ព័ត៌មានជាតិ
មន្ត្រីខេត្តព្រះសីហនុ ចុះយកសំណាកចល័តលើមនុស្ស១,៩២៣នាក់ រកឃើញវិជ្ជមាន៥៤នាក់
ក្រុមការងារចម្រុះរបស់រដ្ឋបាលខេត្តគិតចាប់ពីថ្ងៃទី១៤ ខែកក្កដា ឆ្នាំ២០២១ មកដល់ថ្ងៃទី២០ ខែកក្កដាឆ្នាំ២០២១នេះ បានចុះព័ទ្ធយកសំណាកចល័តទៅលើទីតាំងចំនួន០៥ក្នុងក្រុងព្រះសីហនុ ដែលមានហានិភ័យខ្ពស់ដោយបានធ្វើការពិនិត្យ ទៅលើប្រជាពលរដ្ឋចំនួន ១៩២៣នាក់ ស្រី៩១៦នាក់ក្នុងនោះ រកឃើញអ្នកមានវិជ្ជមានជំងឺកូវីដ១៩ ចំនួន៥៤នាក់ ក្នុងនោះ មានស្រី២៨នាក់។
លោក ឃាង ភារម្យ អ្នកនាំពាក្យសាលាខេត្ត បានបញ្ជាក់ថា ការព័ទ្ធយកសំណាកចល័តនៅតាមទីតាំង ដែលមានហានិភ័យខ្ពស់ គឺជាវិធានថ្មីមួយ នៃប្រតិបត្តិការ នៃការប្រយុទ្ធប្រឆាំងជំងឺកូវីដ-១៩ ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហគមន៍ នៃខេត្តព្រះសីហនុ។ ប្រសិនបើយើងមិនចាត់វិធានការទាន់ពេលវេលា ដោយទុកឱ្យវាឆ្លងរាលដាលអស់កម្រិត ទើបយើងស្រាវជ្រាវនោះ គឺការឆ្លងនឹងមានទំហំកាន់តែធំឡើង។
តាមបទពិសោធន៍ទីកន្លែង ដែលមានការលក់ដូរ និងប្រមូលផ្តុំ គឺជាកន្លែង ដែលមានការឆ្លងរាលដាលច្រើន ដូច្នេះគឺយើងបានចាត់វិធានការបន្ទាន់ដោយព័ទ្ធយកសំណាក នៅតាមទីតាំង ទាំងនោះ ដើម្បីស្វែងរកអ្នកមានវិជ្ជមាន ជំងឺកូវីដ-១៩ យកទៅព្យាបាលឱ្យបានទាន់ពេលវេលា ដើម្បីកាត់ផ្តាច់ ការចម្លងបន្ត ហើយសម្រាប់ព្រឹកថ្ងៃទី២១ ខែកក្កដា ឆ្នាំ២០២១នេះ ក្រុមការងារចល័តចម្រុះរបស់រដ្ឋបាលខេត្ត នៅតែបន្តចុះយកសំណាក់តាមតំបន់ទីប្រជុំជនមួយចំនួនក្នុងក្រុង។
គួរបញ្ជាក់ដែរ យោងតាមកិច្ចប្រជុំរបស់គណៈអភិបាលខេត្តកាលពីរសៀលថ្ងៃទី២០ ខែកក្កដា ឆ្នាំ ២០២១ នេះបានឲ្យដឹងថា ទីផ្សារមួយចំនួននៅក្នុងខេត្តព្រះសីហនុ នឹងបើកឲ្យដំណើរការឡើងវិញនៅថ្ងៃទី២៥ ខែកក្កដា ឆ្នាំ២០២១។ ក្នុងលក្ខខណ្ឌតម្រូវឲ្យអ្នកគ្រប់គ្រងផ្សារ ក៏ដូចជាអាជីវករត្រូវអនុវត្តតាមលក្ខខណ្ឌរបស់រដ្ឋបាលខេត្ត អំពីស្តង់ដារកម្លាតសុវត្ថិភាព ត្រូវអនុវត្តវិធានការរបស់ក្រសួងសុខាភិបាល និងអនុសាសន៍ដ៏ខ្ពស់របស់ ប្រមុខរាជរដ្ឋាភិបាលកម្ពុជា គឺបីការពារបីកុំឲ្យបានខ្ជាប់ខ្ជួន ទើបឲ្យដំណើរការ អាជីវកម្មលក់ដូរឡើងវិញ បើមិនអនុវត្តឲ្យបានម៉ឺងម៉ាត់តាមវិធានការរបស់ក្រសួងសុខាភិបាល រដ្ឋបាលខេត្តនឹងផ្អាកជាបណ្ដោះអាសន្ន មិនឲ្យ ដំណើរការអាជីវកម្មលក់ដូរបន្តទៅទៀតនោះទេ។
ដោយឡែកសម្រាប់យុទ្ធនាការចាក់វ៉ាក់សាំងការពារជំងឺកូវីដ១៩ លើប្រជាពលរដ្ឋ ចំនួន១៩៣១៦៥នាក់ទូទាំងខេត្តព្រះសីហនុ និងត្រូវបិទបញ្ចប់ នៅថ្ងៃទី៣១ ខែកក្កដា ឆ្នាំ២០២១នេះហើយ៕
អត្ថបទ៖ កោះពស់
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល
កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក
សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)