ព័ត៌មានជាតិ

តួលេខអ្នកឆ្លងកូវីដតាមខេត្ត តាកែវ ឧត្តរមានជ័យ ព្រៃវែងមួយថ្ងៃឆ្លងជាង ១០០ នាក់

បានផុស

៤ years មុន

នៅ

ថ្ងៃពុធ ២១ កក្កដា ២០២១

ដោយ

ខេត្តតាកែវ ព្រៃវែង និងឧត្តរមានជ័យ បានរាយការណ៍ករណីឆ្លងជាង ១០០ នាក់ក្នុងមួយថ្ងៃ។ ខេត្តព្រៃវែងជាខេត្តមានតួលេខអ្នកឆ្លងខ្ពស់ប្រចាំថ្ងៃ បើតាមអាជ្ញាធររាយការណ៍មានអ្នកឆ្លង ១០៧ នាក់ ក្នុងរយៈពេល ២៤ ម៉ោង ខណៈខេត្តតាកែវ ក៏រកឃើញអ្នកឆ្លង ១០៦ នាក់ បើតាមស្នងការនគរបាលខេត្តបានជូនដំណឹង។

ខេត្តឧត្តរមានជ័យដែលជាប់ព្រំដែនថៃ អាជ្ញាធរខេត្តបានប្រកាសរកឃើញអ្នកឆ្លងថ្មី ១៦៥ នាក់។ ករណីឆ្លងនៅខេត្តឆ្ងាយដាច់ស្រយាល ភាគច្រើនលើអ្នកដំណើរមកពីថៃដែលធ្វើឲ្យអាជ្ញាធរបារម្ភមិនអាចមានកន្លែងសម្រាកព្យាបាលគ្រប់គ្រាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ខេត្តសៀមរាប ជាខេត្តទេសចរណ៍ដ៏ធំ តួលេខអ្នកឆ្លងប្រចាំថ្ងៃមិនទាន់មានសញ្ញាណធ្លាក់ចុះនោះទេ ដោយកាលពីម្សិលមិញនេះ រកឃើញអ្នកឆ្លងថ្មី ៩៤ នាក់ទៀត។

ខាងក្រោមជាតួលេខអ្នកឆ្លងកូវីដ ដែលអាជ្ញាធរបានជូនដំណឹង៖

១-ខេត្តឧត្តរមានជ័យ (១៦៥នាក់)
២-ខេត្តកោះកុង (៧៤ នាក់)
៣-ខេត្តសៀមរាប ( ៩៤នាក់)
៤-ខេត្តកំពង់ចាម ( ៦២នាក់)
៥-ខេត្តបន្ទាយមានជ័យ ( ៨៩នាក់)
៦-ខេត្តកំពង់ធំ ( ២៦នាក់)
៧-ខេត្តព្រៃវែង ( ១០៧នាក់)
៨-ត្បូងឃ្មុំ (៤០នាក់)
៩-ខេត្តបាត់ដំបង ( ៦១នាក់)
១០-ខេត្តប៉ៃលិន ( ០៧ នាក់)
១១-ខេត្តស្វាយរៀង (៥៦នាក់)
១២-ខេត្តមណ្ឌលគិរី ( ០១នាក់)
១៣-ខេត្តរតនគីរី (០២នាក់)
១៤- តាកែវ (១០៦នាក់)
១៥-ខេត្តព្រះវិហារ ( ១៩នាក់)
១៦-ខេត្តកំពង់ឆ្នាំង ( ៣៧នាក់)
១៧-ខេត្តក្រចេះ (០៧នាក់)
១៨-ខេត្តកែប (០៣នាក់)