មន្ត្រីពាក់ព័ន្ធខេត្តកោះកុង មកចាក់វ៉ាក់សាំងកូវីដដូសជំរុញរបស់រាជរដ្ឋាភិបាលកម្ពុជា
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រីពាក់ព័ន្ធខេត្តកោះកុង មកចាក់វ៉ាក់សាំងកូវីដដូសជំរុញរបស់រាជរដ្ឋាភិបាលកម្ពុជា

បានផុស

នៅ

កោះកុង៖ តបនឹងអ្វីដែលជាការប្រកាសបញ្ជារបស់សម្តេចតេជោ នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី៨ ខែ សីហា នេះ មានទាំងអភិបាលខេត្តកោះកុង មន្រ្តីសុខាភិបាល និងមន្រ្តីរាជការជួរមុខក្រោមឱវាទជាច្រើនទៀត បានមកទទួលការចាក់វ៉ាក់សាំងដូសជំរុញលើកទី៣ នៅតាមមណ្ឌលដែលរៀបចំទុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូចនឹងអ្វីដែលជាការគ្រោងទុករបស់ណែនាំរបស់រាជរដ្ឋាភិបាល លោកស្រី មិថុនា ភូថង អភិបាលខេត្ត លោកអភិបាលរងខេត្ត ប្រធានមន្ទីរពេទ្យខេត្តក្រុងស្រុក និងមន្រ្តីពាក់ព័ន្ធជួរមុខក្នុងខេត្តកោះកុងគោរពបំពេញកាតព្វកិច្ចបានយ៉ាងត្រឹមត្រូវដោយមកទទួលថ្នាំវ៉ាក់សាំងប្រភេទ អាស្រ្តាហ្សេនីកា ដូសទី៣ សម្រាប់អ្នកខេត្តខ្សែបន្ទាត់ជាប់ព្រំដែនប្រទេសថៃ។

ថ្លែងប្រាប់ក្រុមអ្នកសារព័ត៌មាន លោក ទូ សាវុធ អភិបាលរងខេត្ត និងជាប្រធានគណៈកម្មការចាក់វ៉ាក់សាំងការពារជំងឺកូវីដ១៩ ខេត្តកោះកុង លើកឡើងថា អ្វីៗគឺរដ្ឋបាលេខេត្ត និងស្រុកបានរៀបចំសម្ភារៈ និងទីតាំងមណ្ឌលវ៉ាក់សាំងរួចរាល់អស់ហើយ ដោយមានមន្រ្តីពាក់ព័ន្ធ៤៣០០នាក់អនុញ្ញាតឱ្យមកចាក់វ៉ាក់សាំងដូសជំរុញ ក្នុងគោលដៅបង្កើនប្រសិទ្ធិភាពប្រឆាំងជំងឺកូវីដ ១៩ ជាពិសេសប្រភេទ Delta មកពីថៃ។

បើតាមអភិបាលរងខេត្ត ចាប់ពីម៉ោង៧ព្រឹកដល់ម៉ោង១២រសៀល ថ្ងៃទី៨ សីហា ដំណើរការចាក់វ៉ាក់សាំងដូសទី៣នេះ ប្រព្រឹត្តទៅដោយរលូនល្អប្រសើរ ការចូលរួមអនុវត្តវិធានការសុខាភិបាលយ៉ាងខ្ជាប់ខ្ជួនឈរលើស្មារតីខ្ពស់ បង្ការជំងឺកូវីដពេលមកចាក់វ៉ាក់សាំង។

ដំណើរចាក់វ៉ាក់សាំងដូសជំរុញផ្តល់ដោយរាជរដ្ឋាភិបាលកម្ពុជា នៅក្នុងខេត្តកោះកុង ដែលជាខេត្តជាប់ព្រំដែនក្បែរប្រទេសថៃ គឺនឹងប្រព្រឹត្តទៅរយៈពេល៥ថ្ងៃ គិតចាប់ពីថ្ងៃទី៨ សីហា ដល់ថ្ងៃទី១២ ខែសីហា ឆ្នាំ២០២១។ ដោយទី១នៅសាខាកាកបាទក្រហមខេត្ត ទី២នៅសាលាបឋមសិក្សាបឹងព្រាវ ស្រុកស្រែអំបិល និងទី៣ នៅមណ្ឌលសុខភាពភ្ញីមាស ស្រុកគិរីសាគរ។

លោក សុវណ្ណ ប៊ុនធឿន ប្រធានទីស្នាក់ការត្រួតពិនិត្យច្រកទ្វារព្រំដែនអន្តរជាតិចាំយាម និងលោក សោម សុភាព មន្រ្តីសុខាភិបាលប្រតិបត្តិក្រុងខេមរភូមិន្ទ អះអាងថា ពួកគាត់ពិតជារំភើបចិត្តជាខ្លាំងដែលទទួលថ្នាំវ៉ាក់សាំងដូសទី៣ ដែលដូសជំរុញផ្តល់ពីសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

ក្រុមមន្រ្តីរាជការជួរមុខខេត្តកោះកុង ក៏ថ្លែងអំណរអរគុណដ៏ជ្រោលជ្រៅជូនប្រមុខរាជរដ្ឋាភិបាលកម្ពុជាតែងគិតគូរយកចិត្តទុកដាក់ខ្ពស់លើសុខុមាលភាពមន្រ្តីរាជការ កងកម្លាំងប្រដាប់អាវុធ និងពលរដ្ឋ ក្នុងបិរបទជំងឺកូវីដដែលពួកគេងាយប្រឈមនឹងការឆ្លងជំងឺ។ ត្បិតពួកគាត់ បានចាក់វ៉ាក់សាំងដូសទី៣នេះក៏ដោយ ក៏បន្តអនុវត្តវិធានការសុខាភិបាលថែមទៀត ៣កុំ និង៣ការពារ ជៀសវាងមានការថ្វីប្រហែសណាមួយ៕

អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៣ នាទី មុន

គណៈកម្មការ​ចម្រុះ​ រកឃើញ​ផ្ទៃដី​សរុប​ចំនួន ៤៧០០ ហិតា​ ដែល​ត្រូវ​ឈ្មួញ​កាប់​ទន្ទ្រាន​យក​

ព័ត៌មានជាតិ១ ម៉ោង មុន

លោក ទៀ សីហា អញ្ជើញ​ជា​អធិបតី​ក្នុង​ពិធី​ចែក​វិញ្ញាបនបត្រ​សម្គាល់​ម្ចាស់​អចលនវត្ថុ ជូន​ដល់​បងប្អូន​ប្រជាពលរដ្ឋ​៤​ភូមិ​ក្នុងស្រុក​សូទ្រនិគម

ព័ត៌មានជាតិ១ ម៉ោង មុន

ស្អែក​នេះ សាលាដំបូង​រាជធានី នឹង​បើកសវនាការ​កាត់ទោស​សំណុំរឿង​ប៉ុនប៉ង​ផ្តួលរំលំ​រាជរដ្ឋាភិបាល

ព័ត៌មានជាតិ១ ម៉ោង មុន

ស្ថាន​បេសកកម្ម​អចិន្ត្រៃយ៍​កម្ពុជា​ថា ការ​អត្ថាធិប្បាយ​របស់​អ្នកនាំពាក្យ OHCHR មាន​លក្ខណៈ​ន​យោ​​យូ​ប​នី​កម្ម

កីឡា២ ម៉ោង មុន

AFF​ Cup៖​ បើក​ឆាក​ កម្ពុជា​ ចាញ់​​ ម៉ាឡេស៊ី​ ១-៣

Sokha Hotels

ព័ត៌មានពេញនិយម

Helistar Cambodia - Helicopter Charter Services