស់ មានចំនួន ៣៥៨ ៨០០ តោន ថយចុះចំនួន -១១,៧៥% ម៉្សៅដំឡូងមីចំនួន ១៥ ៩០៣,៦៤ តោន កើនឡើងចំនួន ១៥,៩៥% កាកសំណល់ដំឡូងមីចំនួន ៤ ៣២៣ តោន ថយចុះចំនួន -៣៤,៣៦% គ្រាប់ស្វាយចន្ទីចំនួន ៨៤៣ ២៤៣,២៦ តោនកើនឡើងចំនួន ៣៣៦,៤៣%។
គ្រាប់ពោតចំនួន ១៤០ ៦៦៩,១៣ តោនកើនឡើងចំនួន ១៧៦,៤៤% គ្រាប់សណ្តែកបាយ ចំនួន ១៨ ៥៨០ តោនកើនឡើងចំនួន ៥៨៥,៦៧% គ្រាប់សណ្តែកសៀង មានចំនួន ១៧ ៧៥០,០៤ តោន កើនឡើងចំនួន ១០០% ផ្លែចេកស្រស់មានចំនួន ២៣៧ ០៩៩,៥ តោន កើនឡើងចំនួន ៦៨,៦៧% ផ្លែស្វាយស្រស់មានចំនួន ១៥៩ ៧៧៨,៥៥ តោន កើនឡើងចំនួន ២៤៥,៨៤%
ដំណាប់ស្វាយមានចំនួន ១២ ៧៦៨,៦១ តោន កើនឡើងចំនួន ១៩៨,៦០% ទឹកស៊ីរ៉ូស្វាយមានចំនួន ៤ ០៦៩,៦២ តោន កើនឡើងចំនួន ៨០,៧៥% ដូងប្រេងមានចំនួន ២៤ ៤១៦,៦៩ តោន កើនឡើងចំនួន ៨,៦៦% ម្រេចមានចំនួន ១៤ ៥៦១,៦២ តោន កើនឡើងចំនួន ៣៩៨,៧៦% ថ្នាំជក់មានចំនួន ៨៧៩,៨៥ តោន ថយចុះចំនួន -៥៥,៩១% បន្លែចម្រុះមានចំនួន ៤៤,៩២ តោន ថយចុះចំនួន -២៨,៥១% ម្ទេសស្រស់មានចំនួន ៦៤ ៩០៧,១២ តោន កើនឡើងចំនួន ៨៣,៤៧% ម្ទេសក្រៀម មានចំនួន ៩០០,២២ តោន ថយចុះចំនួន -២៤,៩៨%និងផលិតផលចំនួន ៦២ មុខ ផ្សេងទៀត មានចំនួន ៩១ ៤១៥,៦៨ តោន។
ការប៉ាន់ស្មានតម្លៃដែលទទួលបានពីការនាំចេញកសិផលមានចំនួន ២ ៥៧១ ១៦៩ ៦៣៩,៣៩ ដុល្លាអាមេរិក ដែលក្នុងនោះ៖
ការនាំចេញអង្ករមានចំនួន ២៣៧ ៥៤១ ១៥០ ដុល្លាអាមេរិក
ការនាំចេញស្រូវមានចំនួន ២៧៩ ៣១៤ ១៤៥ ដុល្លាអាមេរិក
ការនាំចេញកសិផលក្រៅពីស្រូវ-អង្ករមានចំនួន ២ ០៥៤ ៣១៤ ៣៤៤,៣៩ ដុល្លាអាមេរិក។
តាមការសន្និដ្ឋានរបស់ក្រសួងកសិកម្មការនាំចេញកសិផលសរុបក្នុងរយៈពេល៦ខែឆ្នាំ២០២១ មានកំណើនចំនួន ៨៤,៦៤% ក្នុងនោះកសិផល ក្រៅពីអង្ករមានការកើនឡើងចំនួន ១០៧,១៦% រីឯការនាំចេញអង្ករមានការថយចុះចំនួន -២៩,៤៧% ដោយសារកង្វះទូរកុងតេន័រ តម្លៃដឹកជញ្ជូនកើនឡើង និងតម្លៃអង្ករនៅទីផ្សារអន្តរជាតិមានការធ្លាក់ចុះពិសេសសហគមន៍អឺរ៉ុប៕ អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)