ព័ត៌មានជាតិ

ការដ្ឋាន១កន្លែងសាងសង់ខុសបច្ចេកទេស បណ្តាលឲ្យបាក់ទាំងស្រុង និងមានស្រី្ដម្នាក់រងរបួសធ្ងន់

បានផុស

៥ years មុន

នៅ

ថ្ងៃសៅរ៍ ៧ សីហា ២០២១

ដោយ

ការដ្ឋានសំណង់១កន្លែង សាងសង់ខុសបច្ចេកទេស បណ្តាលឲ្យបាក់ប្លង់សេអគារកំពុងសាងសង់ ស្រះសួគ៍ ខ្ទេចខ្ទីអស់ក្នុងនោះមានរបួសស្រីធ្ងន់ម្នាក់។ ហេតុការណ៍នេះ កើតឡើងនៅវេលាម៉ោង១០:១០នាទីព្រឹក ថ្ងៃទីថ្ងៃទី៧ ខែសីហា ឆ្នាំ២០២១ ភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯកសៅ សារឿន អធិការនគរបាលក្រុងប៉ោយប៉ែត បានប្រាប់ឲ្យដឹងថា ម្ចាស់អគារមានឈ្មោះ យឹម គឹមអៀង អាយុ៤០ឆ្នាំ ភេទប្រុស ជនជាតិខ្មែរ រស់នៅភូមិគីឡូម៉ែត្រលេខ៤ សង្កាត់ផ្សារ កណ្តាលក្រុងប៉ោយប៉ែត ខេត្តបន្ទាយមានជ័យ មុខរបរលក់ខុនដូរអគារកំពុងសាងសង់ ដែលមានទទឹង១២ម៉ែត្រ បណ្តោយ១៦ម៉ែត្រ។

លោកវរសេនីយ៍ឯក សៅ សារឿន បានប្រាប់បញ្ជាក់ឲ្យដឹងបន្តទៀតថា នៅពេលកំពុងសាងសង់ស្រាប់តែប្លង់សេកំពុងសាងសង់ចាក់ជាន់ទី១ បាក់ធ្លាក់មកក្រោមទាំងផ្ទាំង បណ្តាលឲ្យមានគ្រោះថ្នាក់មនុស្សម្នាក់ ឈ្មោះនី ស្រីនិច អាយុ១៩ឆ្នាំ ភេទស្រី ជនជាតិខ្មែរ ជាកម្មករសំណង់ រស់នៅភូមិអូរជ្រៅ សង្កាត់ប៉ោយប៉ែតប៉ោយប៉ែត ខេត្តបន្ទាយមានជ័យ របួសបាក់ជើងខាងស្តាំ ត្រូវបានបញ្ជូនទៅសង្គ្រោះបន្ទាន់នៅគ្លីនិកអគារថ្មី។

លោកបានបញ្ជាក់ឲ្យដឹងបន្តទៀតថា មូលហេតុ ការសាងសង់ខុសលក្ខណះបច្ចេកទេស។ក្រោយពេលកើតហេតុហើយមន្ត្រីអាជ្ញាធរក្រុងប៉ោយប៉ែត និងសមត្ថកិច្ចចុះដល់កន្លែងកើតហេតុជួយធ្វើអន្តរាគមន៍រៀបចំសណ្តាប់ធ្នាប់ល្អឡើងវិញផងដែរ៕

អត្ថបទ៖ វ៉ាន់ ណាង

Related Topics:បាក់ប្លង់សេ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា