រាជរដ្ឋាភិបាលកម្ពុជា ​សម្រេច​ផ្អាក​ការធ្វើដំណើរចេញ-ចូល ​ឆ្លងកាត់ព្រំដែនកម្ពុជា-​​វៀតណាម ​រយៈពេល​១ខែ​
Connect with us
Helistar Cambodia - Helicopter Charter Services

ព័ត៌មានជាតិ

រាជរដ្ឋាភិបាលកម្ពុជា ​សម្រេច​ផ្អាក​ការធ្វើដំណើរចេញ-ចូល ​ឆ្លងកាត់ព្រំដែនកម្ពុជា-​​វៀតណាម ​រយៈពេល​១ខែ​

បានផុស

នៅ

រាជរដ្ឋាភិបាលកម្ពុជា​ បាន​សម្រេច​ផ្អាក​ការធ្វើដំណើរចេញ-ចូល ឆ្លងកាត់ព្រំដែនកម្ពុជា-​​វៀតណាម ​ជា​បណ្ដោះ​អាសន្ន​​រយៈពេល​១ខែ ​ដើម្បីទប់ស្កាត់ការរីករាលដាលនៃជំងឺកូវីដ-១៩។ ​នេះបើយោងតាមលិខិតរបស់លោក អ៊ុច បូររិទ្ធ រដ្ឋលេខាធិការប្រចាំការ នៃក្រសួងការបរទេស និងសហប្រតិបត្តិការអន្តរជាតិកម្ពុជា​ ដែលផ្ញើជូន​ឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លិខិត​ផ្ញើជូន​ឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាម ចុះថ្ងៃទី១៣ ខែកក្កដា ម្សិលមិញ បានបញ្ជាក់ថា «ដើម្បីទប់ស្កាត់ការរីករាលដាលនៃជំងឺកូវីដ-១៩ ចម្លងចូល​មកព្រះរាជាណាចក្រកម្ពុជា រាជរដ្ឋាភិបាលបានសម្រេចផ្អាកជាបណ្ដោះអាសន្នសម្រាប់ ការធ្វើដំណើរចេញ-ចូលឆ្លងកាត់ព្រំដែនកម្ពុជា-វៀតណាម របស់កម្មករជំនាញ អ្នកបច្ចេក​ទេស បុគ្គលិក ក្រុមហ៊ុននានារបស់វៀតណាម រយៈពេល​១ខែ ដោយអនុវត្តចាប់ពីថ្ងៃទី១៨ ខែកក្កដា ឆ្នាំ២០២១ ខាងមុខនេះតទៅ»។

ទោះជាយ៉ាងណាលិខិតនោះ បាន​​លើកលែងសម្រាប់អ្នកជំងឺ ដែលត្រូវទៅព្យាបាលនៅប្រទេស​វៀតណាម អ្នកការទូត មន្ត្រីរាជការ ដែលមានបេសកកម្មតាមការអញ្ជើញរបស់អាជ្ញាធរ នៃប្រទេសទាំងពីរ រួមទាំងនិស្សិត សិក្ខាកាម ដែលបានបញ្ចប់វគ្គសិក្សា ឬករណ៍មានការអនុញ្ញាតពិសសពីរាជរដ្ឋាភិបាល។​ ចំពោះបុគ្គលិក និងកម្មករជំនាញរបស់ក្រុមហ៊ុនវៀតណាម ដែលបានចូលមកកម្ពុជារួច​ហើយ ទាំងអ្នកដែលបានធ្វើចត្តាឡីស័ក​រួច និងអ្នក​ដែល​កំពុងធ្វើចត្តាឡីស័ក មិនត្រូវបានអនុញ្ញាតឲ្យ​វិលត្រឡប់ទៅប្រទេសវៀតណាមវិញទេ ក្នុងអំឡុងពេលនៃការផ្អាកការចេញ-ចូលបណ្តោះអាសន្ននេះ។

ជាមួយគ្នានេះ ក្រសួងការបរទេស​ បានស្នើឲ្យឯកអគ្គរាជទូត ​សហការជាមួយអាជ្ញាធរវៀតណាម ដើម្បីស្នើឱ្យអាជ្ញាធរ នៃប្រទេសទាំងពីរជួយសម្របសម្រួលកិច្ចដំណើរការ នៃការដឹកជញ្ជូននាំចេញ និងនាំចូលទំនិញនានា ដោយអនុវត្តឱ្យបានម៉ឺងម៉ត់ តាមវីធានសុខាភិបាលនៃប្រទេសទាំងពីរ។

បើតាមក្រសួងការបរទេស​ វិធានការបណ្ដោះអាសន្ន នៃការរឹតត្បិតការចូលមកកម្ពុជា ដូច​ដែល​​មានចែងក្នុងកំណត់ទូត លេខ​៧៣៤ ចុះថ្ងៃទី២៧ ខែមីនា ឆ្នាំ២០២០ របស់ក្រសួងការបរទេស និងសហប្រតិបត្តិការអន្តរជាតិកម្ពុជា និងវិធានការផ្សេងៗ ដែល​មាន​ស្រាប់របស់កម្ពុជា​នៅជាធរមាន។​

សូមបញ្ជាក់ថា ការសម្រេច​ផ្អាក​ការធ្វើដំណើរចេញ-ចូល ឆ្លងកាត់ព្រំដែនកម្ពុជា-​​វៀតណាម ជា​បណ្ដោះ​អាសន្ន​រយៈពេល១ខែនេះ ធ្វើឡើងដោយយោងតាម​ចំណារឯកភាពដ៏ខ្ពង់ខ្ពស់របស់សម្តេចអគ្គមហា​សេនាបតី​តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចុះថ្ងៃទី១២ ខែកក្កដា ឆ្នាំ២០២១។

ជាមួយគ្នានោះ ក្រសួងការបរទេស ក៏បាន​ប្រាប់ឲ្យឯកអគ្គរាជទូតកម្ពុជា ប្រចាំសាធារណរដ្ឋសង្គមនិយមវៀតណាម ជូនព័ត៌មានទៅអាជ្ញាធរវៀតណាម​ អំពីសេចក្តីសម្រេចនេះផងដែរ៕ (ដោយ)៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៦ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ៨ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ៨ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ៨ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services